26. यीशु हेजा सेवा चालोएवा होय

शैतान गा अंदजो नौर गा बान मेन गा बादोन, यीशु डाबोलटे गलील गा इलाका गेन हे न। इनी डीका जगा होय देटेन डीच थंदळ डा। पवित्र आत्मा डीचके भेबाव शक्ति जे लक्के डा, एठा यीशु म्या जागा टे दूसरा जागान ओलेन एठा कुरकू के शिक्षा जीके। सेबाईकुनी दियागा बारेन अच्छा बातो मंडीके।

यीशु नसरत पूरा गेन ओले। इनी डीका गाँव होय देटेन डीच हेजा सनी टेमोन थंदळ लक्कू डा। हफ्त गा दिन, डीच आराधना दडा गा जागान ओले। अगुवानी डीचके यशायाह परमेश्वर गा कोनेटे मंडी मिठाच गा खाबोर गा म्या पुस्तक जीके। दिकु चाहता डा कि डीच डे तालाटे पळातिंजे। इनिघल्जी यीशु नी डी पुस्तक के खुल्लाटे डेगा म्या भागो के कुरकू गा घल्जी पळातिंज्के।

यीशु पळातिंज्के, “परमेश्वर नी इंज्के हेजा आत्मा जिले होय ताकि इंज गिरबोकु तालान अच्छा खाबोर घाल्की होना। डीचनी इंज्के इनिघल्जी कुल्लेमी होय कि कैदीकु के आझादके कु होना, अंधळाकु के डाबोलटे दोडो होळाकेकु होना, एठा दिकुके आराकेकु होना दिकुके दूसरा कुरकू कुचलातिंजकु लक्के होय। इनी डीका टेमो होय जब परमेश्वर आले लिंजेन कृपालु होंगा एठा आलेगा मदत डाएवा।”

डाबोलटे यीशु सुबंजे। सेबाई कुरकू डीचके खाट ध्यान टे दोडो लक्के डा। दिकु हाडाई डा कि पवित्र ग्रंथ गा जो भागो डीचनी आए पळातिंज्के डा डी मसीह गा बारेन डा। यीशु नी मंडीके, “जो बातो इंज्नी आए आपेगा घल्जी पळातिंज्के होय, डी इनी टेमो डाऊ लक्के होय।” सेबाई कुरकू बिचारजे डा। दिकुनी मंडीके, “चोच इनीज यूसुफ गा कोंटे बाऊ होय?”

मेटे यीशु नी मंडीके, “इनी सच्चो होय कि कुरकू येनोगो परमेश्वर गा कोनेटे मंडी मिठाच के चोलाकाभी मनेनेज बाने जो दिकुगा पूरा गेन पलातिंज्के होय। एलिय्याह परमेश्वर गा कोनेटे मंडी मिठाच गा टेमो गेन, इस्राएल गेन घोनेच्का विधवाकु डा। पेनो जब साडे आफाई साल टाएन डा बान घामाडुका मेटे परमेश्वर नी एलिय्याह के इस्राएल गेन तुनिका विधवा गा मदत दडा गा घल्जी बान कुलडुका। येनेगा बाजाए, डीचनी एलिय्याह के तुनिका अलग्गो देशो गा विधवा गा मेरान कुल्केनेच।”

यीशु नी मंडी सुरुका डोके, “एठा एलिशा परमेश्वर गा कोनेटे मंडी मिठाच गा टेमो गेन, इस्राएल गेन घोनेच्का कुरकू कतळे गा रोगो टे बिमारके डा। पेनो एलिशा नी दिकु तालाटे जेकाकेभी सजाडुका बाने। डीचनी बस इस्राएल गा दुश्मनकु गा सेनापति नामान के सजाकेनेच।” पेनो जो कुरकू यीशु के आजू लक्के डा दिकु यहूदी डा। इनिघल्जी जब दिकुनी डीचके इनी मंडी लठ्ठाका आजुम्के मेटे दिकु दिया लिंजेन खिजोएन।

नासरत गा कुरकू नी यीशु के उठायेनेच एठा डीचके आराधना गा जागाटे ओळटे बल्लान साईंय्येनेच। दिकु डीचके घोगेज गा घल्जी इटान तेटाप्पा के म्या पाटा गा कपार लिंजेन साईय्येनेच। पेनो यीशु गर्दी गा तालाटे ओले मेना एठा नासरत पूरा के आराटे ओले मेना।

डाबोलटे यीशु सेबाई गलील गा इलाका गेन ओले, एठा खाट गर्दी दियागा मेरान हेन। दिकु येनोगो घोनेच्का कुरकू के साटे हेन जो बीमार एठा नंगाळा डा। दिकु तालाटे चोच्का डोगे, बो, आजुमे या मंडी बान साकता डा, एठा यीशु नी दिकुके सजाकेकु।

येनेगा अलावा, घोनेच्का येनोगो कुरकू यीशु गा मेरान ओले दिकुन बुरा आत्मानौर डा। यीशु नी बुरा आत्मानौर के दिकु तालाटे सेने गा हुकूम जीके। दिकु बुरा आत्मानौर अक्सर चिल्लातिंज्के, “आम परमेश्वर गा कोण होय!” गर्दी गा कुरकू बिचारजे डा, एठा दिकुनी परमेश्वर गा स्तुति डाए।

डाबोलटे यीशु नी बल्लान कोरोकु के कलाम्केकु दिकुके डीचनी हाकोके मिंकू मंडीके। डी हाकोके मिंकू नी दियागा सेंग्गोन सेंग्गोन यात्रानौर गा कोनेटे दियाटे शिक्षा घाटावे।