28. लकपति जवान राजोमिठाच

म्या दिन, म्या लकपति जावान राजो मिठाच नी यीशु गा मेरान हेंडो दियाटे कोम्बराके, “हे कास गुरु, हमेशा गा जीवन घाटाऊ गा घल्जी इंजेन चोच दडा होना?” यीशु नी दियाटे मंडीके ‘कास’ चोया मंडीवा होय? बस म्याका कास होय एठा डीच परमेश्वर होय। पेनो अगर आम हमेशा गा जीवन घाटाऊ चाहतावा होय मेटे परमेश्वर गा नियम गा पालन डाए।”

“इंज्के तुनि-तुनि हुकूमनौर गा पालन दडा गा जरुरी होय?” डीचनी कोम्बराके। यीशु नी जवाब जीके, “घोगेच बाकी। आनोवा बाकी दडा। चुरी बाकी दडा। लाबाळ बाकी मंडी। आपना बाटे एठा आंटे गा आदर दडा, एठा आपना मेराकू टे आपना रोंगो प्यार दडा।”

पेनो डी जवान कोरोकु नी मंडीके, “इंज इंजागा सनी टेमो टे का इनी सेबाई हुकूमनौर गा पालन दडा टे हेन मेना। इंज्के हमेशा गा घल्जी जीटा थंदळ के आए भी चोच दडा गा जरुरी होय?” यीशु नी दिया लिंजेन नजर डोके एठा दियाटे प्यार डावे।

यीशु नी जवाब जीके, “अगर आम पक्काऊ चाहतावा होय मेटे सेनेडो आपना सेबाई चोच्का किजिकी एठा डी डामा गिरबोकुन खातिंजकी, एठा आमेन स्वर्ग गेन डामा घाटाऊवा। मेटे हेजेवाडो इंजा टाऊटे हेजे।”

जो यीशु नी मंडीके जब डी जवान कोरो नी आजुम्के मेटे डीच ठायका नराजोएन, चोयाकी डीच भेबाव लाकपति डा एठा डीचनी हेजा सेबाई संपत्ति के जिऊ बान चाहता डा। डीच मुराटे यीशु गा मेराटे ओले।

मेटे यीशु नी हेजा चेलाकूटे मंडीके, “परमेश्वर गा राज्य गेन लकपति कुरकू गा मु गा भेबाव काठीन होय! हाँ, म्या लकपति कोरो गा परमेश्वर गा राज्य गेन मु गा तुल्न गेन तुनिका ऊँटो गा सुई गा पोपा टे ओट आसान होय।”

जो यीशु नी मंडीके जब चेलाकूनी आजुम्के मेटे दिकु बिचारजे। दिकुनी मंडीके, “अगर इनी येनोगो होय मेटे परमेश्वर जेके बचातिंजेच्बा?”

यीशु नी चेलाकु लिंजेन नजर डोके एठा मंडीके, “कुरकू गा घल्जी खुद गा उद्धार दडा नमुनकीन होय। पेनो परमेश्वर गा घल्जी चोच्का दडा नमूनकिन बाऊ होय।”

पतरस नी यीशु टे मंडीके, “आले चेलाकू आपना सेबाईका आराटे अमा टाऊन ओले होय। मेटे आलेगा ईनाम चोच होंगा?”

यीशु नी जवाब जीके, “हर म्या कोरो डीचनी इंजा वाजाटे उरा, डाई, बोकाजाई, बाटे, आंटे, कोणकु, या संपत्ति के आराके होय, डी दियाटे १०० गुणा येठाभी जादा घाटाऊवा। एठा जीवन के भी घाटाएवा। पेनो घोनेच्का जो पेला होय दिकु टाऊ गुवा, एठा घोनेच्काकुका टाऊ होय दिकु पेला होंगा।”