29. निर्दयी भाग्य गा कहानी

म्या दिन, पतरस नी यीशु टे कोम्बाराके, “हे स्वामी, इंज्के अमा डाई के चोटों बार मापोकेच होना जब डीच इंजा खिलाफ बेन पापो दडावा होय? चोच याई बार टाएन?” यीशु नी मंडीके, “याई बार बाने, पेनो याई गा सत्तर बार!” येनेगा द्वारा, यीशु गा मतलब होय आलेन हमेशा मापो दडा होना। मेटे यीशु नी इनी कहानी घाल्के।

यीशु नी मंडीके, “परमेश्वर गा राज्य म्या राजा गा रोंगो होय जो हेजा भाग्य टे ओल सा चाहता डा। दियागा म्या भाग्य २००,००० साल गा मुंजरी गा म्या खाट कर्जो गा कर्जो जिऊ मिठाच डा।”

पेनो डी भाग्य हेजा कर्जो के फेळाडुका बाने, इनिघल्जी राजा नी मंडीके, “इनिज गा कर्जो फेफाळा गा घल्जी इनी कोरो के एठा इनिज गा परिवार के भाग्य गा रुपो गेन कीजिकेच।”

“डी भाग्य नी राजा गा सम्मान हेजा टोपरे जेगाटे मंडीके, ‘कृपया इंजा सेंग्गोन आराम्बो डोए, एठा इंज आपना कर्जो गा पूरा डामा गा जेवा।’ राजा नी भाग्य ;लिंजेन द्याय डाके, इनिघली डीचनी दियागा सेबाई कर्जो के मापोके एठा डीचके सेडाए केनेच।

“पेनो जब डी भाग्य राजा गा मेराटे बल्लान ओले, मेटे दियेन दियागा म्या सोप्ती भाग्य घाटाएन जो दियागा उफुन महीना गा मुंजरी गा कर्जोदार डा। डी भाग्य नी हेजा सोप्ती भाग्य के उठायेनेच एठा मंडीके, ‘जो अमा लिंजेन इंजा कर्जो होय इंज्के डी सेगे!”

“डी सोप्ती भाग्य नी टोपरे जेगाटे मंडीके, ‘कृपया इंजा सेंग्गोन अराम्बो डोए, एठा इंज इंजागा कर्जो गा पूरा डामा जिकी होना।’ पेनो येनेगा बजाए, डी भाग्य नी हेजा सोप्ती भाग्य के जेलेन येंडाकेनेच जब टाएन कि डीच डी कर्जो के बाकी जिऊ।”

“जो चोच्का डाएन डा डीचके अदा अलग्गो भाग्यकु नी डोके एठा डीच भेबाव परेशान जे। दिकु राजा गा मेरान ओले एठा डीचके सेबाई चोच्का घाल्के।”

“राजा नी डी भाग्य के हाकोटे मंडी, ‘हे बुरा भाग्य! इंज्नी अमा कर्जो के इनिघल्जी मापोकेनेच डा चोयाकी आमनी इंजाटे डाके डा। आमके भी डेनोगोका दडा होना डा।’ राजा येटो खीजो के डा कि डीचनी डी बुरा भाग्य के जेलेन येंडाकेनेच जब टाएन कि डीच हेजा सेबाई कर्जो गा डाबोलटे जिऊ बा नटाएन।”

मेटे यीशु नी मंडीके, “इंजा स्वर्ग गेन सुबानके बाटे आपे तालाटे हर म्याखोम गा सेंग्गोन इनिका डाएवा अगर आपे आपना डाई के आपना दिल टे मापोएच बाने।”