30. इनी कुरकू यीशु मोनाई हजार कुरकू के आटा चाराएवा होय

यीशु नी हेजा कलमके चेलाकूके प्रचार दडा एठा कुरकू के शिक्षा जिऊ गा घल्जी घोनेच्का अलग्गो-अलग्गो गाँवनौर गेन कुल्केकु। जब दिकु देटे हिराके देटेन यीशु डा मेटे दिकुनी डीचके घाल्के कि दिकुनी चोच डाके डा। मेटे यीशु नी दिकुके गडा गा दूसरा कोनेन दियागा सेंग्गोन म्या शांति जगान ओलेडो अदा टेमो आराम्बो जोम गा घल्जी हकोलेकु। इनिघल्जी दिकु म्या डोंगा लिंजेन पेळेन एठा गडा गा दूसरा कोनेन ओले मेना।

पेनो देटेन घोनेच्का कुरकू डा दिकुनी यीशु एठा चेलाकू के डोंगा गेन सेने टेमो डोकेकु डा। इनी कुरकू दिकुटे सम्मान गडा गा दूसरा कोनेन सेने गा घल्जी गडा गा धुरा-धुरान सळुपजे। इनिघल्जी जब यीशु एठा चेलाकू आदिरजे मेटे कुरकू गा म्या खाट समूह दिकुगा राह दोडो लठ्ठाका पेलाटेका डा।

डी गर्दी गेन जापाएकु एठा चफ्नीकु गा उमना गा बिना ५,००० टे येठाभी कोरो डा। यीशु नी डी कुरकू लिंजेन बोचोके दया होना। यीशु गा घल्जी बिना ताठ्या गा मेंडाकु गा रोंगो डा। इनिघल्जी डीचनी दिकुके शिक्षा जीके एठा दिकुगा तालान जो कुरकू बीमार डा दिकुके सजाकेकु।

दिन गा आखरी गेन, चेलाकूनी यीशु टे मंडीके, “नका टेमोएन होय एठा आसोपसो गेन तुनिका पूरा बाऊ होय। इनी कुरकू के बीडाकेकु ताकि दिकु ओलेडो जोजोम गा घल्जी चोच्का सेगे।”

पेनो यीशु नी चेलाकू टे मंडीके, “आपे दिकुके जोम गा घल्जी चोच्का सेगे।!” दिकुनी जवाब जीके, “आले येनोगो टोनोगो डा ए साकतावा होय? आलेगा मेरान बास सोकळा एठा बारी चाफ्नी काकू किंज होय।”

यीशु नी हेजा चेलाकू टे मंडीके कि दिकु गर्दी गा कुरकु के झारा लिंजेन पचास-पचास गा घोंजा गेन सुबान गा घल्जी मंडे।

मेटे यीशु नी मोनाई सोकळा एठा बारी काकू के साटे स्वर्ग गा कोने धोटे, एठा डी आटा गा घाल्जी परमेश्वर के धन्यवाद जीके।

डाबोलटे यीशु नी सोकळा एठा काकूनौर के तुकळानौर गेन टूक्काके। डीचनी कुरकू के जिऊ गा घल्जी हेजे चेलाकू के डी तुकळा जीके। चेलाकू डी आटा के खातिंजे लक्के, एठा डी चोलाका स्याडुका बाने! डी सेबाई कुरकू जोम्टे शान्तेन मेना।

डेगा बादोन, चेलाकू नी डी आटा के गोलाके डीके जोमडुका बाने डा एठा डी बारह टोपलानौर के भेबेट्टी गा घल्जी टाकू डा! डी सेबाई आटा डी मोनाई सोकळा एठा बारी काकू टे हेज्के डा।