33. म्या खिटी कोरो गा कहानी

म्या दिन, यीशु तालाव गा धुरा गा मेरान डा। डीच कुरकू गा म्या खाट घोनेच गर्दी के शिक्षा जिऊ लक्के डा। डीके आजुम गा घल्जी येटो सेबाई कुरकू हेन कि यीशु गा मेरान दिकु सेबाईकु टे बातो गा घल्जी जगा बान बचातिंजडुका।इनिघल्जी डीच डा गेन टेंगेंके डोंगा लिंजेन पळेन। देटेन डीच सुबांजे एठा कुरकू के शिक्षा जीके।

यीशु नी दिकुके इनी कहानी घाल्के, “म्या खिटी कोरो बीजो बिबिट गा घल्जी बल्लान ओटजे। जब डीच टी टे बीजो के तेटाप्पा लक्के डा मेटे अदा बीजो कोरा तालान बोचोएन। पेनो भुरिकू नी हेंडो डी सेबाई बीजो के जोम्जे।”

“दूसरा बीजो मोरोम ओटेन बोचोएन देटेन घोनेच कम कसा डा। मोरोम ओटेन बोचोएन बीजो भेबाव झल्लो पिवळेन, पेनो डेगा जाळी गेन खोल गेन सेनेन ताखत बाऊ डा। जब सूर्य ओटजे एठा गर्मी घाई लज्जे मेटे डी कोम्बो मुरातिंजे एठा गोएन।”

“तोभी दूसरा बीजो झाळीनौर गा तालान बोचोएन। डी बीजो नी खाडू सुरुके, पेनो जानोम नी डीके दबातिंज्के। इनिघल्जी जानोम मिनी ओटेन बोचोके बीजो तालाटे ओटके कोम्बो तालाटे तुनिकाभी अनाजो ओट डुका बाने।”

“दूसरा बीजो अच्छा ओटेन बोचोके। डी बीजो खाट एठा जोभी बिटके मेना डा देटे ३०, ६०, एठा येटे टाएन कि १०० गुणा अनाजो ओटजे। जो जेकाभी परमेश्वर गा टाऊन सेंदरा चाहतावा होय, डीच डे लिंजेन ध्यान जे जो इंज मंडी लक्के मेना!”

इनी कहानी नी चेलाकू के बिचार गेन बोचोके कु। इनिघल्जी यीशु नी अच्छाटे घाल्के, “डी बीजो परमेश्वर गा वचन होय। डी कोरो म्या येनोगो कोरो होय जो परमेश्वर गा वचन के आजुम्बा होय, पेनो समझातिंजू बाने होय। मेटे शैतान दियागा मेरा टे वचन के चुरेवा होय। मतलब शैतान डीचके वचन के समझातिंजू टे लेंक्कीन डोएच्बा होय।”

“डी मोरोम ओटे येनोगो कोरो होय जो परमेश्वर गा वचन के आजुम्बा होय एठा खुशी गा सेंग्गोन मनेन सेगेवा होय। पेनो जब मुश्किल गा टेमो हेजेवा होय, या जब अलग्गो कुरकू डीचके सतातिंजेच्बा होय, मेटे डीच परमेश्वर टे लेंक्कीन सेनेवा होय। मतलब डीच परमेश्वर लिंजेन भरोसा दडा बंदोएवा होय।”

“डी जानोम मिनी ओटे येनोगो कोरो होय जो परमेश्वर गा वचन के आजुम्बा होय। पेनो घोनेच सेबाई बातो गा बारेन चिंता दडा सुरुके मेना होय, एठा डीच घोनेच्का डामा ककामाय गा कोशिश दडावा होय, एठा डीच घोनेच्का का चीजो के घाटाऊ गा कोशिश दडावा होय। अदा टेमो गा बादोन, नका डीच परमेश्वर के प्यार दडा गेन पक्का बाऊ होय। इनिघल्जी जो डीचनी परमेश्वर गा वचन टे इथूके डा डीच डीचके परमेश्वर के कुकूसो गेन पक्का बान दडा होय। डीच गुंहू गा धंटला गा रोंगो होय जो जेका अनाजो ओडे बाने होय।”

“पेनो अच्छा ओटे डी कोरो होय जो परमेश्वर गा वचन के अजुम्बा होय, डे लिंजेन विश्वास दडावा होय, एठा फल ओडेवा होय।”