41. परमेश्वर यीशु के गोएन मिंकू तालाटे जीटाएच्बा होय

सैनिककु गा द्वारा यीशु के क्रूस लिंजेन पेपेळेच गा बादोन, यहूदी अगुवाकु नी पिलातुस टे मंडीके, “यहूदी अगुवाकू नी पिलातुस टे मंडीके, “डी लाबाळ, यीशु नी मंडीके डा कि डीच आफाई दिन गा बादोन गोएन मिठाजाटे जीटाऊवा। जेकानका पक्का दडा गा घल्जी कब्र गा निगरानी दडा होना कि दियागा चेलाकू दियागा कोम्बोर के चुरीटे सा बाकी। अगर दिकु येनोगो दडावा होय मेटे दिकु मंडीवाकी डीच गोएन मिठाजाटे जीटाएन होय।”

पिलातुस नी मंडीके, “अदा सैनिककु के सैय्याकु, एठा जैसा आपे डाकी होना डेनोगोका कब्र गा निगरानी डाए।” इनिघल्जी दिकुनी डी कब्र गा मुगा दरोजो गा गोटा लिंजेन म्या चिक्खा येंडाके। दिकुनी इनी पक्का दडा गा घल्जी देटेन सैनिककु के भी सुबांकेकु कि जेकाभी दियागा कोम्बोर के चुरिया बाकी होना।

यीशु गा गुजू गा बादो गा दिन पवित्र दिन डा। जेकाभी पवित्र दिन गा कामय बान दडा साकता डा, इनिघल्जी यीशु गा तुनिकाभी सोप्ती कब्र गेन बान हेजडुका डा।पेनो पवित्र दिन गा बादो गा दिन, फेजेर भेबाव फेजेर के, अदा जापाएकु यीशु गा कब्र गेन सेने गा घल्जी तैयारजे मेना। दिकु दियागा कोम्बोर लिंजेन येठाभी मसाला के येंडा चाहता डा।

डी जापाएकु गा आदिरू गा पेला, कब्र गेन म्या खाट भूकंपा डाएन। स्वर्ग टे म्या स्वर्गदूत नी हेंडो डी गोटा के धिकली के जो कब्र गा मुगा दरोजो के उगुरके मेना डा। इनी स्वर्गदूत उजाला गा रोंगो चमकातिंजू लक्के डा। कब्र गेन जो सैनिक डा दिकुनी डीचके डोकेनेच। दिकु येटो हिघराएन डा कि गोएन मिंकुगा रोंगो ओटेन बोचोएन।

जब डी जापाएकु कब्र गेन आदिरजे मेटे डी स्वर्गदूत नी दिकुटे मंडीके, “बाकी हिघरा। यीशु एनेन बाऊनेच होय। डीच गोएन मिंकुटे जीटाएन होय, जैसा कि डीचनी मंडीके डा कि डीच जीटाऊवा! कब्र गेन घाटाएच एठा डोगे।” डी जापाएकु नी कब्र गा ताला एठा तोटेन यीशु गा कोम्बोर डोके डा देटेन घागाटा गा एठा डोके कि दियागा कोम्बोर देटेन बाऊ डा!

मेटे डी स्वर्गदूतकु नी डी जापाएकु टे मंडीके, “सेनेडो दियागा चेलाकु के घाले, ‘यीशु गोएन मिंकू टे जीटाएन होय एठा डीच आपेगा सम्मा-सम्मा गलील गेन सेनेवा।’”

डी जापाएकु बिचारजे डो एठा भेबाव कुशोएन। डी चेलाकू इनी अच्छा खाबोर के घागल गा घल्जी सळुपके।

जब डी जापाएकु चेलाकु के इनी अच्छा खाबोर घागल गा घल्जी हेजा कोरान के डा, मेटे यीशु दिकु लिंजेन ओटटे मेना। दिकु दियागा नंगा लिंजेन बोचोएन। मेटे यीशु नी मंडीके, “बाकी हिघरा। सेनेडो इंजा चेलाकुटे गलील गेन सेने गा घल्जी मंडे। दिकु डेनेन इंज्के डोकोम्बा।”