44. पतरस एठा युहन्ना म्या भिखारी के सजाएच्बा होय

म्या दिन, पतरस एठा यूहन्ना मंदिर गेन ओले। म्या अपंग कोरो भिको असी गा घल्जी फाटक गा मेरान सुबांके मेना डा।

पतरस नी डी लंगडा कोरो गा कोने डोके एठा मंडीके, “इंजा मेरान आमके जिऊ गा घल्जी डामा मेटे बाऊ होय।पेनो जो इंजा मेरान होय डी इंज आमके जेवा मेना। यीशु गा जीमू टे, बिडे एठा सेंदराए!”

तुरुटोका, परमेश्वर नी डी लंगडा कोरो के सजाकेनेच। डीचनी इंगा-हूंगान सेंदरा एठा उच, एठा परमेश्वर गा स्तुति दडा सुरुके। मंदिर गा दरोमेन टाकू कुरकू के बिचार होळाकेकु डा।

जल्दिका कुरकू गा म्या गोंजा डी कोरो के दोडो गा घल्जी हेन जो सजाएन डा। पतरस नी दिकुटे मंडीके, “इनी कोरो सही होय, पेनो इनी बातो लिंजेन अचम्बोऊ बाकी होना। आलेनी इनिके आपना शक्ति टे सजाडुका बाने होय, या इनिघल्जी बाने कि आले परमेश्वर गा आदर दडावा होय। बल्कि, डीच यीशु होय डीचनी इनी कोरो के हेजा शक्ति टे सजाकेमी होय, चोयाकी आले यीशु लिंजेन भरोसा दडावा होय।”

“दिकु आपेका होय दिकुनी डी रोमी राज्यपाल के यीशु के गोगेज गा घल्जी मंडीके डा। आपेनी डीचके गोच्केनेच जो सेबाईकु के जीवन जेवा होय। पेनो परमेश्वर नी डीचके गोएन मिंकू तालाटे जीटाकेनेच। आपेनी बान समझातिंज डुका कि आपे चोच दडा लक्के डा, पेनो जब आपे डी कामयनौर के दडा लक्के डा, मेटे जो परमेश्वर गा कोनेटे मंडी मिंकू नी मंडीके डा डी पुराएन मेना। दिकुनी मंडीके डा कि मसीह कासु टुलेवा एठा गुजूवा। परमेश्वर नी इनिके इनी तरीका टे डा डाए के। इनिघल्जी नका, मन बदलाए एठा परमेश्वर गा कोनेन इखाडे, ताकि डीच आपेगा पापो के आबुंज टे सपाकी होना।”

जब मंदिर गा अगुवाकु नी पतरस एठा यूहन्ना के आजुम्के, मेटे दिकु भेबाव हिघराएन। इनिघल्जी दिकुनी दिकुके जेलेन केटकेकु। पेनो जो पतरस नी मंडीके डा दिया लिंजेन घोनेच्का कुरकू नी विश्वास डाके। यीशु लिंजेन विश्वास दडा मिंकू गा संख्या बळातिंजटे अंदजोटे ५००० कु डाएन।

दूसरा दिन, दिकु यहूदी अगुवाकु पतरस एठा युहन्ना के महायाजक एठा अलग्गो धार्मिक अगुवाकु गा सम्मान साटे हेन। दिकु डी कोरो के भी साटे हेन जो अपंग डा। दिकुनी पतरस टे कोम्बराके, “तुनि हाक टे आपेनी डी अपंग कोरो के सजाकेनेच?”

पतरस नी जवाब जीके, “इनी कोरो जो आपेगा सम्मान टेंगेंके होय डीचके यीशु मसीह गा शक्ति गा द्वारा सजाकेनेच मेना होय। आपेनी यीशु के क्रूस लिंजेन पेळेच्केनेच, पेनो परमेश्वर नी डीचके डाबोलटे जीटाकेनेच! आपेनी डीचके मनेन डुका बाने, पेनो यीशु गा शक्ति गा माध्यम गा अलावा उध्दार घाटाऊ गा तुनिका दूसरा कोरा बाऊ होय!”

डी अगुवाकु हैरान डा कि पतरस एठा यूहन्ना नी घोनेच हिम्मत गा रुपो टे बातो डावे डा। दिकुनी डोके कि इनिज साधारण कोरो डा जो कि अनपळ डा। पेनो डाबोलटे दिकुन यादो हेन कि इनी कोरो यीशु गा सेंग्गोन थंदळके डा। इनिघल्जी दिकुनी दिकुटे मंडीके, “आले आपेके येठाभी घोनेच दण्डो जेवा अगर इनी कोरो यीशु गा बारेन कुरकू के तुनिका एठा खबोर जिऊ टासो।” येनोगो का बातो मंडी गा बादोन, दिकुनी पतरस एठा युहन्ना के सेनडाए केकु।