5. वादा गा कोण

अब्राम एठा सारा गा कनान गेन आदिरु गा गेल साल गा बादोन, आए टाएन भी दिकिंज गा तुनिका कोणटे बाऊ डा। इनिघल्जी अब्राम गा जापाएटे सारा नी दियाटे मंडीके, “चोयाकी परमेश्वर नी आए टाएन इंज्के कोण के डाऊ गेन सफलता बान दडुका होय एठा नका इंज कोण डाऊ गा घल्जी ठायका बुड्डी मेना, इंजा भागनी हाजिरा इनिज होय। दियाटे भी ब्याह डाकि की डीच इंजा घल्जी म्या कोणके डाकेच होना।”

मतलब अब्राम नी हजीरा टे ब्याह डावे। हाजिरा गा म्या कोणटे डाएन, एठा अब्राम नी दियागा जीमू इश्माएल डोके। पेनो सारा हाजिर टे जुलू लज्जे। जब इश्माएल तेरा साल गा डा, परमेश्वर नी डाबोलटे बातो डावे।

परमेश्वर नी मंडीके, “इंज सर्व-शक्तिमान परमेश्वर मेना। इंज अमा सेंग्गोन म्या वादा टोलेवा।” मेटे अब्राम नी ओटे लिंजेन बोचोएन डो नंगा सब्बे। परमेश्वर नी अब्राम टे इनी भी मंडीके, “आम घोनेच्का जाटो गा बाटे आरुवा। इंज आमके एठा अमा पिढीनौर के दिकुगा खुद गा ओटे आरु गा घल्जी कनान देशो जेवा एठा इंज हमेशा गा घल्जी दिकुगा परमेश्वर आरुवा। आमके आपना पारिवार गा हर कोरो गा खतना दडा होय।”

“अमा जापाए सारा म्या कोण डाऊवा डी वादा गा कोण डाऊवा। दियागा जीमू इसहाक डोकी। इंज दियागा सेंग्गोन इंजागा वादा के आरुका डोएवा एठा डीच म्या खाट जाटो आरुवा। इंज इश्माएल के भी म्या खाट जाटो अरोएवा, पेनो इंजा वादा इसहाक गा सेंग्गोन थंदळवा।” मेटे परमेश्वर नी अब्राम गा जीमू बदलाटे अब्राहम डोके, डेगा मतलब होय, “घोनेच्कु गा बाटे”। परमेश्वर नी सारै गा जीमू भी बदलाटे सारा डोके, डेगा मतलब होय “मुल आंटे”।

डी दिन अब्राहम नी हेजा उरा गा सेबाई कोरोकु गा खातना डाके। अंदाजोटे म्या साल बादोन, जब अब्राहम १०० साल गा उमर गा डा, मेटे सारा नी अब्राहम गा कोंटे के जनम जीके। जैसा परमेश्वर नी दिकुके घाल्के डा दिकुनी दियागा जीमू इसहाक डोके।

जब इसहाक जवान जे मेटे परमेश्वर नी इनी मंडीटे अब्राहम गा विश्वास गा अंदाजो साये, “हेजा म्याका कोंटे के सेगेच, एठा डीचके इंजा घल्जी बलि गा रुपो गेन गोजेच।” डाबोलटे अब्राहम नी परमेश्वर गा बातो आजुम्के एठा हेजा कोंटे के बलि दडा गा घल्जी तैयार डाके।

जब अब्राहम एठा इसहाक बलि पेपेळेज गा जगा कोनेन सेने लज्जे मेटे इसहाक नी कोम्बाराके, “हे बाटे, आलेगा मेरान बलि गा घल्जी चखाननौर मेटे टाकू होय, पेनो बलि दडा गा मेंडा कोंटे टुगान होय?” अब्राहम नी जवाब जीके, “हे इंजा कोण, परमेश्वर बलि दडा गा घल्जी मेंडा कोंटे गा सोए डाएवा।”

जब डीच बलि पेपेळेज गा जगान आदिरजे, मेटे अब्राहम नी इसहाक के टोल्टे वेदी लिंजेन सनान केनेच। डीच हेजा कोंटे के घोगेच लक्के डा कि परमेश्वर नी मंडीके, “टेंगेने! पोट्टाके नुक्सान बाकी जिऊ! नका इंज चिनाये मेना कि आम हिघरा ममानातिंज्बा होय चोयाकी आमनी अमा म्याका कोणके भी इंजाटे बचातिंजटे बान दोडुका।”

मेरान का अब्राहम नी म्या मेंडा के डोकेनेच जो झाळीनौर गेन फासाके मेना डा। इसहाक गा बेदला बलि गा घल्जी परमेश्वर नी मेंडा गा सोए डाके डा। अब्राहम नी खुशी-खुशी मेंडा गा बलि पेळेचके।

मेटे परमेश्वर नी अब्राहम टे मंडीके, “चोयाकी आम इंजा घल्जी सेबाई चीजो जिऊ गेन आरिके डा, येटे टाएन कि अमा म्याका कोणके भी, इनिघल्जी इंज आमके आशीष जिऊ गा वादा दडावा मेना। अमा पिढी बादळा गा इफिलकू टे भी घोनेच डाऊवा। चोयाकी आमनी इंजा हुकूम के मनातिंज्के होय इनिघल्जी इंज अमा परिवार गा द्वारा दुनिया गा सेबाई कुल के आशीष जेवा।”