6. परमेश्वर इसहाक गा घल्जी सोए दडावा होय
जब अब्राहम भेबाव सनाएन मेना डा मेटे दियागा कोंटे, इसहाक, म्या पोट्टा गा उमर गा डाएन मेना डा। इनिघल्जी अब्राहम नी म्या भाग्य के हेजा कोंटे इसहाक गा घल्जी डी देशो टे म्या जापाए सागा घल्जी कुल्केनेच देटेन दियागा सगाकु थंदळ डा।
देटेन अब्राहम गा सगाकु थंदळ डा डी देशो गेन सेने गा म्या खाट लम्बा यात्रा गा बादोन परमेश्वर नी डी सेवक गा सेंग्गोन थंदळ मिठाच रिबका टे डाके। डीच अब्राहम गा डाईटे गा नातू डा।
रिबका हेजा परिवार के आराटे डी भाग्य गा सेंग्गोन डाबोलटे सेने गा घल्जी मनातिंजे। जैसा का डीच आदिरजे इसहाक नी दियाटे ब्याह डावे।
म्या लम्बा टेमो गा बादोन, अब्राहम गोएन। मेटे परमेश्वर नी अब्राहम गा कोंटे इसहाक के, अब्राहम गा सेंग्गोन टोल्के मिनी वादा गा वाजाटे आशीष जीके। डी वादा गेन परमेश्वर गा म्या वादा डा कि अब्राहम गा बान उमनाऊ पिढी डाऊवा। पेनो इसहाक गा जापाएटे रिबका गा कोणकु बान दडुका।
इसहाक नी रिबका गा घल्जी प्रार्थना डाके, एठा परमेश्वर नी डीचके जोळा कोणकिंज गा लाजू गेन सफलता जीके। जो टेमो डी कोणकिंज रिबका लाजेन का डा दिकिंज इकिंज का टापान लज्जे, इनिघल्जी जो चोच्का डाऊ लक्के डा रिबका नी डी परमेश्वर के घल्के।
परमेश्वर नी रिबका टे मंडीके, “आम बारी कोणकिंज के जनम जेवा। दिकुगा पिढी बारी अलग्गो-अलग्गो जाटोनौर आरुवा। दिकु इनिज-दियाटे लड़ाईवा। पेनो खाट कोण टे डाऊ मिनी जाटो के सानी कोण टे हेजे मिनी जाटो गा हुकूम ममानातिंज।”
जब रिबका गा कोणकिंज गा जनम डाएन, मेटे खाट कोण राटा एठा जाम मिठाच डा, एठा दिकुनी दियागा जीमू एसाव डोके। मेटे सानी कोण एसाव गा पिंदळी उठाडोन जनम डाएन, एठा दियागा जीमू याकूब डोके।
उत्पत्ति अध्याय २४:१-२५:२६ टे म्या बईबाल गा कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।