7. परमेश्वर याकूब के आशीष जेवा होय

जब डी पोट्टाकिंज खाटजे मेना मेटे याकूब गा उरा गेन थंदळ अच्छा घाइय्ये, पेनो एसाव के जानवरकु के शिकार दडा अच्छा घाइय्ये। रिबका नी याकूब टे लाळ डावे, पेनो इसहाक नी एसाव टे प्यार डोके।

म्या दिन, जब एसाव शिकार डाटे हिराके मेटे डीच भेबाव रांगेच्का डा। एसाव नी याकूब टे मंडीके, “जो आमनी होंदार के होय डे तालाटे थोडासा आटा इंज्के सेगे।” याकूब नी जवाब जीके, “ पेला इंजाटे इनी वादा डाए कि पेला कोण मेन वाजाटे हर म्या चीजो जो आमेन घाटाऊ होना, डी सेबाई आम इंज्के जेवा।” इनिघल्जी एसाव नी डी सेबाई चीजो के याकूब के जिऊ गा वादा डावे। मेटे याकूब नी डीचके अदा आटा जीके।

इसहाक के आशीष जिऊ चाहता डा। पेनो येनेटे पेला कि डीचनी येनोगो डाके, रिबका एठा याकूब नी याकूब गा एसाव आरुगा ढोंगो डाटे दियागा सेंग्गोन धोका डाके। इसहाक बुड्डा डा एठा नका दोडो बान मलुमू डा। इनिघल्जी याकूब नी एसाव गा कपळे उरी एठा बकरा गा चम्बडे के आपना गर्दन एठा टी लिंजेन उखुये।

याकूब इसहाक गा मेरान हेन एठा मंडीके, “इंज एसाव मेना। इनिघल्जी हेन मेना कि आम इंज्के आशीष जिली।” जब इसहाक नी सिळी गा हूप के महसूस डाकेा एठा कपळे के सुकिंजे, मेटे डीचनी सोचातिंज्के कि डीच एसाव होय एठा डीचके आशीष जीके।

एसाव नी याकूब टे खीजो डोके चोयाकी याकूब नी दियागा पेला कोण गा हाक के एठा सेंग्गो का दियागा आशीषनौर के भी चुरिये डा। इनिघल्जी डीचनी दियागा बाटे गा गुजू गा बादोन याकूब के घोगेज गा योजना आरुके।

पेनो रिबका नी एसाव गा योजना के आजुम्जे। इनिघल्जी डीचनी एठा इसहाक नी याकूब के दियागा सगाकु गा सेंग्गोन थंदळ गा घल्जी घोनेच लेंक्कीन कुल्केनेच।

याकूब चोटोका टाएन रिबका गा सगाकु गा सेंग्गोन थंदळके। डी टेमो गा दौरान डीचनी ब्याह डावे एठा बारह कोणकु के एठा कोंजाईकु के जनम जीके। परमेश्वर नी डीचके भेबाव लकपाती आरुकेनेच।

बीस साल टाएन कनान गेन हेजा उरा टे लेंक्कीन थंदळ गा बादोन, याकूब हेजा परिवार, हेजा भाग्यकु, एठा हेजा जानवरकु गा सेबाई घोंजा गा सेंग्गोन डीच डाबोलटे हिराके।

याकूब इनिघल्जी भेबाव खीजो के डा चोयाकी सोचातिंज्के कि एसाव आएभी डीचके घोगेच चाहता डा। इनिघल्जी डीचनी भार गा रुपो गेन जानवरकु के घोंजा के एसाव गा मेरान कुल्केनेच। जो सेवक डी घोंजा के साटे ओले डा दिकुनी मंडीके, “अमा भाग्य याकूब, इनी जानवरकु के आमके जिकुवा मेना होय। डीच झाल्लोका हेजे लक्के मेना।”

पेनो एसाव नका याकूब के नुक्सान जिऊ बान चाहता डा। येनेगा वाजाटे, डीच डीचके म्या बार डाबोलटे डोटे भेबाव कुशो के डा। डेगा बादोन याकूब कनान गेन शांतिटे थंदळके। डाबोलटे इसहाक गोएन एठा याकूब एठा एसाव नी डीचके गळातिंज्केनेच। वादा गा वायदा जो परमेश्वर नी अब्राहम टे डाके डा डीन का इसहाक टे याकूब लिंजेन हेन मेना डा।