9. परमेश्वर मूसा के हाकोवा होय

यूसुफ गा गुजू गा बादोन दियागा सेबाई सगाकु मिस्र गेन सुबांजे। दिकु एठा दिकुगा खान्दान चोटोका साल टाएन मिस्र गेन का थंदळके एठा दिकुनी घोनेच कोणकु के डाकेकु। दिकु इस्राएली मंडीके।

चोटोका म्या सेद्दी साल गा बादोन, इस्राएली कुरकू गा संख्या घोनेच बळातिंजे डा। एठा मिस्री कुरकू नका इनी बातो गा घल्जी आभारी बाऊ डा कि दिकुगा मदत दडा गा घल्जी यूसुफ नी घोनेच चोच्का डाके डा। दिकु इस्राएली कुरकू टे हिघराएन चोयाकी दिकु संख्या गेन दिकुटे घोनेच डा। इनिघल्जी डी टेमो मिस्र लिंजेन राजो दडा मिंकू फिरौन नी इस्राएली कुरकू के मिस्रीकु गा भाग्य आरूकेकु।

मिस्रीकु नी इस्राएली कुरकू के घोनेच का उरानौर एठा येटे टाएन कि चोटोका पूरानौर के आरुगा घल्जी मजबूरकेकु। डी कठीन मेहनत नी दिकुगा जीवन के खाट कासु आरुकेकु, पेनो परमेश्वर नी दिकुके आशीष जीके एठा दिकुगा एठा घोनेच कोणकुटे डाकेकु होय।

फिरौन नी डीके कि इस्राएली कुरकू गा घोनेच कोणकु टे डाऊ लक्के डा, इनिघल्जी डीचनी हेजा कुरकू के इस्राएली कुरकू गा सेबाई पोट्टा चाफ्निकू के नील गडा गेन टेप्पाटे घोगेज गा हुकूम जीके।

म्या कास इस्राएली जापाए नी म्या पोट्टा के जनम जीके। डीचनी एठा दियागा सनाटे जोभी दिकुटे डाएन डी सनी के उखुटे डोकेनेच।

जब डी सानी गा आंटे-बाटे दियेन एठा घोनेचका बान उखुडुका, मेटे दिकुनी डीचके गुजू टे बचातिंजू गा घल्जी म्या उयार मिनी टोपला गेन नील गडा गा धुरा लिंजेन डोंगाळा गा तालान डोकेनेच। दियागा खाट बोकाजाईटे नी इनी दोडो गा घल्जी दियागा निगरानी डाके कि दियागा सेंग्गोन डाऊवा।

फिरौन गा कोंजाईटे नी डी टोपला के धोटे डेगा ताला डोके। जब डीचनी म्या सनी के डोकेनेच मेटे डीचनी डीचके हेजा सनी गा रुपो गेन साईंय्येनेच। डीचनी म्या इस्राएली जापाए के डीचके दिड़ोम आनु गा घल्जी कामय गेन डोकेनेच, बिना मालूम गा कि डीच डीचके टाकूनेच आंटेडा। जब डी सनी येटो खाटजे डा कि नका डीचके हेजा आंटे गा दिड़ोम गा ज़रूरी बाऊ डा, मेटे डीचनी फिरौन गा कोंजाईटे गा मेरान जिकेनेच, दियागा जीमू मूसा डा।

म्या दिन, जब मूसा खाटजे मेना डा, मेटे डीचनी डोके कि म्या मिस्री म्या इस्राएली कोरो के मुंडाएच लक्के होय। मूसा नी हेजा सेंग्गो इस्राएली कोरो के बबाचातिंज गा कोशिश डाके।

जब मूसा नी बिचारके कि डीचके जेका बान दोडुका मेटे डीचनी डी मिस्री के घोच्केनेच एठा दियागा म्हाळा के गळातिंज्के। पेनो मूसा नी जो डाके डा डीके जेकानी डोके मेना डा।

फिरौन गेन मलुम्जे मेना कि मूसा नी चोच डाके होय। डीचनी डीचके घोगेज गा कोशिश डावे, पेनो मूसा मिस्र टे डोंगोरेन सळुपजे। फिरौन गा सानिक डीचके देनेन घाटाडुका बाने।

मिस्र टे डोंगोंरेन मूसा म्या चचारामिठाच आरोएन मेना डा। डीचनी देटेन म्या जापाए टे ब्याह डावे एठा बारी कोणकिंज डाएन।

मूसा हेजा कुंजकर टे गा मेंडाकु गा रखवाली दडा डा। म्या दिन, डीचनी म्या जुलू मिनी झाळी के डोके जो राखोएन बिनाका जुलू लक्के डा। डीके दोडो गा घल्जी डीच डी झाळी गा मेरान ओले। जब डीच डेगा ठायका मेरानके डा मेटे परमेश्वर नी दियाटे बातो डावे। डीचनी मंडीके, “हे मूसा, अमा बुट्टाके कोलाकी। आम म्या पवित्र जगान टेंगेंके होय।”

परमेश्वर नी मंडीके, “इंज्नी कुरकू गा कासु के डोके होय। इंज आमके फिरौन गा मेरान गा मेरान कुलकोम्बा ताकि इस्राएली कुरकू के मिस्र गा गुलामी टे सालेकू होना। इंज दिकुके कनान जेबा, डी देशो देगा इंज्नी अब्राहम, इसहाक एठा याकूब टे वायदा डाके होय।”

मूसा नी कोम्बाराके, “अगर कुरकू नी कोम्बाराकेमी कि जेनी इंज्के कुल्लेमी होय मेटे चोच मंडे?” परमेश्वर नी मंडीके, “जो इंज मेना।दिकुटे मंडे, “इंज मेना परमेश्वर नी इंज्के आपेगा कुल्केमी होय।” दिकुटे इनिभी मंडे, “इंज आपेगा जुनाकू अब्राहम, इसहाक एठा याकूब गा परमेश्वर यहोवा मेना।” इंजा इनी जीमू हमेशा गा होय।”

मूसा हिघरा डा एठा फिरौन गा मेरान सेने बान चाहता डा चोयाकी डीचनी बिचारके कि हेज अच्छा बान मंडी साकता, इनिघल्जी परमेश्वर नी मूसा गा डाईटे, हारून, के दियागा मदत गा घल्जी कुल्केनेच