10. धा पीडा

परमेश्वरान मोशे नी अहरोनाक सांगून ठेवलल्यान की फारो कठीण व्हतोलो. जेळाक ते फारोकडे जावन बोलले की, "इस्राएलचो परमेश्वर असा म्हणता, 'माझ्या लॉकांका जावक दी!" पण फारो तेंचा आयकलो नाय नी इस्राएली लॉकांका जावक मोकळा करूचा सोडून आजून तेंका कठीण परिश्रम करूक लावल्यान.

फारो कायम तेंका जावक नकार द्यायचो, म्हणान परमेश्वरान धा मोठे पीडा पाठयल्यान. ह्या पिडांनी परमेश्वरान फारोक दाखयल्यान की तो फारो नी मिसराच्या देवांपेक्षा मॉप शक्तिमान हा.

परमेश्वरान नाईल नदयेक रक्तात बदलून टाकल्यान, पण फारोन आजूनव इस्राएली लॉकांका जावक देवक नाय.

परमेश्वरान सगळ्या मिसरात बांडुक पाठायल्यान. फारोन बांडकांका घालवन देवक इनंती केल्यान. पण सगळे बांडुक मेल्यार फारोचा मन परत कठीण झाला नी इस्राएली लॉकांका तेना जावक देवक नाय.

मगे परमेश्वरान उयेंची पीडा पाठयल्यान. तेच्यानंतर तेना मच्छरींची पीडा पाठयल्यान. फारोन मोशे नी अहरोनाक बोलयल्यान नी तेंका म्हटल्यान की, जर तेनी त्या पीडेक थांबयल्यानी तर इस्रायली लॉक मिसर देश सोडून जाव शकतत. जेळाक मोशेन प्रार्थना केल्यान तेळाक परमेश्वरान मिसरारना मच्छरी घालवन दिल्यान. पण परत फारोन आपला मन कठोर केल्यान नी त्या लॉकांका मोकळे होवन जावक दिल्यान नाय.

तेच्यापुढे परमेश्वरान मिसऱ्यांची सगळी पाळलली जनावरा आजारी पाडून मारून टाकल्यान. पण फारोचा मन कठोर झाला नी इस्राएली लॉकांका तेना जावक देवक नाय.

तेळाक परमेश्वरान मोशेक फारोसमोर हवेत रखा फेकूक सांगल्यान. जेळाक तेना असा केल्यान तेळाक मिसराच्या सगळ्या लॉकांच्या चामडेर गळवा उठली, पण इस्राएली लॉकांका काय येक झाला नाय. परमेश्वरान फारोचा मन कठोर केल्यान नी फारोन इस्राएली लॉकांका मोकळे होवन जावक देवक नाय.

हेच्यानंतर, परमेश्वरान गारा पाडवल्यान नी मिसराच्या भवतेक पिकांचा नुकसान करून टाकल्यान नी जो कोणव भायर पडलो तेंका मारून टाकल्यान. फारोन मोशे नी अहरोनाक बोलयल्यान नी म्हटल्यान, "मीया पाप केलय. तुम्ही लॉक जाव शकतास." शेवटी मोशेन प्रार्थना केल्यान नी आकाशातना गारा पडाचे थांबले.

पण फारोन परत पाप केल्यान नी मन कठीण केल्यान. तेना इस्राएली लॉकांका मोकळे होवन जावक देवक नाय.

शेवटी परमेश्वरान मिसरार टोळांची पीडा पाठयल्यान. ह्या सगळ्या टोळांनी तेंची सगळी पिका जी गारांपासना वाचलली तीव खावन टाकल्यानी.

मगे परमेश्वरान आंधाराची पीडा पाठयल्यान जी तीन दिवस ऱ्हवली. ह्यो यवढो भयानक व्हतो की मिसरी लॉक आपल्या घरातना भायर पडाक शकले नाय. पण जय इस्रायली लॉक व्हते थय मात्र उजेड व्हतो.

ह्या नव पीडांनंतर, फारोन इस्रायली लॉकांका मोकळा होवन जावचो नकार दिलल्यान. फारो आयकत नसल्यामुळाक परमेश्वरान येक शेवटची पीडा पाठवची योजना केल्यान. ह्या पीडेन फारोचा मन बदालला.