13. इस्राएलबरोबर देवाचो करार

इस्राएली लॉकांका लाल समुद्रातना पार घेवन गेल्यार, परमेश्वर तेंका जंगलातना सिनाय पर्वताच्या दिशेन घेवन चाललो. ह्या ताच पर्वत जय मोशेन जळती झाळ बघलल्यान. त्या लॉकांनी त्या पर्वताच्या पायथ्याक आपले तंबु उभे केल्यानी.

परमेश्वरान मोशे नी इस्राएलाच्या सगळ्या लॉकांका म्हटल्यान, "तुम्ही कायमचा माझा सांगना आयकाक व्हयास नी जो करार मीया तुमच्याबरोबर करतय तो तुम्ही पाळूक व्हयो. जर तुम्ही असा करशात तर तुम्ही माझ्याकडना बक्षीस म्हणान बहुमोल धन, याजकांचा राज्य नी येक पवित्र प्रजा ठरतलास.

परमेश्वराकडे जावसाठी त्या लॉकांनी तीन दिवसापर्यात स्वताक तयार केल्यानी. तेळाक परमेश्वर सिनाय पर्वताच्या कड्यार खाली उतारलो. जेळाक तो इलो तेळाक भूकंप झालो, इजा चमाकल्यो नी तुतारीसारख्या मोठ्या आवाजात आकाशवाणी झाली. तेळाक मोशे स्वता पर्वतार चढान गेलो.

तेळाक परमेश्वरान लॉकांबरोबर येक करार केल्यान. तेना म्हटल्यान, "मीया तुमचो परमेश्वर यहोवा आसय. मीयाच आसय जेना तुमका मिसराच्या गुलामगिरीतना भायर काढल्यान. दुसऱ्या खयच्याच देवाची उपासना करू नको."

"मुर्ते करू नको नी तेंची पूजा करू नको, कारण मीया, यहोवाच तुमचो यकमेव परमेश्वर आसय. चुकीच्या पद्धतीन माझ्या नावाचो उपयेग करू नको. शब्बाथ दिवसाक पवित्र मानूक आठवणीत ठेव. दुसऱ्या शब्दात, सा दिवस आपली सगळी कामा करा नी सातवो दिवस तुमका आराम करूचो नी माझी आठवण करूचो दिवस आसा."

"आपली आवस नी बापुस हेंचो आदर कर. खून करू नको. व्यभिचार करू नको. चोरी करू नको. आपल्या शेजाऱ्याची बायको, तेचा घर, नायतर तेचा खयचाव सामान घेवची इच्छा धरू नको."

तेळाक परमेश्वरान हे धा आज्ञा दगडाच्या दोन पाटयेर लिवान मोशेक दिल्यान. परमेश्वरान लॉकांका पाळूक आजून भरपूरशे नियम दिल्यान. जर काय तेनी ते नियम पाळल्यानी तरच त्या लॉकांका आशिर्वाद देवची नी तेंचा संरक्षण करूची परमेश्वरान प्रतिज्ञा केल्यान. पण तेना सांगल्यान जर तेनी ते पाळल्यानी नाय तर तो तेंका दंड देतलो.

परमेश्वरान इस्राएली लॉकांका येक भलो मोठो मंडप बनवक सांगल्यान - निवासमंडप. तेना तेंका निवासमंडप कसो बनवचो नी तेच्या भुतूर काय वस्तू ठेवच्यो ता यवस्थित सांगल्यान. तेना तेंका निवासमंडपाचे दोन भाग करूक येक मोठो पदडोव करूक सांगल्यान. परमेश्वर त्या पडद्याच्या मागच्या भागात येतलो नी थय ऱ्हवतलो. जय परमेश्वर असायचो थय फक्त महायाजकाक जावची परवानगी व्हती.

त्या लॉकांका त्या निवसमंडपाच्या समोर येक वेदी बनवची व्हती. जो कोण परमेश्वराचे आज्ञा मोडीत तेना त्या वेदीर यका जनावराक घेवन यायचा. मगे याजक तेका बलि करीत नी वेदीर परमेश्वरासाठी बलि म्हणान जाळतलो. परमेश्वरान म्हटल्यान की त्या जनावराचा रकात त्या माणसाची पापा झाकून टाकतला. ह्या प्रकारान आता परमेश्वर त्या पापाक बघणार नाय. तो व्यक्ति परमेश्वराच्या दृष्टीन 'शुद्ध' ठरतलो. परमेश्वरान मोशेचो भाव अहरोन नी अहरोनाच्या वंशजांका आपले याजक होवक निवडल्यान.

परमेश्वरान त्या लॉकांका जे नियम दिलल्यान ते पाळूक ते तयार झाले. ते फक्त परमेश्वराचे होवक नी तेचीच आराधना करूक तयार झाले.

भरपूर दिवस मोशे सिनाय पर्वतारच ऱ्हवलो. तो परमेश्वराबरोबर बोलत व्हतो. पण लॉक मोशे परत येवची वाट बघून बघून दमले. म्हणान ते अहरोनाकडे सोना घेवन इले नी तेची येक मूर्ति बनवूक सांगल्यानी म्हणजे ते परमेश्वर सोडून तेची पूजा करतीत. ह्या प्रकारान तेंनी परमेश्वरा इरुद्ध भयंकर पाप केल्यानी.

अहरोनान वासराच्या आकाराची सोन्याची मूर्ति बनयल्यान. त्या लॉकांनी त्या मूर्तीची पूजा करूक सुरवात केल्यानी नी तेका बलि चढवक लागले. तेंच्या पापांमुळा परमेश्वर तेंच्यार खूप रागावलो. तेना तेंचो नाश करूचा ठरवल्यान. पण मोशेन परमेश्वराक इनंती केल्यान की, तेंका मारू नको. परमेश्वरान तेची इनंती मानल्यान नी तेंचो नाश करूक नाय.

शेवटाक मोशे सिनाय पर्वतारना खाली उतरान इलो. तो दगडाचे ते दोन पाटये घेवन व्हतो जेंच्यार परमेश्वरान धा आज्ञा लिवलल्यान. मगे तेना ती मूर्ति बघल्यान नी तो यवढो रागावलो की तेना त्या पाटये फोडून टाकल्यान.

मगे मोशेन त्या मूर्तिक जाळून फोडून तेचो चुरो केल्यान नी तो चुरो पाणयात टाकून लॉकांका ता पाणी पिवक लावल्यान. परमेश्वरान त्या लॉकांचार येक संकट पाठवल्यान तेच्यात मॉपशे लॉक मरान गेले.

जे पाटये मोशेन फोडून टाकलल्यान तेंच्या जागेर मोशेन त्या धा आज्ञांका दुसरे दगडी पाटये बनयल्यान. मगे परत तो पर्वतार गेलो नी प्रार्थना केल्यान की, परमेश्वरान त्या लॉकांका क्षमा करायची. परमेश्वरान मोशेचा आयकान त्या लॉकांका क्षमा केल्यान. नया पाटयेंवर धा आज्ञा घेवन मोशे पर्वतारना उतरान खाली इलो. तेळाक परमेश्वरान सिनाय पर्वतापासना वचनदत्त देशात जायपर्यात तेंका मार्गदर्शन केल्यान.