22. योहानाचो जन्म

मागच्या काळात परमेश्वरान आपल्या संदेष्ट्यांका सांगलल्यान म्हणान ते लॉकांबरोबर बोलाक शकले. पण त्या येळेपासना परत ४०० वर्सांपर्यात तो तेंच्याबरोबर बोलाक नाय. तेळाक परमेश्वरान जखऱ्या नावाच्या संदेष्ट्याकडे येक देवदूत पाठयल्यान. जखऱ्या नी तेची बायल अलिशबा परमेश्वराचो आदर करायचे. ती दोघाव लय म्हातारी झालली नी तेंका काययेक अवलाद झाली नव्हती.

त्या देवदूतान जखऱ्याक म्हटल्यान, "तुझ्या बायलेक येक झिल व्हतलो. तू तेचा नाव योहान ठेव. परमेश्वर तेका पवित्र आत्म्यान परिपूर्ण करतलो नी योहान लॉकांका मसीहाक स्विकारूक तयार करतलो." जखऱ्यान उत्तर दिल्यान, "मीया नी माझी बायल अवलाद उत्पन्न करूक आता लय म्हातारी झालाव! मीया कसा समजा की तुया माका सांगतस ता खरा हा?"

त्या देवदूतान जखऱ्याक उत्तर दिल्यान, "तुझ्याकडे ह्यो चांगलो संदेश पाठवक माका परमेश्वरान पाठयल्यान हा. तू माझ्यार इश्वास नाय ठेवक, म्हणान पोर जन्माक येयपर्यात तू मुको व्हतलस." लगेचच, जखऱ्या मुको झालो. तेळाक तो देवदूत जखऱ्याकडना निघान गेलो. मगे, जखऱ्या घराक परत इलो नी तेची बायल गरोदर ऱ्हवली.

जेळाक अलिशबा सा म्हयन्याची गरोदर व्हती, तेळाक तोच देवदूत अचानक अलिशबाच्या पावणेर प्रकट झालो, जिचा नाव मरिया व्हता. मरिया कुमारी व्हती नी लगीन होवक योसेफ नावाच्या बापयाबरोबर तिचो साखरपुडो झाललो. देवदूतान सांगल्यान, "तू गरोदर ऱ्हवतलस नी येका झिलाक जन्म दितलस. तुका तेचा नाव येशू ठेवचा हा. तो सर्वशक्तिमान परमेश्वराचो झिल आसतलो नी तो कायमचो राज्य करतलो.

मरियान उत्तर दिल्यान, "ह्या कसा व्हतला, कारण मीया तर कुमारी आसय?" त्या देवदूतान तिका समजावल्यान, "पवित्र आत्मा तुझ्यार येतलो नी परमेश्वराचा सामर्थ्य तुझ्यार छाया करतला. म्हणान तो बाळ पवित्र आसतलो नी तो परमेश्वराचो झिल आसतलो." जा त्या देवदूतान सांगल्यान तेच्यार मरियान इश्वास ठेयल्यान.

ह्या झाल्यार लगेच, मरियान जावन अलिशबाक भेट दिल्यान. जशी मरियान अलिशबाक मिठी मारल्यान, अलिशबाच्या बाळान तेच्या पोटात उडी मारल्यान. तेंच्यासाठी परमेश्वरान जा केलल्यान तेच्याबाबतीत ती बायका येकसाथ आनंदी झाली. अलिशबाकडे तीन म्हयने ऱ्हवल्यार मरिया परत घराक इला.

मगे अलिशबान आपल्या बाळाक जन्म दिल्यान. जखऱ्या नी अलिशबान त्या बाळाचा नाव योहान ठेयल्यानी, जसो देवदूतान आदेश दिलल्यान. तेळाक परमेश्वरान जखऱ्याक बोलाक वाचा दिल्यान. जखऱ्यान म्हटल्यान, "परमेश्वराची स्तुति असो, कारण तेना आपल्या लॉकांका मदत करूची आठवण ठेयल्यान हा! हे माझ्या झिला, तू सर्वशक्तिमान परमेश्वराचो संदेष्टो होतलास. लॉक तेंच्या पापांपासना कशे क्षमा मिळवतले ता तू तेंका सांगतलस."