24. योहान येशूक बाप्तिस्मो देता

अलिशबा नी जखऱ्याचो झिल योहान मोठो होवन येक संदेष्टो झालो. तो जंगलात ऱ्हवायचो नी जंगली मध नी टोल खायचो, नी उंटाच्या चमड्यापासना बनलले कपडे घालायचो.

मॉपशे लॉक योहानाचे गोष्टी आयकाक जंगलात इले. तेना ह्या सांगान संदेश दिल्यान की, "पश्चात्ताप करा, कारण स्वर्गाचा राज्य जवळ इला हा!"

जेळाक लॉकांनी योहानाचो संदेश आयकल्यानी, तेळाक तेंच्यातल्या मॉपशा लॉकांनी आपल्या पापांचो पश्चात्ताप केल्यानी नी योहनान तेंका बाप्तिस्मो दिल्यान. योहानाक बघुक मॉपशे धार्मिक पुढारीव इले, पण तेंनी आपल्या पापांचो पश्चात्ताप नाय नी कबूली नाय देवक.

योहानान धार्मिक पुढाऱ्यांका सांगल्यान, "अरे विषारी सापांनो! पश्चात्ताप करा नी आपला वागणा बदला. परमेश्वर प्रत्येक झाड कापतलो जा चांगली फळा देयत नाय नी तो तेंका आगीत फेकून दितलो." जा संदेष्ट्यांनी सांगलल्यानी ता योहनान पूरा केल्यान, "बघ, लवकरच मीया तुझ्या पुढे आपल्या संदेशवाहकाक पाठयतलय जो तुका वाट तयार करतलो."

काय धार्मिक पुढाऱ्यांनी योहानाक इचारल्यानी की, काय तो मसीहा आसा? योहानान उत्तर दिल्यान, "मीया मसीहा नायय, पण तो माझ्यामागणा येता हा. तो येवढो महान हा की, मीया तेच्या चपलाचो बंद सोडूच्याव लायकीचो नायय."

दुसऱ्या दिवशी, येशू बाप्तिस्मो घेवक योहानाकडे इलो. जेळाक योहानान तेका बघल्यान, तेळाक तेना म्हटल्यान, "बघा! परमेश्वराचो कोकरो जो जगाच्या पापांका हरण करून घेवन जातलो."

योहानान येशूक म्हटल्यान, "मीया तुका बाप्तिस्मो देवच्या लायकीचो नायय. ह्याशिवाय गरजेचा ह्या हा की, तूच माका बाप्तिस्मो दी." परंतु येशून सांगल्यान, "तू माका बाप्तिस्मो देवक व्हयस, कारण करूसाठी योग्य काम ह्याच हा." अशाप्रकारान योहानान तेका बाप्तिस्मो दिल्यान, जरी येशून कधी पाप नाय केलल्यान.

बाप्तिस्मो देवन झाल्यार जेळाक येशू पाणयातना निघान भायर पडान इलो, तेळाक परमेश्वराचो आत्मो कबुतरासारखो प्रकट झालो नी खाली येवन तेच्यार थांबलो. त्याच येळेक, परमेश्वर स्वर्गातना बोललो. तेना म्हटल्यान, "तुया माझो झिल आसस. मीया तुझ्यार प्रेम करतय नी मीया तुझ्यार लय संतुष्ट आसय."

परमेश्वरान योहानाक सांगल्यान, "पवित्र आत्मो खाली येवन कोणारव थांबतलो, जेका तू बाप्तिस्मो दितलस." तोच परमेश्वराचो झिल हा, परमेश्वर येकच हा. पण जेळाक योहनान येशूक बाप्तिस्मो दिल्यान, तेळाक तेना परमेश्वर पित्याक बोलताना आयकल्यान, झिल परमेश्वराक बघल्यान, जो येशूच हा नी तेना पवित्र आत्म्याक बघल्यान.