29. कृतघ्न चाकराची गोष्ट

येके दिवशी, पेत्रान येशूक इचारल्यान, "प्रभुजी, जेळाक माझो भाव माझ्याइरुद्ध गुन्हो करीत तेळाक मीया तेका किती येळा क्षमा करायची? सात येळा काय ?" येशून म्हटल्यान, "सात येळा नाय, तर साताचे सत्तर येळा!" हेच्यारना येशूक असा म्हणाचा व्हता की, आपण कायम क्षमा करायची. तेळाक येशून ही गोष्ट सांगितल्यान.

येशून म्हटल्यान, "देवाचा राज्य येका राजासारख्या हा. तेका आपल्या चाकरांकडना हिशेब घेव सारो वाटलो. तेच्या येका चाकराकडे २००,००० वर्सांच्या पगाराइतके लय मोठा कर्ज व्हता.

ह्यो चाकर कर्ज फेडू शकलो नाय म्हणान राजान म्हटल्यान की, "ह्या माणसाक नी तेच्या कुटुंबाक गुलाम म्हणान इकून तेच्या कर्जाची फेड करून घेवा."

तो चाकर राजासमोर पाया पडान म्हणाक लागलो, "कृपया माझ्यार दया कर नी माका काय येळ देवा, म्हणजे मीया तुमचा सगळा कर्ज फेडीन." राजाक त्या चाकराची दया इली नी तेना तेचा सगळा कर्ज माफ केल्यान नी तेका जावक दिल्यान."

पण ह्यो चाकर भायर गेलो आसताना तेका तेच्या वांगडाचो येक चाकर भेटलो जेच्याकडना तेचा, नाय म्हटला तरी चार म्हयन्याचो पगार व्हयत इतक्या कर्ज येवचा व्हता. त्या चाकरान आपल्या वांगडाच्या चाकाराक पकडल्यान नी म्हटल्यान, "आताच्या आता माझे घेतलले पैशे माका दी!"

तेच्या वांगडाचो चाकर गुढघे टेकून म्हणाक लागलो, "माका थोडो येळ दी नी माझ्यार कृपा कर, म्हणजे मीया तुझा कर्ज फेडीन." पण तेच्याऐवजी, तेना आपल्या वांगडाच्या चाकाराक सगळ्या कर्जाची फेड व्हयपर्यात तुरुंगात टाकल्यान.

तेळाक तेच्या वांगडाच्या दासाक लय दुःख झाला नी तेना घडललो सगळो प्रकार आपल्या धन्याक सांगल्यान. तेना राजाकडे जावन सगळाकाय सांगतल्यानी.

राजान त्या चाकाराक बोलवन घेतल्यान नी म्हटल्यान, "अरे दुष्ट चाकरा! तू गयावया केलस म्हणान मीया ता सगळा कर्ज तुका सोडलं व्हतय. तसा तूव आपल्या वांगडाच्या चाकारार दया करूक व्हय व्हतस. राजाक तेचो लय राग इलो नी तेना तेचा सगळा देणा फेडीपर्यात तेका तुरुंगात टाकल्यान."

तेळाक येशून म्हटल्यान, "जर तूम्ही प्रत्येक जाण आपापल्या भावाक मनापासना क्षमा करुचास नाय तर माझ्या स्वर्गातलो बापुसव तेच्या प्रमाणच तुमचा करीत."