49. देवाचो नवो करार

देवाच्या यका दूतान मरियेक सांगितल्यान की ता देवाच्या झिलाक जन्म देयत. म्हणान ता कुमारी आसतानाच तेना यका झिलाक जन्म दिल्यान नी तेचा नाव येशू ठेवल्यान. म्हणान येशू ह्यो देव नी माणूस दोनव हा.

येशून मॉप चमत्कार करून आपण देव आसव हेची खात्री पटवन दिल्यान. तो पाणयार चललो, वादळाक शांत केल्यान, भरपूर आजाऱ्यांका बरे केल्यान, दुष्टात्म्यांका भायर काढल्यान, मेलल्यांका जिवंत केल्यान नी पाच भाकरी नी दोन माश्यांनी ५०००पेक्षा जास्त लॉकांका पॉटभर जेवक घातल्यान.

येशू ह्यो येक महान शिक्षकव व्हतो नी देवाचो झिल आसल्यामुळाक अधिकारवाणीन बोलत व्हतो. तेना शिकयल्यान की आपण जशी आपल्यार प्रीति करतव तशी आपण दुसऱ्यांवरव प्रीति करूक व्हयी.

तेना असाव शिकयल्यान की आपण आपल्या बाकीच्या सगळ्या वस्तूंपेक्षा, संपत्तीपेक्षा देवार अधिक प्रीति करूक व्हयी.

येशून म्हटल्यान, की जगात जा सगळा काय हा तेच्यापेक्षा देवाचा राज्य ह्या अधिक मौल्यवान हा. कोणत्याव माणसाक तो देवाच्या राज्याचो घटक आसणा ह्या सगळ्यात महत्त्वाचा हा. देवाच्या राज्यात प्रवेश करूक तुमका तुमच्या पापांपासना तारले जावची गरज हा.

येशून शिकयल्यान की काय लॉक तेचो स्वीकार करतीत नी तारण पावतीत, पण कायजाण तेका नाकारतीत. तेना म्हटल्यान की काय लॉक सुपीक जमनीप्रमान आसत. ते येशूची सुवार्ता स्वीकारून तारण पावतीत. बाकीचे लॉक वाटेरल्या कठीण जमनीसारखे आसत. ज्या जागेर देवाचा वचन खोलार न गेल्यामुळाक ता निष्फळ ठरता. ते लॉक येशूचो संदेश नाकारतत नी म्हणान स्वर्गाच्या राज्यात प्रवेश करूचे नाय.

येशून शिकयल्यान की देव पाप्यार प्रेम करता. तो तेंका क्षमा करूक इच्छिता नी तेंका आपली पोरा बनवक बघता.

देवाक पापाचो इट हा, असाव येशून सांगल्यान. जेळाक आदाम नी हवा हेंनी पाप केल्यानी, तेळाक ता सगळ्या मानवजातीत पसारला. तेचो परिणाम म्हणान आज प्रत्येक व्यक्ती पाप करता नी देवापासना लांब व्हता. म्हणान प्रत्येक माणूस ह्यो देवाचो वैरी झालो हा.

पण देवान जगातल्या प्रत्येक माणसार येवढी प्रीति केल्यान की, तेना आपलो यकुलतो येक झिल दिल्यान, अशासाठी की जो कोण तेच्यार इश्वास ठेयत, येशू तेका तेच्या पापांची शिक्षा देवचो नाय, पण देवाबरोबर कायमचोच ऱ्हवात.

तुमच्या पापांमुळाक तुम्ही दोषी आसास नी मरणदंडाक पात्र आसास. देवाचो क्रोध तुमच्यार येवक व्हयो व्हतो, पण तेना तुमच्या जागेर आपलो क्रोध येशूर वतल्यान. जेळाक येशू वधस्तंभार मेलो, तेळाक तेना तुमची शिक्षा स्वतःर घितल्यान.

येशून कधीच पाप केल्यान नाय, पण तेना तुमच्या नी जगातल्या प्रत्येक माणसाच्या पापांची शिक्षा स्वतःर घेवचा निवडल्यान नी आपल्या मरणान परिपूर्ण प्रायश्चित्त भरल्यान. येशून दिलल्या बलिदानामुळाक, देव आपणाक आपल्या सगळ्या पापांची क्षमा करूक शकता.

चांगल्या कामांनी आपला तारण होव शकना नाय. देवाबरोबर समेट घडवन आणूक आपण कायच करूक शकनव नाय. फक्त येशूच तुमची पापा मिटव शकता. तुम्ही असो इश्वास धरूक व्हयो की येशू ह्यो देवाचो झिल हा, तो माझ्यासाठी वधस्तंभार मेलो, नी देवान तेका परत जिवंत केल्यान हा.

जो येशूर आपलो वैयक्तिक तारणारो म्हणान इश्वास ठेवता, नी तेका आपलो प्रभू म्हणान स्वीकारता, देव तेचा तारण करीत. पण तो इश्वास न देवणाऱ्याचा तारण करुचो नाय. तुम्ही गरीब नायतर श्रीमंत, बाय नायतर बापयो, तरणो नायतर म्हातारो आसा नायतर तुम्ही खय ऱ्हवतास ह्या महत्वाचा नाया. देव आपणार प्रीति करता नी आपण येशूर इश्वास ठेवायचो अशी तेची इच्छा हा, अशासाठी की तेना आमच्याबरोबर जवळचा नाता जोडूक व्हया.

येशू आमका आमंत्रण देता हा हेच्यासाठी की तुम्ही इश्वास ठेवा नी बाप्तिस्मो घेवा. येशू ह्यो मसीहा, देवाचो यकुलतो येक झिल हा असो तुम्ही इश्वास ठेयतास काय? आपण पापी आसव नी देवाकडना व्हणाऱ्या दंडाक पात्र आसव हेचो तुम्ही स्विकार करतास काय? येशू आमच्या पापांमुळाक वधस्तंभार मेलो हेच्यार तुम्ही इश्वास ठेयतास काय?

जर आम्ही येशूर इश्वास ठेवतव नी तेना आमच्यासाठी जा काय केल्यान तेच्यार इश्वास ठेवतव तर आम्ही ख्रिस्ती आसव! देवान आमका सैतानाच्या अंधःकारमय राज्यातना काढून आपल्या प्रकाशाच्या राज्यात आणल्यान हा. देवान आपलो जुनो पापी स्वभाव काढून आमका नइन स्वभाव दिल्यान हा, जेच्यामुळाक आम्ही न्यायापणाची कामा करूक शकताव.

जर आपण ख्रिस्ती आसव, तर येशून केलल्या कामामुळाक देवान आमका क्षमा केल्यान हा. आता शत्रूक सोडून देव आमका तेचो जवळचो मित्र असो समाजता.

जर आम्ही देवाचे मित्र नी प्रभू येशूचे सेवक आसव, तर तुमका येशू जा काय शिकयत तेचा पालन करूची इच्छा व्हयत. जर आम्ही ख्रिस्ती आसव, तर आपल्याक पाप करुचो मोह व्हयत, पण देव इश्वासू हा नी म्हणता की जर आम्ही आमच्या पापांचो स्वीकार केलव, तर तो आमका क्षमा करीत. पापाइरूद्ध लढाक तो आमका शक्ती देयत.

देव आमका प्रार्थना करूक, तेच्या वचनांचो अभ्यास करूक, इतर ख्रिस्ती लोकांबरोबर तेची आराधना करूक नी तेना तुमच्यासाठी काय केल्यान हा ह्या बाकीच्यांका सांगुक सांगता. हे सगळे गोष्टी आमका देवाबरोबर खोलार नातेसंबंध ठेवक मदत करतत.