6. परमेश्वर इसहाकाक मदत करता

जेळाक अब्राहाम खूप म्हातारो झाललो, तेळाक तेचो झिल इसहाक येका बापयाच्या वयाचो झाललो. म्हणान अब्राहामान आपल्या यका नोकराक आपल्या झिलाक बायल आणूक 'ऊस" देशाक पाठयल्यान, थय तेचे पावणे ऱ्हवत.

जय अब्राहामाचे पावणे ऱ्हवत थयल्या देशाक जावचो मोठो प्रवास झाल्यार परमेश्वरान त्या नोकराक रिबकाक भेटयल्यान. ती अब्राहामाच्या भावाची नात व्हती.

रिबका आपल्या परिवाराक सोडून त्या नोकराबरोबर परत जावक तयार झाला. जशे ते पोचले इसहाकान तेच्याबरोबर लगीन केल्यान.

भरपूर दिवस गेल्यार, अब्राहाम मरान गेलो. तेळाक परमेश्वरान अब्राहामाक दिलल्या वचनामुळाक अब्राहामाचो झिल इसहाकाक आशिर्वाद दिल्यान. त्या वचनात परमेश्वराची येक प्रतिज्ञा व्हती की, अब्राहामाचे अगणित वंशज व्हतले. पण इसहाकाची बायल रिबकाक पोरा होवक नाय.

इसहाकान रिबकासाठी प्रार्थना केल्यान नी परमेश्वरान तेका जुळ्या पोरांचो गर्भ धरूक सक्षम केल्यान. ज्या येळाक ते पॉर रिबकाच्या पोटात व्हते तेळाक ते आपसात भांडाक लागले, म्हणान जा काय व्हयत व्हता ता सगळा रिबकान परमेश्वराक सांगान टाकल्यान.

परमेश्वरान रिबकाक म्हटल्यान, "तू दोन झिलांका जन्म देशीत. तेंच्या अवलादीचे दोन यगयगळे जातये बनतले. ते एक-दुसऱ्या बरोबर भांडतले. पण मोठ्या झिलापासना उत्पन व्हणाऱ्या जातिक बारक्या झिलापासना यणाऱ्या जातयेचे आज्ञा मानुचे लागतले.

जेळाक रिबकाच्या पोरांचो जन्म झालो, तेळाक मोठो झिल लालो नी केसाळ व्हतो, नी तेचा नाव 'एसाव' ठेवल्यानी. तेळाक बारको झिल एसावाच्या टाचेक धरून जनामलो, नी तेनी तेचा नाव 'याकोब' ठेवल्यानी.