7. परमेश्वर याकोबाक आशिर्वाद देता

जेळाक ते पोर मोठे झाले, तेळाक याकोबाक घरात ऱ्हवाक बरा वाटला, पण एसावाक जनावरांची शिकार करूक आवडा. रिबकान याकोबार माया लावल्यान, पण इसहाकाची एसावार प्रीती व्हती.

येक दिवस, जेळाक ऐसाव शिकार करून परत इलो तेळाक तेका खूप भूक लागलली. एसावान याकोबाक म्हटल्यान, "जा काय तू शिजवलस तेच्यातला थोडा जेवान माका दी." याकोबान उत्तर दिल्यान, "पयला माका ह्या वचन दी की, थोरलो असल्याकारणान जे सगळे गोष्टी तुका मिळाक व्हये, ते सगळे तू माका दितलस." शेवटाक एसावान ते सगळे गोष्टी याकोबाक देवचा वचन दिल्यान. तेळाक याकोबान तेका जेवान दिल्यान.

इसहाकाची एसावाक आशीर्वाद देवची इच्छा व्हती. पण तेच्या आधी रिबका नी याकोबान असा केल्यान की, याकोब ह्यो एसाव असल्याचा ढोंग करून इसहाकाक फसवल्यानी. इसहाक म्हातारो झाललो नी तेका दिसत नाय व्हता. म्हणान याकोबान एसावाचे कपडे घातल्यान नी बकऱ्याची लोकूर आपल्या गळ्याभवती नी हातांवर लावन घितल्यान.

योकोब इसहाकाकडे इलो नी बोललो, "मी एसाव आसय. तू माका आशिर्वाद देशीत म्हणान मिया तुझ्याकडे इलय." जेळाक इसहाकान कपडे समजान बकऱ्याच्या लोकरीचो वास घेतल्यान, तेळाक तेका वाटला की तो एसाव हा नी तेना आशीर्वाद दिल्यान.

एसावान याकोबार ईर्षा केल्यान, कारण योकोबान तेच्या थोरल्या झिलाचो अधिकार नी तेच्या आशिर्वादांकाव चोरलल्यान. शेवटाक तेना आपलो बापुस मेल्यार याकोबाक मारून टाकुची योजना केल्यान.

पण रिबकान एसावाची योजना आयकल्यान. म्हणान तेना नी इसहाकान याकोबाक तेंच्या नातेवायकांकडे ऱ्हवाक खूप लांब पाठवन दिल्यान.

योकोब काय वर्सा रिबकेच्या नातेवायकांकडे ऱ्हवलो. त्या येळाक तेना लगीनव केल्यान नी बारा झिलांका नी यका चेडवाक जन्म दिल्यान. परमेश्वरान तेका मॉप श्रीमंत बनयल्यान.

वीस वर्सांपर्यात कनान देशात आपल्या घरापासना लांब ऱ्हवल्यार याकोब आपला बिऱ्हाड, आपले नोकर नी आपली जनावरा हेंचे मोठे घोळके घेवन परत जावक निघालो.

याकोब खूप भियान व्हतो कारण तेना विचार केल्यान की, एसाव आजूनव तेका मारून टाकुक बघित. म्हणान, तेना भेट म्हणान जनावरांचे घोळके करून एसावाकडे पाठयल्यान. जे नोकर त्या घोळक्यांका घेवन गेलले ते बोलले, "तुझो दास याकोब हेना ही जनावरा तुका दिल्यान हत. तो लवकरच पाठना येता.

पण एसाव आता याकोबाक काययेक नुकसान करीत नाय. ह्या सोडून, तो तेका परत येकदा बघून खूप खुश झालो. तेच्यानंतर याकोब कनान देशात शांतिन ऱ्हवलो. मगे इसहाक मेलो नी याकोब नी एसावान तेका पुरल्यान. अब्राहामाक वचन देवन परमेश्वरान जी प्रतिज्ञा केलल्यान ती आता इसहाकावरना याकोबार इलली.