12. पेय्सि होनमळ
यह कहानी सुनें ऑडियो फ़ाइल · 5.3 MB
इस रिकॉर्डिंग के शब्द नीचे Aheri Gondi में दिए गए हैं।
इस्राएल लोकुल्कु इजिप्त देसेमताल पलाते पेय्सि इरगेन कूस मत्तुर. ओर इंदके दासुल्क आयुर, पेन ओर्कु पोल्ले हीसि हींतन इत्ता देसेमताहेके ओर होनालय दल्गतुर. इस्राएल लोकुल्क तल्कता अन्निगुडा इजिप्त लोकुल्कु ओर्कु हीतुर. एंडि-बंगाराल्क आनि एक्को दराता वेल्ले वस्तुल्कगुडा हीतुर. वेरे देसेल्कुना इच्चुर लोकुल्कुगुडा पेनदापोर्रो बरोसा कीतुर. इस्राएल लोकुल्कु इजिप्त देसेमताल पेय्सि होनालय दल्गतस्के ओरगुडा इस्राएल लोकुल्कुनतोनि होनालय पेय्सतुर.
पोद्दाला वेलाते मब्बु तेर्पेता उंदि पेद्दा कंबा ओरा मुन्ने-मुन्ने ताकुंदु. आनि नर्कडकु अद तळमिता कंबा आयुंदु. पेन आ मब्बु तेर्पेता कंबाते आनि तळमिता कंबाते मंचेके बस्केळ्क ओरातोने मनुंदु. ओरा पय्नेमते ओरा मुन्ने अर्रुंदु. ओर्कु सिराप पेनदा पज्जो ताकाना कबळे मत्ता.
कोद्दि सेप आतस्के, पिरोन आनि ओना लोकुल्कु ओरा मनसु मार्सकुत्तुर. मर्रा ओर इस्राएल लोकुल्कुन ओरा दासुल्क कियाना विचारम कीतुर. अदुनहाटीं ओर इस्राएल लोकुल्कुना पज्जो होत्तुर. ओरा मनसुनगुडा पेने मार्सस्ता. पेन अल्हा बारि कीता इत्ते, पिरोन आनि ओरा अन्नि पेनकुंकन्ना यहोवा पेन वेल्लेन ताकतवार मंता इत्ता पोल्ले हरेक मनकंक तोळियगोम इंचि पेनदा इच्चा मत्ता.
इजिप्त सिपाइल्क वायानद इस्राएल लोकुल्क हूळतुर. हूळसि, ‘मनम इंदके पिरोनुना सिपाइल्क आनि एर्रा समुद्रम नड्डुम हिर्कतोम,’ इंचि ओर्क अनपिस्ता. ओर इरगा वेरियकुत्तुर. “मनम इजिप्त बारि होळसि वातोम? मनम इंदके हांतोम,” इंचि अळालय दल्गतुर.
अस्के मूसाल इस्राएल लोकुल्कुन इल्हा इत्तोर, “वेरियमट! इय्याला मीवाहाटीं पेन लडाइ कीसि मीकुन कापाळंता,” इत्तोर. पजा पेन मूसान, “ई लोकुल्कुन एर्रा समुद्रमताहेके मुन्नेळ्क होनालय वेहा,” इंचि इत्ता.
अस्के पेन, इजिप्त सिपाइल्क, इस्राएल लोकुल्कुन हूळामन्नि इंचि, आ मब्बु तेर्पेता कंबातुन इस्राएल लोकुल्क आनि इजिप्त सिपाइल्कुना नड्डुम इरता.
‘समुद्रमपोर्रो नीवा कय हहा,’ इंचि पेन मूसान इत्ता. पजा पेन वळितोनि समुद्रमता एतुन, डेमेर्गु सगोम, तिनेर्ग सगोम कीता. दानहेंदाल समुद्रमताल होनालय उंदि हर्रि तयार आता.
इस्राएल लोकुल्कु ओरा रोंडु बाजकुने एता गूरेनाल वत्तुता बूमिपोर्रो, समुद्रमताल ताकसेके मुन्नेळ्क होनालय दल्गतुर.
पजा, इजिप्त सिपाइल्क, इस्राएल लोकुल्क पेय्सि होनानद हूळगोम इंचि, पेन आ मब्बु तेर्पेता कंबातुन अगटाल तेंडता. इस्राएल लोकुल्कुन दोर्का पियागोम इंचि इजिप्त सिपाइल्क निरनायम कीतुर.
कीसि, समुद्रम नड्डुमताल ओर होत्ता हर्रि पीसि इस्राएल लोकुल्कुना पज्जो इजिप्त सिपाइल्क होत्तुर. गानि पेन ओरा रताल्कुन नड्डुम हिरकिच्चि, ओर्कुन वेराहता. अस्के ओर, “इगेटाल पजोळ्क वितट रो! इस्राएल लोकुल्कुनाहेंदाल पेन लडाइ कीसंता,” इत्तुर.
अंटोर इस्राएल लोकुल्कु समुद्रमता हब्बेटा ओड्डुंक एव्तुर. अस्के पेन मूसान मर्रा, ‘निमे एतापोर्रो मर्रा कय हहा,’ इत्ता. मूसाल अल्हा कीतस्के एर इजिप्त सिपाइल्कुनपोर्रो अरसि, ओर अव्टेन मुळगिसि होत्तुर. समुद्रम बल्हा मत्तद अल्हेन आता.
इजिप्त सिपाइल्क अंटोर हासोत्तद, इस्राएल लोकुल्कु हूळसि ओर पेनदुन विस्वासम कीतुर. इंका मूसाल पेनदाहेंदाल वाता कबुरतोर आंदुर इंचिगुडा ओर विस्वासम कीतुर.
पेन इस्राएल लोकुल्कुन हामुरताल आनि गुलामगिरिताल कापाळता इंचि ओर इरगा कूस मत्तुर. इंदके ओर पेनदा आरादना कियालय आनि पेन वेहताप ताकालय पिरि आतुर. इस्राएल लोकुल्कु गुलामगिरिताल पलाते अर्ता कुसिते पंडुगु कियानाहाटीं आनि पेनदा स्तुति कियानाहाटी बच्चुंगो पाटां पारतुर. बारित्ते पेन ओर्कुन इजिप्त सिपाइल्कुनाल कापाळता.
पेन बल्हा इजिप्ततोर्कुन ओळागोटता आनि इस्राएल लोकुल्कुन ओरा गुलामगिरिताल पलाते पेचाह्ता? इदुन मति कियानाहाटीं पेन इस्राएल लोकुल्कुन एडादिक उंदि मल्का उंदि पंडुगु कियालय आदेस हीता. आ पंडुगुन दाटसि होनना पंडुगु इंतुर. आ पंडुगु कियानाहाटीं ओर उंदि मंचि गोर्रेतुन बलि हीसि, दान बेस बोळसि, पुल्लगा आयवा पिंडिता हारिनतोनि दान तिनना मत्ता.
निर्गमन अध्याय 12:33-15:21 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।