24. येसुंकु योहान बापतिस्मा हींतोर
यह कहानी सुनें ऑडियो फ़ाइल · 3.1 MB
इस रिकॉर्डिंग के शब्द नीचे Aheri Gondi में दिए गए हैं।
एलिसिबाल आनि जकर्याहना मर्रि योहान, पेद्दागासि पेनदा कबुरतोर आतोर. ओर केडाते मंचेके, हुर्वे निय आनि गोल्लाबामां तिनुंदुर, लोटापेटा बूरातोनि तयार कीता कपडिं केर्रुंदुर.
योहानुना पोल्लें केंजानाहाटीं वेल्लेन लोकुल्कु केडाते होत्तुर. योहान लोकुल्कुंक, “मनसु मार्सकुंटु, पेनदा राज्येम दग्गेर्क एव्ता,” इंचेके वेहुंदुर.
योहान वेहता पोल्लें केंजसि वेल्लेटुर लोकुल्कु ओरा पापाल्कुनाल मनसु मार्सकुत्तुर आनि योहान ओर्कु बापतिस्मा हीतोर. योहानुन हूळालय पंडितुल्कगुडा वातुर, गानि ओर ओरा पापाल्कुनाल मनसु मार्सकुना हिल्लुर, ओप्कुना हिल्लुर.
अस्के योहान आ पंडितुल्कुन इल्हा इत्तोर, “अरे ए विसम तरासुरिटा! मनसु मार्सकुंचि, मीवा वागनुकतुन मार्सकुंटु. बद मरा अय्ते बेस पंडि हादोनो आ हरेक मरातुन पेन नर्किसि तळमिते वाटाना मंता,” इंत्तोर. पेनदा कबुरतोर योहानुना बारेमते बतल अय्ते वेहचि मत्तुरो, ओर अद पुरागा कीतोर, “हुळा, बिरानेन नीवा मुन्ने नना वरोर कबुरतोन लोहंतन, ओर नीवाहाटीं हर्रि तयार कींतोर,” इंचि आ कबुरतोर वेहचि मत्तुर.
‘निमे किरिस्तुन आंदिना?’ इंचि इच्चुर पंडितुल्क योहानुन पूसकीति मत्तुर. अस्के योहान, “नना किरिस्तुन आयोन, ओर पजोटाल वायाना मंतोर, ओना काल्कुना हेरपुह्कुन इट्टानच्चोन विलुवागुडा नाकु हिल्ले,” इंचि ओर्कु जवाब हीतोर.
इंकुंदि रोजु येसु बापतिस्मा येतानाहाटीं योहानुनगा वातोर. योहान ओन हूळतोर अस्के, “हुळाट! पेनदा गोर्रे पोरि, दुनियातोरा पापाल्कुन तेहकुंचि ओयालय वासंतोर,” इंचि इत्तोर.
योहान येसुन इल्हा इत्तोर, “नना नीकु बापतिस्मा हिय्याना लायक हिल्लेन, निमेन नाकु बापतिस्मा हीते बेस मनंता,” इत्तोर. गानि, “निमेन नाकु बापतिस्मा हीम, बारित्ते इदे बेस आंद,” इंचि येसु योहानुन इत्तोर. येसु बस्केन पापम किया हिल्लोर, अयना योहान येसुंकु बापतिस्मा हीतोर.
बापतिस्मा येतसि येसु एताल पलाते पेय्तस्के, पेनदा आत्मा उंदि पावरेम पिट्टेलेसीं आसि ओनपोर्रो वासि रेयता. अदे वेलाते पेन स्वर्गमताल इल्हा वळ्कता, “निमे नावा मर्रिन आंदिन, नना नीकुन पावरम कींतन, नना नीतोनि वेल्लेन कूस मंतन,” इंचि इत्ता.
पेन योहानुन इल्हा इत्ता, “पेनदा आत्मा हिळु वासि बोन पोर्रो अय्ते रेय्यंता, निमे ओन्कु बापतिस्मा हीकिन, ओरे पेनदा मर्रि आंदुर, पेन उंदे आंद.” गानि योहान येसुंकु बापतिस्मा हीतस्के पेन बाबाल वळकानद ओर केंजतोर. मर्रि आता येसु, पेनदुन हूळतोर. आनि ओर पवित्र आत्मातुन हूळतोर.
मत्ती अध्याय 3; मरकुस 1:9-11; लूका 3:1 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।