32. वरोर देय्यम पीता मनकन आनि उंदि बिमार मुरतटुन येसु बेस कींतोर
यह कहानी सुनें ऑडियो फ़ाइल · 4.9 MB
इस रिकॉर्डिंग के शब्द नीचे Aheri Gondi में दिए गए हैं।
येसु आनि ओना सिस्युल्क डोंगाते उद्दिसि, गिरासेनि इनना लोकुल्कु मनना एरियाते होत्तुर. अद एरियाते एव्सि अगा डोंगाताल रेयतुर.
देय्यम पीतोर अगा वरोर मनकल मत्तोर.
आ मनकल वेल्लेन ताकतवार मत्तोर, ओन बोरे पिय्या पराकोंदुर. बच्चुं मल्कां लोकुल्कु ओना कय्क-काल्कुंक गोल्सुक दोह्तुर. गानि ओर अवुन नेम्हाचि पोहुंदुर.
आ मनकल अद एरियाते बोंदानगा मनुंदुर. ओर नर्का-पल्हिं मोत्कुंचेके मनुंदुर. ओर कपडिं केर्राकोंदुर, बच्चुंगो मल्कां ओनद ओरे बंडाने तंचि नोप्पि कीकुनुंदुर.
आ मनकल येसुनगा विच्चि वासि, येसुना मुन्ने टोंगरां ऊनतोर. अस्के आ मनकन पीसि मत्ता देय्यमतोनि येसु वळ्कतोर. वळ्किसि, “ई मनकना लोप्पोटाल पेय्सि होन,” इत्तोर.
अस्के आ देय्यम, “ए येसु, अन्निटकन्ना पेद्दा पेनदा मर्रिना, नीकु नातोनि बतल कबळ मंता? कुरपा कीसि नाकु तकलीप हियमा!” इंचि लगांचि मोत्कुत्ता. अस्के येसु, “नी पोरोल बतल?” इंचि दान पूसकीतोर. अस्के अद, “ना पोरोल सैनम आंद, मोमोट वेल्लेन मंदि मंतोम,” इंचि जवाब हीता. (रोमि सरकारते बच्चुंगो वेय्कुना मंदि कलियसि उंदि सैनम आंतुर.)
आ देय्याल्क येसुन, “कुरपा कीसि माकुन इद एरियाताल पलाते लोह्चीयमा!” इंचि विनंति कीतां. अगा दग्गेरा गुट्टापोर्रो पद्दिना उंदि मंदा मेयसेके मत्ता. अदुनहाटीं आ देय्याल्क येसुन, “कुरपा कीसि माकु आ पद्दिने लोह्चीम,” इंचि विनंति कीतां. अस्के येसु, “सरे! अवने होंटु,” इंचि इत्तोर.
अल्हा इत्तस्के देय्याल्क आ मनकानाल पेय्सि पद्दिने होंचि होळियतां. अस्के आ पद्दिं पोर्रोटाल हिळु वित्तिसि होंचि सेरवुने अरसि हासोत्तां. अद मंदाते दग्गेर-दग्गेरा रोंड वेय्कुना(2000) पद्दिं मत्तां.
अगा आ पद्दिना कावेल कियानोरगुडा मत्तुर. अगा बतल अय्ते जर्गता, अदुन हूळतस्के ओर सहरतेके वितुतुर. येसु कीतदअंता अंटोर्क वेहातुर. अस्के आ सहरतोर अंटोर लोकुल्कु वासि, देय्याल्क पीसि मत्ता मनकन हूळतुर. आ मनकल कपडिं केरसि, बेस सांतिते, बेस मनकनलेसीं सक्कगा उद्दिसि मत्तोर.
आ लोकुल्कु इरगा वेरियसि मत्तुर, ओर अगाटाल येसुन पेय्सि होन इंचि इत्तुर. अय्ते येसु डोंगाते एकतोर. देय्याल्क पीसि मत्ता मनकलगुडा येसुनतोनि वांतन इंचि ओन्कु विनंति कीतोर.
गानि येसु, “मन्नि. निमे लोन होंचि, पेन नीहाटीं बतल कीता अदुन अंटोर्कु वेहा. पेन नीपोर्रो बल्हा दया कीता अद ओर्कु वेहा,” इंचि ओन इत्तोर.
अदुनहाटीं आ मनकल होंचि, ओनाहाटीं येसु बतल-बतल कीतोर अदंता अंटोर्क वेहतोर. ओर वेहतद केंजता हरेक मनकल इचंत्रमते अरतुर.
येसु सेरवुना हब्बेटा बाजुंक मल्सि होत्तोर. ओर अगा एव्तस्के, लोकुल्कुना उंदि पेद्दा मंदा येसुनगा जमा आसि गर्दि कीसेके मत्तुर. आ गर्दिते, पन्नेंड वर्सानाल(12) कप्पिड होनना बिमारि आसि मत्ता उंदि मुरतळ मत्ता. दान बिमारताल बेस कियानुर इंचि दानगा मत्ता कोत्तांअंता अद वैदकुल्कुंक हीसि महाता, गानि अद रोगम बेस आयाका एक्को आसेके होत्ता.
येसु वेल्लेन बिमार मनकालोर्कुन बेस कीतोर अले इंचि अद केंजसि मत्ता. अस्के अद, “येसुना कप्पिडतुन इट्टिनागानि नना बेस आंतन,” इंचि अद विचारम कीता. अदुनहाटीं अद येसुना पज्जोटाल वासि ओना कप्पिडतुन इट्ता. अद ओना कप्पिडतुन इट्ता इट्टुडे दाना कप्पिड होनमळ आगसोत्ता.
अस्केटद अस्केन, ओना लोप्पोटाल ताकत पलाते वाता इंचि येसुंक तेळियसोत्ता. अदुनहाटीं ओर पजोळ्क तिरियसि, “नाकुन बोर इट्तुर?” इंचि पूसकीतोर. अस्के, “इग्गे इच्चोन वेल्ले मंदि नी सुट्टु गर्दि कीसंतुर, नीकुन दोबसेके होंचंतुर, अयना निमे ‘नाकुन बोर इट्तुर’ इंचि बारि पूसकींतिन?” इंचि सिस्युल्क जवाब हीतुर.
आ मुरतळ इरगा वेरियसि वनकुसेके, येसुना मुन्ने वासि टोंगरां ऊनसि उद्दुता. अस्के अद बतल कीतानो अदंता वेहता, इंका अद बेस आतदगुडा वेहता. अस्के येसु दान, “नीवा विस्वासमे नीकुन बेस कीता, निमे सांतिते होन,” इंचि इत्तोर.
मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।