33. वरोर कास्तकारि मनकाना वेसुडि
यह कहानी सुनें ऑडियो फ़ाइल · 3.2 MB
इस रिकॉर्डिंग के शब्द नीचे Aheri Gondi में दिए गए हैं।
उंदि रोजु येसु सेरवु ओड्डुनगा मत्तोर. अगा वेल्लेन मंदिकु येसु पेनदा पोल्लें कराहसेके मत्तोर. ओर वेहानद केंजालय अगा इच्चोर वेल्ले लोकुल्क जमा आतुर गदा, ओर लोकुल्कु नित्तालय येसुनगा जेगागुडा हालाकोंटा आता. अदुनहाटीं येसु एते मत्ता उंदि डोंगाते एकतोर. अगा उद्दिसि येसु लोकुल्कुंक कराहसेके मत्तोर.
लोकुल्कुंक येसु अगा ई वेसुडि वेहतोर, “वरोर कास्तकरि मनकल विज्जा दोस्सालय पलाते पेय्सतोर. ओर ओना कय्दे विज्जां वीतनेंके इच्चुं विज्जां होंचि हर्दे अरतां, अवुन पिट्टें वासि पेरसि तित्तां.”
“इंकिच्चुं विज्जां बंडाना गेर्सेपोर्रो अरतां, अगा गिचच्चेन तोळि मत्ता, बंडाना गेर्सेपोर्रो अरता विज्जां बिरानेन मोलिय्तां गानि अवुना हिह्कु एक्को लोतु होना पराहिल्लें, अदुनहाटीं पोळ्द पेय्सतस्के एद्दि दल्गिसि आ मोल्कां वत्सोंचि हासोत्तां.”
“इंकिच्चुं विज्जां हाह्कुना पोदाने अरतां. अवगुडा मोलिय्सि बेर्सालय दल्गतां गानि हाह्कु अवुन बेर्सा हिय्याहिल्लें. अदुनहाटीं हाह्कुना पोदाने अरता बवे विज्जां मोलिय्सि बेस पंटा हिय्याहिल्लें.”
इंकिच्चुं विज्जां बेसता बूमिते अरतां. अव बेस बेर्सतां. बेर्सि, वीतुता विज्जांकन्ना एक्को मुप्पै, अरवै, नूर अंताल्क पंटा पंडता. पेनदा पोल्ले पोर्रो ताकंतन इनना हरेक मनकल नना वेहना पोल्लेन बेस केंजट,” इंचि येसु वेहतोर.
ई वेसुडि सिस्युल्कुन परेसानते अराहता. अदुनहाटीं येसु ओर्कु दाना अर्तम वेहतोर, “आ विज्जां इत्ते पेनदा पोल्ले आंद. आ हर्रि इत्ते वरोर मनकल, बोर मनकल अय्ते पेनदा पोल्ले केंजांतोर गानि तेल्पिच्कुन्नोर, अस्के देय्यम वासि ओनगटाल पेनदा पोल्लेतुन दोसकुंता. इत्ते देय्यम ओन पेनदा पोल्लेतुन तेळियाकोंटा कींता.”
“बंडाना गेर्से इत्ते इसोंटा मनकल आंदुर गदा, ओर पेनदा पोल्ले कुसिते केंजांतोर, आनि ओप्कुंतोरगुडा. गानि तिप्पल्क वातस्के, वेरे लोकुल्कु ओन तकलीप कीतस्के, ओर पेनदागटाल लक्कु दांतोर. इत्ते ओर पेनपोर्रो विस्वासम होळसंतोर.”
“हाह्कुना पोदाना जेगा इत्ते, इसोंटा मनकल गदा, ओर पेनदा पोल्ले अय्ते केंजांतोर, गानि ओर इंका वेरे-वेरे पोल्लेना बारेमते रंदि कींतोर, वेल्लेन दनम संपालिचालय हूळांतोर, इंका वेल्लेन पोल्लें गावाले इंतोर. कोन्नि रोजकु आतस्के ओर पेनदुन पावरम कियमळते कमजोर आंतोर. अदुनहेंदाल ओर पेनदा पोल्लेनाल बतल अय्ते करियतोर अव ओन पेनदुक दग्गेरा आयालय सहायम किय्यों. ओर पेडेक पिय्युवा तुट्रानसंटोर आंतोर.”
“गानि बेसता बूमि इत्ते आ मनकल आंदुर, बोर अय्ते पेनदा पोल्ले केंजसि, विस्वासम कींतोर कीसि बेस पलम हींतोर.”
मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।