34. येसु वेरे वेसुडिं वेहचि कराहंतोर
यह कहानी सुनें ऑडियो फ़ाइल · 3.5 MB
इस रिकॉर्डिंग के शब्द नीचे Aheri Gondi में दिए गए हैं।
पेनदा राज्येम बारेमते येसु इंका वेरे-वेरे वेसुडिं वेहतोर. उदाहरनते, ओर इल्हा इत्तोर, “बोरो वरोर मनकल उंदि आवाल्कुना पेडेतुन ओना तोटाते वाटतोर, आ आवाल्कुना पेडेलेसीं पेनदा राज्येम मंता. मीक एरपाट, आवाल्कुना पेडे अन्नि पेडेकुंकन्ना सिन्नगा मनंता.”
“गानि अद बेरस्तस्के, आ तोटाता कळमाता मराकुंकन्ना एक्को पेद्दागा आंता. अद इच्चोन पेद्दागा आंता गदा, पिट्टें वासि दाना पंगानापोर्रो आराम कींतां.”
येसु इंकुंदि वेसुडि वेहतोर, “पेनदा राज्येम आ तोळ पिंडिलेसीं मंता, बदुन अय्ते उंदि मुरतळ ओसि वेरे पिंडिते कल्पते, आ पिंडिअंता पुल्लगा आंता.”
“पेनदा राज्येम आ कजानातालेसीं मंता, बदुन अय्ते बोरो मनकल ओसि ओना नेदे मक्किच्तोर. वेरे बोनको आ कजाना दोर्कंता आनि दान दक्किच्कुनालय ओर बच्चोनो कोसिस कींतोर. अदुनहाटीं ओर दान मर्रा पोक्काते इर्रांतोर. ओर इच्चोन कूस आंतोर गदा, होंचि ओर ओनगा मत्तद-हिल्वद अन्नि अमकुंचि आ कजाना मत्ता नेदुन अस्साना विचारम कींतोर.”
“स्वर्ग राज्येम उंदि वेल्लेन दराता मुच्येमलेसींगुडा मंता. मुच्याल्कुना व्यापारम कियानोंक अद दोर्कते ओर दान असकुननाहाटीं ओनगा मत्तद-हिल्वद अन्नि अमकुंतोर.
बेसता कबाह्क कीते पेन माकुन स्वीकार कींता इंचि इनकुनानोर इच्चुर लोकुल्क अगा मत्तुर. आ लोकुल्कु, ओर कियाना बेसता कबाह्क कियुवा लोकुल्कुन ओर हय्साकोंदुर. अदुनहाटीं येसु ओर्कु ई वेसुडि वेहतोर: “इव्वुर(2) मनकालोर मत्तुर, ओर इव्वुरगुडा पारतना कियालय गुळिते होत्तुर. ओरा लोप्पोटाल वरोर कर वसूल कियानोर आनि इंकावरोर नीतिमंतुड मत्तोर.”
“आ नीतिमंतुड इल्हा पारतना कीतोर, ‘पेनदुना, नना वेरे लोकुल्कुनालेसीं इत्ते, वरोर दोंगा, अन्याय कियाना मनकल, व्यबिचारम कियाना मनकल, इचोने आयाका आ कर वसूल कियानोनलेसीं पापिन आयोन, इंचि नीकु दन्यवाद वेहचंतन.’”
उदाहरनते, नना वार-वारम रोंड मल्कां उपासम मनंतन, नना संपलिच्ता दनम आनि सामानताल पदोव बागमगुडा नीकु हींतन.”
“गानि आ कर वसूल कियाना मनकल, आ नीतिमंतुनाल वेल्लेन लक्कु निल्सि मत्तोर. ओर पोर्रो स्वर्गमतेके ओना नदरगुडा तेहचि हूळा हिल्लोर. ओर पिळकिल्ते ओना सातितुन तनकुंचेके इल्हा पारतना कीतोर, “पेनदुना, नना पापिन आंदुन, कुरपा कीसि नापोर्रो दया हुप्सा.”
पजा येसु इल्हा इत्तोर, “नना निजम वेहांतन, पेन आ कर वसुल कियानोना पारतना केंजसि ओन नीतिमंतुड इंचि वेहता. गानि आ नीतिमंतुना पारतना पेनदुक नच्चाहिल्ले. गर्रा किय्याना हरेक मनकन पेन वरहंता. गानि सादा-सिंपल मनना हरेक मनकन पेन बेस हूळकुंता.”
मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।