40. येसुन क्रुसुनपोर्रो वेलाड वाटंतुर
यह कहानी सुनें ऑडियो फ़ाइल · 3.6 MB
इस रिकॉर्डिंग के शब्द नीचे Aheri Gondi में दिए गए हैं।
येसुन कारेडाल्क कियमळ आतस्के, सिपाइल्क ओन क्रुसुनपोर्रो वेलाड वाटालय ओतुर. येसु बद क्रुसुनपोर्रो अय्ते हायाना मत्तानो अद क्रुसुन, सिपाइल्क ओनतोने कांजा वेहतुर.
सिपाइल्क, “तल्ला बोरसेम” इनना जेगातगा येसुन पीसि ओतुर. ओसि क्रुसुनपोर्रो ओना काल्क-कय्कुन कोह्कतुर. गानि येसु, “पेनबाबा, ईर बतल कीसंतुरो ईरके तेळियो, अदुनहाटीं ईर्कुन मापि कीम,” इंचि इत्तोर. ओर उंदि पाटिगुडा येसुना तल्लाता पोर्रो वेलाड वाटतुर. दानपोर्रो, “यहुदिल्कुना राजाल” इंचि रासि मत्ता. पिलातुस अल्हेने रासा वेहतोर.
पजा सिपाल्कु येसुना कपडिनाहाटीं सिट्टिं वाटतुर. सिपाइल्क अल्हा कीतस्के, “ओर नावा कपडिन पंचकुत्तुर, नावा कपडिनाहाटीं ओर सिट्टिं वाटतुर” इंचि पेनदा कबुरतोर वेहता पोल्ले निजम आता.
अगा इव्वुर दोंगाल्क मत्तुर, सिपाइल्क ओर्कुनगुडा अदे वेलाते क्रुसुनपोर्रो वेलाड वाटतुर. ओर्कुन येसुना रोंड बाजकुने वेलाड वाटतुर. ओरव्टेटाल वरोर येसुन कारेडाल्क कीतोर, गानि इंकावरोर, “पेन नीकु सिक्सा हींता इंचि निमे वेरियिना? मनम वेल्लेन कराब कबाह्क कीसि दोसिर्क आतोम, गानि ई मनकल अय्ते बतले तप्पु कियाहिल्लोर,” इंचि इत्तोर. पजा ओर येसुन, “निमे नीवा राज्येमते वातस्के दया कीसि नाकुन मतिते इर्रा,” इंचि इत्तोर. अस्के येसु, “निमे इय्यालेन नातोनि स्वर्गमते मनांतिन,” इंचि जवाब हीतोर.
यहुदि नेतालोर आनि लोकुल्कुना मंदाता लोप्पोटोर इच्चुर लोकुल्कु येसुन, “निमे ओक्कला पेनदा मर्रि आते, क्रुसुन पोर्रोटाल हिळु रेय्सि वासि, नीवद निमे कापाळकुन, अस्के मोमोट नीकुन नम्मंतोम,” इंचि कारेड्डाल्क कीतुर.
अस्के, पिय्यल पोळ्द मननेंकेगुडा, आ पूरा देसेमते मब्बु कर्रेगा आता. पिय्यटिल कर्रेगासि मूड एगनदाका अल्हेन मत्ता.
अस्के येसु, “पुरागा आता! बाबा, नना नावा आत्मा नी कय्दुक अप्पजेप्पंतन,” इंचि वरगेय्सि इत्तोर. पजा तला हिळु वराहचि जीवा होळसीतोर. येसु जीवा होळ्सतस्के उंदि बूकंपम आता. अस्के गुळिते लोकुल्कुंक आनि पेनदुक अड्डम मत्ता पेद्दा पर्दा पोर्रोटाल हिळुदाका हरसि रोंड तुकडां आता.
येसु ओना हामुरताहेंदाल, लोकुल्कु पेनदागा होनालय हर्रि तयार कीसि हीतोर. येसुनगा कावेल कीसेके मत्ता वरोर सिपाइ अगा जर्गतदंता हूळतोर अय्ते ओर, “निजमे, ईर मनकल बतले तप्पु कियाहिल्लोर. ईर पेनदा मर्रि आंदुर,” इंचि इत्तोर.
अस्के योसेप आनि निकोदेमस इनना इव्वुर यहुदि नेतालोर अगा वातुर. येसे किरिस्तु आंदुर इंचि ओर नम्मुंदुर. पिलातुसनगा होंचि ओर येसुना मेंदुलतुन तल्कतुर. तल्किसि ओना मेंदुलतुन उंदि कप्पिडते हुटतुर. हुट्सि उंदि बंडातुन तुल्हाचि कीता सोर्रेते ओन ओसि इरतुर. अद सोर्रेता हरदुन मुच्चनाहाटीं ओर उंदि पेद्दा बंडातुन सोर्रेक अड्डम दोसतुर.
मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।