8. युसुप आनि ओना परिवारतुन पेन पिसागोटंता
यह कहानी सुनें ऑडियो फ़ाइल · 5.5 MB
इस रिकॉर्डिंग के शब्द नीचे Aheri Gondi में दिए गए हैं।
वेल्लेन वर्साना पज्जो याकोब मातरल आतस्के, ओना पावरमगल्ला मर्रि युसुपुन ओना कळमता तम्मुह्कुनहेके ओर्कुन हूळसि वायालय लोहतोर. ओर जिवरासिना मंदाता कावेल कीसेके मत्तुर.
युसुपना तम्मुह्क ओन हय्साकोंदुर. बारित्ते ओरा बाबाल युसुपुन एक्को पावरम कियुंदुर. अचोने आयाका युसुप ओना तम्मुह्कुनपोर्रो अदिकार तकसंतोर इंचि युसुपुंक कला वासि मत्ता. युसुप ओना तम्मुह्कुनगा वातस्के ओर ओन दोर्कापीतुर. आनि दासुल्कुना व्यापारम कियानोर्कुंकु अम्मुकुत्तुर.
लोन मल्सि वायाकामुन्ने युसुपुना तम्मुह्कु ओना अंगितुन हारहाचि दान एटिता नेत्तुरते नाह्तुर. बदो उंदि जिवरासि युसुपुन हव्कुता इंचि ओरा बाबान नम्मिचनाहाटीं ओर आ अंगितुन ओना बाबांक तच्चि हुपिस्तुर. याकोब अदुनहाटीं वेल्लेन नाराज आतोर.
दासुल्कुना व्यापारम कियाना लोकुल्कु युसुपुन इजिप्त देसेम ओतुर. नील इनना बेरेटा ओड्डुनपोर्रो मनना ई इजिप्त देसेम पेद्देद आनि ताकतवार देसेम मत्ता. दासुल्कुना व्यापारम कियाना आ लोकुल्कु ई युसुपुन, दासुड आसि मननाहाटीं वेल्लेन सिरमंत मत्ता वरोर सरकारि मनकंक अम्मुतुर. अस्के युसुप ओना मालकुना बेस सेवा कीतोर. आनि पेन युसुपुंक आसिर्वाद हीता.
मालकुना मुत्तो युसुपुनतोनि मींडाना कोसिस कीता, गानि पेनदा विरोदमते इसोंटा पापम किय्योन इत्तोर. दानहेंदाल मालकुना मुत्तो युसुपुनपोर्रो आबद्दम कसुर वाटसि ओन जेलने वाटा वेहता. युसुप जेलनेगुडा पेनदा विरोदमते होनाहिल्लोर. अदुनहाटीं पेन ओनकु आसिर्वाद हीता.
युसुप बतले तप्पु कियाकोन्ना गानि रोंडु वर्सानाल जेलने मत्तोर. रोंड वर्साना पज्जो, उंदि नर्का पिरोन (इजिप्त देसेमता लोकुल्कु ओरा राजान इद पोरोलते केयुंदुर) पिरोन राजाल, रोंडु कलां हूळतोर, अवुनहेंदाल ओर वेल्लेन परेसान मत्तोर. ओना बोरे मंत्रि ओनकु आ कलाना अर्तम वेहा पर्राहिल्लुर.
आ कलाना अर्तम वेहाना ताकत पेन युसुपुंक हीता. अदुनहाटीं पिरोन राजाल युसुपुन जेलनाल ओनगा केया वेहतोर. युसुप ओनकु आ कलाना अर्तम वेहचि ओन इल्हा इत्तोर, “एडुं वर्सनदाका बेस पंटां पंडतस्के, एडुं वर्साना पज्जो मर्रा एडुं वर्सानाहाटीं पेन कर्वु अरहंता,” इंचि वेहतोर.
युसुपना पोल्लें केंजसि पिरोन राजाल इरगा कूस आतोर. आसि इजिप्त देसेमता रोंडो ताकतवार मनकल इंचि युसुपन पेरतोर.
बेस पंटा पंडाना एडुं वर्साने वेल्लेन गाटो जमा कीसि इर्राना इंचि युसुप लोकुल्कुंक वेहतोर. पजा एडुं वर्सानाहाटीं कर्वु अर्तस्के युसुप आ गाटोतुन लोकुल्कुंक अम्मुतोर. दानहेंदाल लोकुल्कुंक तिनालय बतल तक्को होनाहिल्ले.
आ कर्वु सिराप इजिप्त देसेमतेन अर्राहिल्ले, याकोब आनि युसुपना परिवार मनना कनान देसेमतेगुडा अरता.
अदुनहाटीं याकोब ओना पेद्दा मर्कुन गाटो अस्सि तर्रानाहाटीं इजिप्त देसेम लोहतोर. गाटो अस्सालय ओर बस्के अय्ते युसुपना मुन्ने निलतुर, अस्के ओर युसुपुन एरपाट कियाहिल्लुर गानि युसुप ओर्कुन एरपाट कीतोर.
ओरालोप्पो गोडचन्ना मार्पु वातना इंचि परमेरका कीसि हूळतोर. पजा युसुप ओर्कुन इल्हा इत्तोर, “मिमेट वेरियमट, नना मीवा तम्मुन आंदुन. नाकुन तकलिप कियाना उद्देसमते मिमेट नाकुन दासुड इंचि अमतिर. गानि पेन आ तकलिपतुन गुडा बेसताहाटीं वापर कीता. वटु, वासि इजिप्तते मंटु, नना मीवाहाटीं आनि मीवा परिवारतोरहाटीं गाटोता व्यवस्ता कींतन,” इत्तोर.
युसुपना दादालोर लोन मल्सि वासि, युसुप इंकागुडा पिस्से मंतोर इंचि याकोबुंक वेहतस्के, याकोब इरगा कूस आतोर.
याकोब वेल्लेन मातरल आतोर. अयना ओर ओना पूरा परिवारतुन पीकुंचि इजिप्त होंचि अग्गेन जेगा आतुर. याकोब हायाका मुन्ने ओर ओना अंटोर मर्कुंक आसिर्वाद हीतोर.
पेन अब्राहामुंक हीता पोल्लें आनि करार अब्राहामुनाहेंदाल इसहाकुनपोर्रो, इसहाकुनाहेंदाल याकोबुनपोर्रो, याकोबुनहेंदाल ओना पन्नेंड मर्कु आनि ओरा परिवारकुनपोर्रो होत्ता. आ पन्नेंड मर्कुना वंसमतोर मुन्ने होंचि इस्राएलना पन्नेंड गोत्राल्कुनोर आतुर.
उत्पत्ति अध्याय 37-50 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।