10. दस बिपति

महा परबु मुसा आउर हारून के चितावनी दिलो, की फिरौन हठीला होयदे जिदलदाय हुन मन फिरौन लगे गेला तो हुन बोललो, "इसराएली चो महा परबु असन बललो से, की मोचो लोग मनके जाउक देसI मानतर फिरौन हुन मन चो नी सुनलो आउर इसराएली मनके जातो काजे सोतंत्र करतो जगह हुन मन के आउर कठिन बुता करतो काजे बोललो।

फिरौन हुन लोग मनके जाउक देतो काजे खुबे इन्कार करते रये, हुनी काजे महा परबु मिसर ने दस भियन्कार बिपति के पटालो; ए बिपति मन ले महा परबु फिरौन के दकालो की हुन फिरौन आउर मिसर चो देव मन चो ले जादा ताकतवर आय।

महा परबु नील नदी के लोहु ने बदललो, मानतर फिरोन एबे बले इसराएली मनके जाउक नी दिलो।

महा परबु सब मेंढका मनके मिसर ने पटालो, फिरौन मेंढका मनके गुचातो काजे मूसा के बोललो, "मानतर सब मेंढका मन मोरतो के फिरौन आपलो मनके कठोर करलो, आउर इसराएली मनके मिसर ले निकरुक नी दिलो।

हुनी काजे महा परबु कुटकि मन चो बिपति पटालो, हुनचो पाचे डांस चो बिपति पटालो, फिरौन मूसा आउर हारून के हाग दिलो आउर हुन मन के बोललो, "की यदि हुन बिपति के गुचायदे तेबे , इसराएली मन मिसर के छाड़ुन जाउक सक दे जिदलदाय मुसा पारथना करलो तो महा परबु मिसर ले डांस के गुचालो, मानतर फिरौन आपलो मनके कठोर करलो, आउर हुन लोग मनके अच्छा होउन जाउक नी दिलो।

हुनचो पाचे महा परबु मिसर चो सब जीवधारी मनके बीमार होउन मोरतो काजे दिलो, मानतर फिरौन चो मन कठोर होऊ रहे, इसराएली मनके जाउख नी दिलो।

तेबे महा परबु मूसा के फिरौन चो पुरे राक पोकाउक बोललो। तेबे हुन असन करलो तो मिसर चो लोग मन चो चमड़ी ने फोटका मन निकरली, मानतर इसराएली लोग मनके काई नी होली। महा परबु फिरौन चो मन के कठोर करुन दिलो आउर फिरौन इसराएली मनके अच्छा होउन जाउक नी दिलो।

एचो पाचे, महा परबु करा गसरालो आउर मिसर चो खुबे फसल के बर्बाद करुन दिलो। आउर जोन बले, 'दुवारे निकरला हुन मन मोरला! फिरौन मूसा आउर हारून के हाग दिलो मय पाप करलेसे तुमि जाउक सकास, मानतर मूसा प्रार्थना करलो की बादरी ले करा घसरतो बदं हो।

मानतर फिरौन फेर पाप करलो आउर आपलो मनके कठोर करलो हुन इसराएली मन के अच्छा होउन जाउख नी दिलो।

फेर महा परबु मिसर ने थाफा मन चो झुण्ड के पटालो, ए थाफा मन हुन मन चो सब फसल के खाहुन दिला, जोन के करा मन बर्बाद नी करू रये ।

फेर महा परबु अंधार करलो, जोन तीन दिन ले रये; खुबे अंधार रये की मिसरी लोग मन घर ले निकरूक नी सकला, मानतर जोन थाने इसराएली लोग मन रहते रओत हुता उजर रये।

ए नौ बिपति चो पाचे बले, इसराएली लोग मनके सवतंत्र होउन जातो काजे इन्कार करलोI कसन की फिरौन नी सुनते रये, हुनी काजे महा परबु गोटोक सरासरी बिपति के पटातो काजे बिचार बनालो, ए फिरौन चो मन के बदलून देयदे।