11. फसह-नुआ खानी

महा परबु मूसा आउर हारून के फिरोन लगे ए सांगतो काजे पटालो, की इसराएली मन के जाउक दियास, हुन मन हुनके सांगला की यदि हुन मन के जाउक नी देयदे तो महा परबु मिसरी लोग मनके आउर सब जीवधारी मन चो गोटोक गोटोक के मारे देI फिरोन ए सुनुन बले महा परबु के विसवास करतो काजे आउर हुनचो गोट के मानतो काजे इन्कार करलो।

महा परबु के विसवास करतो लोग चो पहिला पिला के मारतो ले बचातो काजे उपाय करलो, सब घर परिवार के गोटोक-गोटोक बोकड़ी के धरून जात्रा चेगातोर रये।

महा परबु इसराएली मन के हुन बोकड़ी चो लोहू के धरून आपलो-आपलो घर चो बाट डेवना ने घासुक बोललो, "हुन मन चो मांस के भूंजतोर रये, आउर फेर झटके अखमिरी रोटी संगे बोसुन खातोर रये; हम के हुन भात के खादलोर पाचे मिसर के छाड़तो तैयार करतोर रयेI

जसन करतो काजे महा परबु बोलू रये, हुनचो अनुसार सब करलाI मंजी राती बेरा, महा परबु सब पहला जन्मलो मनुक पिला मनके मारते-मारते मिसर चो मांजी घता ले गेलो।

इसराएली लोग मन चो सब घर चो दुवार ने लोउ घसलोर रये, हुनी काजे महा परबु हुन घर मनके छाड़ुन दिलो, हुन भीतर चो सब लोग अच्छा रओत हुन मन बोकड़ी चो लोउ चो कारन ने बाछु रला।

मानतर मिसरी लोग मन महा परबु के विसवास नी करू रला, आउर हुनचो गोट के नी मानु रलाI हुनी काजे महा परबु हुन मन चो घर के नी छाड़ुलोI महा परबु मिसरी लोग मन चो सब पहला जन्मलो मनुक पिला मन के मारुन दिलो।

जेलखाना चो कैदी मन चो पहला पिला ले धरून फिरौन चो पिला मन तक, सब गोटोक पहिला मनुक पिला मन मोरला, हुन मन आपलो बड़े दुःख चो कारन मिसर चो खुबे लोग गागते रओत आउर चिंता करते रओत।

हुनी राती फिरौंन, मूसा आउर हारून के हाग दिलोI आउर बोललो, "इसराएली लोग मन के धरून तुरंत मिसर ले निकरून जाआ" मिसर चो लोग मन बले, इसराएली लोग मनके झटके निकरून जातो काजे सांगला।