15. किरिया चो देश

आखरी ने, हुन दिन अमरली की इसराएली लोग मन किरिया चो देश कनान ने जाहोत। हुन देश ने यरीहो नाम चो गोटोक नगर रये। हुनचो देख-रेख करतो काजे चारो बाटे मजबूत बीती बड़े दिवाल रली। यहोशू हुन नगर ने दूई जन भेदियो के पटालो। हुन नगर ने गोटोक राहाब नाम चो गोटोक वेश्या रथे रये। हुन उन मनके के लुकाउन हुन मन के नगर ले बचाउन भाती निकरातो काजे सायता करली। आउर हुन महा परबु के विसवास करते रली। जिदल दाय इस्राएली मन यरीहो के नाश करदे तेबे उन मन रहाब आउर हुनचो परिवार के रक्षा करतो काजे किरिया करून रला।

इसराएली चो लोग के किरिया चो देश ने ओलतो काजे यरदन नदी के पार करतोर रली। महा परबु यहोशू के बललो, "याजक मन के पहले जातो काजे बललो।" जिदलदाय याजक मन यरदन नदी ने हुन मनचो पाव संगावला तेबे पानी थेबली, आउर इसराएली चो लोग नदी चो सूखलो भाटा ने जाउक सकोत्त।

हुन मन यर्दन नदी के पार करला तो महा परबु यहोशू के बललो, "की यरीहो थाने लड़ाई करतो काजे तियार रतो राय। मांतर हुन खुबे बड़े नगर रये, महा परबु हुन लोग मनके बललो, कि हुन मन चो याजक आउर सेनिक मनके छ: दिन तक हुन नगर चो चारो आउर किन्दरतो राय। आउर सेनिक मन असनी करला।

आउर सातवा दिने, इसराएली मन हुन नगर के चारो बाटे सात हार किन्दरला। हुन मन नगर के चार हार किन्दरलो पाचे, याजक मन तुरही फुक्ला आउर सेनिक मन खुबे जोरदार कोलार होला।

आउर यरीहो चो चारो तरफ चो दिवार घसरून गेली! आउर महा परबु आज्ञा देउन रलो इसराएली मन हुन नगर चो हर तीज के नाश करून दिला। आउर हुन मन रहाब आउर हुनचो परिवार के छाड़ुन दिला, हुन मन इसराएली मन चो संग देतो काजे बनुरला। आउर कनान ने रतो लोग सुनला की इसराएली मन यरीहो के नाश करून दिलासोत, उन मन खुबे डारला कि इसराएली मन हुन मनचो संग बले हमला करदे।

महा परबु इसराएली मनके आज्ञा देऊन रलो, कि कनान ने रतो कोनी बले जाति संगे शान्ति संधि नी करतो रये, मानतर गिबोनीयो नाम चो गोटोक कनानी जाति, यहोशू के झूठ बलला। की कनान चो गोटोक दूर जगा ने गोटोक डेरा ने रहतो। हुन लोग मन यहोशू के बिनती करला कि संगे मिसून रतो काजे। यहोशू आउर इसराएली चो सेनिक मन महा परबु के नी पुछला कि हुन मन के काय करतो राय। हुन मन गिबोनियो संगे शान्ति संधि करला।

तीन दिन पाचे, इस्राएली मन के मालुम पड्ली की गिबोन चो लोग मन कनान देश ने ची रते रला। हुन मन रिस होला कसन बल्ले गिबिनी लोग मन दोखा देउन रला। मानतर हुन मन चो संग हुन मन शांति संधि के बनाउन रला। मानतर हुन मन महा परबु चो पुरे बनाउन रला। खिंडीक बेरा पाचे, कनान ने रतो दुसरा जाति, एमोरीयो चो राजा मन सुनला कि गिबोनी मन इस्राएली मन संगे शांति संधि करला से, हुनि काजे उन मन अपलो-अपलो सेना मनके जमा करून गोटोक बड़े सेना बनला आउर गिबोनी लोग थाने लड़ाई करला।गिबोनी मन मदद मान्ग्तो काजे यहोशु चो लगे खबर पटाला।

हुन यहोशू इसराएली मन चो सेना के इकट्टा करलो आउर गिबोनि मन चो लगे जातो काजे सपाय रात हिंडते गेला। बियाने हुन मन एमोरि चो सेनिक मनके चकित करून दिला आउर हुन मन उपरे लड़ाई करुन दिला।

हुन दिन महा परबु इसराएली मन काजे लड़लो। हुन एमोरियो मन के घबराऊन दिलो आउर बड़े-बड़े बीती करा घसराउन एमोरि मन के मारून दिलो।

महा परबु बेर के बले बादरी उपरे गोटोक जगह थमाउन दिलो, ताकि इसराएली मन के समय मिरो कि एमोरियो मन के सब बाटले हराऊन देतो काजे। हुन दिने, हुन दिने महा परबु इसराएली मन चो काजे जीता लो।

तेबे महा परबु हुनचो सेनिक के हरालोर पाचे, खुबे कनानी जाति चो लोग इस्राएल थाने लड़ाई करुक जमा होला। यहोशू आउर इसराएली लोग मन हमला करला आउर हुन मनके सत्यानाश करून दिला।

ये लड़ाई चो पाचे, महा परबु इसराएल चो सब बंश आउर खुटुम्ब चो लोग के किरिया करु रलो देश दिलो। तेबे महा परबु इसराएल चो सब सिमर थाने शांति प्रदान करलो।

जेबे यहोशू बुढा होऊ रये, तेबे हुन इसराएल चो सबु लोग मन के गोटोक जगा थाने हाग दीलो। आउर हुन लोग मनके सुरता करालो कि, हुन बादा के पालन करतो काजे किरिया करून रला जोन महा परबु सीने डोंगरी ने बादा बांधून रलो। लोग मन महा परबु चो विसवास ले रतो आउर हुनचो व्यवस्था के पालन करतो काजे बादा करून रला।