36. यीशु चो रूप बदल तोर

गोटोक दिन, यीशु आपलो, तिन चेला मन पतरस, याकुब, युहन्ना के आपलो संगे मिलाऊन निलो। ( ऐ युहन्ना नाव चो चेला हुन मनुक नी आय जोन यीशु के बपतिस्मा देऊन रये ) ऐ मन पराथना करतो काजे गोटोक डेंग डोगरी ने गेला।

जिदलदाय यीशु पराथना करते रलो, तेबे हुन्चो थोथना बेर असन बरली। हुनचो फटही उजर असन पंडरा होली, जसन सन्सार चो कोनी बले असन करुक नी सके, उसन पंडरा।

तेबे मुसा आउर एलिय्याह अगमज्ञानी दखा दिला। ए मनुक मन ए सनसार ने ऐ बेरा ले धरून सेकडा बरखले आगे रते रहोत। हुनमन यीशु के हुनचो मरतोर बारे ने गोठीयाते रला, काय काजे बलले ने कि ऐ झपके यरूशलेम ने मरून जाए दे।

जिदलदाय मुसा आउर एलिय्याह यीशु संगे गोठीयाते रओत तेबे पतरस यीशु के बललो,"आमचो एथा रतोर नंगत आय। आमी तिन ठन मांडो बनावा, गोटोक तुचो काजे, गोटोक मुसा काजे, आउर गोटोक एलिय्याह काजे। मान्तर पतरस खुदे नी जानते रलो की हुनकाय बले से।

जिदलदाय पतरस गोठीयाते रलो, तेबे गोटोक चकमकतो बिती बादरी हुन मनके ढ़ाकली। तेबे हुन बादरी के गोटोक राग सुना दिली, हुन बललो,"ऐ मोचो बेटा आय। मय एचो ले हरिक होले। हुनचो गोठ के धरा।"ए तीनो चेला मन डरला आउर भुई ने पाटा पडला।

तेबे यीशु हुन मनके छिउन बललो, "नी डरा उठा।" जिदलदाय हुनमन चारो बाटे दखला, तेबे हुन थाने जोन रलो मात्र गोटोक यीशु रलो।

यीशु आउर हुन तीनो चेला मन हुन डोगरी ले खाले उतरला। तेबे यीशु हुन मनके बललो," एबे जोन बले एता होली हुनके काकी बले नी सांगा। मय झबके मरेंदे आउर फेर जीव उठेंदे। हुनचो पाचे, तुमी लोग मन के सांगुक सकास।