6. महा परबु इसहाक काजे जुगाड़ करलो

जिदलदाय अब्राहम डोकरा होऊ रये उदलदाय हुनचो बेटा इसहाक बायले आनतो उमर ने रये। हुनी काजे अब्राहम आपलो कमिया के हुनचो बेटा काजे हुन देश ने जहाँ हुनचो लोग बाग रओत बायले आनुक पटालो।

जोन जागा ने अब्राहम चो लोग बाग रओत, हुन देश ने खुबे दूर जातो चो पाचे महा परबु हुन कमिया के रिबका ले भेटालो, हुन अब्राहम चो भाई चो नातीन रये।

रिबका आपलो परिवार के छाड़ून हुन कमिया संगे जातो काजे राजी होली, जसनी हुन मन हुता अमरला असनी इसहाक हुनचो संगे बिया होलो।

खुबे दिन चो पाचे, अब्राहम मोरलो तेबे महा परबु अब्राहम चो बेटा इसहाक के, अब्राहम संगे करलो बादा चो कारन ने आशीर्वाद दिलोI हुन बादा महा परबु चो गोटोक बादा रये, अब्राहम चो खुबे परिवार बड़ेदेI मानतर इसहाक चो बायले रिबका के पिला झीला नी होला।

इसहाक रिबका काजे प्रार्थना करलो, आउर महा परबु हुनके जुड़वाँ पिला मनके दिलो तेबे जिदलदाय हुन पिला मन रिबका चो पेट ने आपस ने झगड़ा होते रओत, हुनि काजे जोन बले होते रये रिबका महा परबु के सांगली।

महा परबु रिबका के बललो, "तुई दुई ठन पिला के जन्मासे हुनचो थर दुय ठन दुसर-दुसर जाति चो होयदे, हुन मन आपस ने लड़ाई करदे। मानतर बड़े बेटा ले पैयदा होतो बिती जातिके नानी बेटा ले पैयदा होतो जाती चो गोटोक आज्ञा के मानुख पड़ेदे।

जिदलदाय रिबका चो पिला मन चो जन्म होली, तेबे बड़े बेटा लाल आउर रोआर रये, आउर हुन मन हुनचो नाव एसाव संगालाI आउर नानी बेटा एसाव चो पांय के धरुन जन्मलो हुनचो नाव याकूब संगाला।