7. महा परबु याकूब के आशीर्वाद दिलो

जिदलदाय हुन पिला मन बड़े होला तो याकूब के घरे रतो अच्छा लागते रये, मानतर एसाव के जीवधारी मनके मारतो अच्छा लागते रये, रिबका याकूब के मया करली मानतर इसहाक एसाव के मया करलो।

गोटोक दिन एसाव फारधी करून घरे हिलो तो हुन खुबे भूखे रयेI एसाव याकूब के बोललो, "जोन बीती के तुई रान्दलिसीस' हुताले खिंडीक खातो काजे मोके बले दे। याकूब बोललो, "पइले मोके ए बादा कर की पहलौटा होतो काजे काई बले तीज जेके तुके मिरतोर आय, हुन सब तुई मोके देसेI" तेबे एसाव हुन सब तीज के याकूब के देतो काजे बादा करलोI तेबे याकूब हुनके खातो काजे खिंडीक भात दिलो।

इसहाक एसाव के आशीर्वाद देतो काजे होते रये, मानतर एचो पहले हुन असन करलो की रिबका आउर याकूब के, याकूब एसाव आय बोलून इसहाक के ठगला इसहाक डोकरा ओऊ रये, आउर दकुक नी सकते रेये, हुनी काजे याकूब एसाव चो फोटही पिन्दलो आउर बोकड़ी चो बाल के टोडरा लगले बांधलो।

याकूब इसहाक लगे गेलो आउर बोललो, "मय एसाव आयI मय एई काजे इले से की तुई मोके आशीर्वाद देसI" जिदलदाय इसहाक बोकड़ी चो बाल के महसूस करलो, आउर फोटही के सुन्गलो तेबे हुन बिचारलो की ए एसाव आय आउर हुनके आशीर्वाद दिलो।

एसाव याकूब के रिस करलो, कसन बोलले याकूब हुनचो पहले बेटा होतो चो अधिकार के आउर हुनचो आशीर्वाद के चोर लो, आउर हुन अपलो बुआ चो मोर लो पाचे, याकूब के मारतो उवाट करलो।

मानतर रिबका एसाव चो उवाट के सुनली हुनी काजे इसहाक याकूब के हुनचो लोग बाग घरे रतो काजे खुबे दूर पटाली।

याकूब खुबे बरस तक रिबका चो लोग बाग संगे रलो, आउर हुनी बेरा ने बिया करलो आउर बारह बेटा के आउर गोटोक बेटी के जन्माला महा परबु हुनके खुबे धनी बनालो।

बीस बरस ले कनान ने आपलो घर ले दूर रतो पाचे, याकूब आपलो परिवार, आउर कमिया मन, आउर अपलो गाय-बोयला चो गोह्ड़ी संगे हुन आपस ईलो।

याकूब हुनी काजे खुबे भयभीत रये कसन बोलले, हुन बिचारलो की एसाव एबे बले हुन मोके मारुक सकेदे हुनी काजे हुन सब जीवधारी मनके एसाव लगे पटालो जोन कमिया मनके धरून एउनरला हुन मन बलला, "तुचो कमिया याकूब ऐ जीवधारी मनके तुके देयसे, हुन जपके एयसे।

मानतर एसाव ऐबे याकूब के नुकसान नी करतोर चाहसेI ऐचो कारन हुन हुनके दकुन हरिक होलो हुनचो पाचे याकूब कनान देश ने शांति ने रये, फेर इसहाक मोरलो, याकूब आउर एसाव हुनके माटी दिला, बादा चो किरिया जोन महा परबु अब्राहम के करू रये, एबे इसहाक लगले याकूब लगे ईली।