18. बंटाए राज्य

दाऊद राजा हर चालीस बछर तक इस्राएल मा शासन करीसI तहाँ ओहर मर गिस, अउर ओकर बेटा सुलैमान हर इस्रैल मा राज करे बर शुरू करिसI परमेश्वर हर सुलैमान ठी बात करिस अउर ओला पुछिस कि ओ सब ले जादा का चाहत हे कि परमेश्वर ओकर बर करेI सुलैमान हर परमेश्वर ले मांगिस की ओला बनेच बुद्धिमान बना देI इ गोइठ हर परमेश्वर ला खुश करिस, इकरेबर परमेश्वर हर सुलैमान ला संसार के सबसे बुद्धिमान पुरुष बना दिसI सुलैमान हर बनेच गोइठमन ला सिखिस अउर ओ एक बुद्धिमान शासक रिहिसI परमेश्वर हर ओला बनेच धनी घोले बना दिसI

यरुशलेम मा सुलैमान हर ओ मंदिर ला बनाईस जेकर बर ओकर पिता हर योजना बनाये रिहिस अउर सामान जमा करे रहिसI अब लोग मिलाब वाले तम्बू के अलावा मंदिर मा परमेश्वर के पूजा करत रिहिन अउर ओकर बर बलि चढ़ात रिहिनI परमेश्वर आके मंदीर मा उपस्थित रहत रिहिस, अउर ओहर आपन मनसेमन के संग रहत रिहिसI

परन्तु सुलैमान हर दूसर देश के नारीमन के संग माया करिसI ओहर बनेच ठन, लगभन 1,000 नारीमन ठी शादी करके परमेश्वर के अवज्ञा करिस! इमेले बनेच नारीमन दूसर देश ले आइन अउर आपन संग आपन देवतामन ला लानिन अउर ओमन के पूजा करे ला जारी राखीनI जब सुलैमान बूढ़ा होगिस त ओहर घोले ओमन के देवतामन के पूजा करिसI

इकर वजह ले परमेश्वर सुलैमान ले नाराज रिहिसI ओहर कहिस कि ओ इस्राएल देश ला दू राज्यों मा विभाजित करे के खातिर ओला दंड दिहीI ओ सुलैमान के मरे के बाद एइसन करिहीI

सुलैमान के मरे के बाद, ओकर बेटा रहबाम राजा बनिसI इस्राएल देश के सब मनसेमन ओला आपन राजा के रूप मा स्वीकार करेबर एक साथ जमा होइन ओमन रहबाम ले शिकायत करिन कि सुलैमान हर ओमनला बनेच कठिन परिश्रम करवाए रिहिस अउर बनेच लगान असुली करे रिहिसI ओमन रहबाम ले अनुरोध करिन कि ओमन ले कम काम करवाएI

परन्तु रहबाम हर ओमन ला बड़ेही निर्बुधि जैसन जवाब दिस, ‘’तू मन कहत ह कि मोर बाप हर तुमन ला कठिन परिश्रम करवाईसI परन्तु में तुमन ला ओकर ले घोले अधिक परिश्रम करवाहाँ, अउर में तुमन ला ओकर ले भी अधिक पीड़ित करिहोंI’’

जब मनसेमन ओला एसन कहत सुनिन तो ओमन ले बनेचमन ओकर विरुद्ध लड़ाई कर दिनI दस गोत्रमन ओला छोड़ दिन; ओकर संग केवल दो गोत्र बचीनI इ दो गोत्रमन आपन ला यहूदा के राज्य कहिनI

बाकि के दस गोत्रमन यारोबाम नाम के एक पुरुष ला आपन राजा बना लीनI ए गोत्र देश के उत्तर -पूर्वी भाग मा रिहिनI ओमनह आपन ला इस्राएल के राज्य कहिनI

परन्तु यारोबाम हर परमेश्वर के विरुद्ध लड़ाई करिस अउर मनसेमन ला पाप करवाईसI ओहर आपन मनसेमन के दुआरा पूजा करेबर दू मूर्ति ला बनाईसI ओमन अब यहूदा के राज मा यरूशलेम के मंदिर मा परमेश्वर के मंदिर मा ओकर पूजा करे बर नी जात रिहिनI

यहूदा अउर इस्राएल के राज्य दुशमन बन गिन अउर अक्सर एक दूसर के विरुद्ध लड़े लागिनI

इस्राएल के नवां राज्य मा, सबेच राजा दुष्ट रिहिनI इमेंले कई राजा ओमन के जगह मा राजा बनेके इच्छा करेइया मन आने इस्रैलीमन के दुआरा मार डारे गिनI

इस्राएल राज्य के सब्बो राजा अउर बनेच मनसे मूर्तिमन के पूजा करत रिहिनI जब ओमन हर एसन करिन, त ओमन अक्सर वेश्यामन के संग सोइन अउर यहाँ तक कि अनेक बार मूर्तिमन के आगे बच्चामन ला बलि घोले करिनI

यहूदा राज्य के राजा, दाऊद के वंशज रिहिनI इ राजामन ले कई बढ़ीयां मनसे रिहिन जोनमनहर न्यायपूर्वक शासन करिन अउर परमेश्वर के पूजा करिनI परन्तु यहूदा के अधिकांश राजा दुष्ट रिहिनI ओमनह दुष्टता ले राज्य करिन, अउर मूर्तिमन के पूजा करिनI यहाँ तक ले कि इमनले कुछ राजामन झूठे देवतामन के आघू आपन लइकामन ला घोले बलि कर दीइनI यहूदा के अधिकतर मनसेमन परमेश्वर के विरुद्ध युद्ध करिन अउर आने देवतामन के पूजा करिनI