19. भविष्यवक्ता

परमेश्वर हमेशा इस्रैलीमन ठी भविष्यवक्तामन ला भेजत रिहिसI भविष्यवक्ता परमेश्वर ले संदेशमन ला सुनत रिहिन अउर फेन ओला मनसेमन ला बतात रिहिनI

जब अहाब इस्राएल राज्य मा राजा रिहिस त ओ समय एलिय्याह भविष्यवक्ता रिहिसI अहाब एक बुरा मनसे रिहिसI ओ हर झूठा बालदेवता के पूजा करेबर मनसेमन ला मजबूर करे रिहिसI इकरेबर एलिय्याह हर अहाब ठीन कहिस कि परमेश्वर ओ मनसे मन ला दण्डित करे बर जात रिहिसI ओ हर ओ ला कहिस, ’’जब तक मै फेन ले बर्षा होए बर नी कही हं तब तक इस्राएल के राज्य मा बारिस नी होही अउर न ही ओस गिरिहिI‘’ इ गोईठहर अहाब ला येत्की नाराज कर दिस की ओहर एलिय्याह ला मार डाले बर निर्णय लिसI

इकरे बर परमेश्वर हर एलिय्याह ला कहिस कि ओ जंगल मा जाके अहाब ले लुका जाएI एलिय्याह जंगल मा ओ सोते ठीन गिस जोन करा जाये बर परमेश्वर हर ओला बताये रिहिसI हर बिहान अउर हर साँझ, पंछी एलिय्याह बर रोटी अउर मांस लेकर आत रिहिनI इ सम्पूर्ण समय, अहाब अउर ओकर सेना एलिय्याह ला खोज करत रिहिन, परन्तु ओमन ओला खोज नी पाईनI

बरषा नी होए से कुछ समय के बाद ओ स्रोत हर सुखा गिसI इकरबर एलिय्याह पास के एक देश ला चल दिसI ओ देश मा एक गरीब विधवा रिहिस जेकर एक बेटा रिहिसI ओमन के पास भोजन लगभग सिरा गे रिहिस काबर ओठी कोई फसल नी होए रिहिसI परन्तु फेन घोले, ओ महिला हर एलिय्याह के देखभाल करिस, इकरे बर परमेश्वर हर ओकर अउर ओकर बेटा के जरुरत ला पूरा करिस, इकरे बर ओकर आटे के बर्तन अउर तेल की कुप्पी कभू खाली नी होईसI ओ पुरे अकाल के समय मा ओकर ठी भोजन रिहिस एलिय्याह कुछ बछर ले ओ करा रिहिसI

साढे तीन बछर के बाद, परमेश्वर हर एलिय्याह ला कहिस कि ओ फेन ले बारिश करिहीI ओहर एलिय्याह ला वापिस इस्राएल के राज्य मा जा के अहाब ले गोइठ करेबर कहिसI इकरेबर एलिय्याह अहाब ठीन गिसI जब अहाब हर ओला देखिस तहाँ ओला कहिस, ‘’अच्छा तें हस, मुसीबत पैदा करुवेइया!’’ एलिय्याह जवाब दिस, ‘’मुसीबत पैदा करुवेइया तो तैं अस!’’ तैं यहोवा ला त्याग दे हसI ओहर सच्चा परमेश्वर हवे, लेकिन तै बालदेवता के पूजा करथसI अब तोला इस्राएल राज्य के सब मनसेमन ला कर्मेल पर्वत ला लेके आये बर हेI’’

अतः सब मनसे कर्मेल पर्वत ला गिनI ओ पुरुष घोले आईन जोन कहत रिहिन कि बालदेवता के संदेशमन ला बोलत रिहिनI ए बालदेवता के भविष्यवक्ता रिहिनI ओमन सब 450 रिहिनI एलिय्याह हर मनसेमन ले कहिस, ‘’कब तक तुहर मन बदलत रिह? यदि यहोवा परमेश्वर हे त ओकर पूजा करव! यदि बालदेवता परमेश्वर हे त ओकर पूजा करव!’’

तहाँ एलिय्याह हर बालदेवता के भविष्यवक्तामन ले कहिस, ‘’एक जानवर ला मारव अउर ओकर मांस के टुकड़ामन ला बलिदान होये के एक बेदी मा राख, परन्तु आगि झन लगाहाI ओकर बाद मा महूँ घोले वेसनेच करिहं, अउर एक अलग बेदी मा ओ मांस ला रखिहंI तहाँ यदि परमेश्वर बेदी मा आगि गिराही तहाँ तुमन जान लिह कि ओहर सच्चा परमेश्वर हेI” तहाँ बालदेवता के भविष्यवक्तामन एक बलि ला तैयार करिन परन्तु आगि नी लगाईनI

तहाँ बालदेवता के भविष्यवक्तामन बालदेवता ले प्राथना किन, ’’हे बालदेवता, हमर सुन!’’ पुरे दिन ओमन प्राथना करिन अउर नरियाईन अउर यहाँ तक की अपन ला चाकूमन ले काट लीन, परन्तु बालदेवता हर उत्तर नी दिइस, ओ हर कोई आगि नी गिराइसI

बालदेवता के भविष्यवक्तामन बालदेवता ले प्राथना करे बर लगभग पूरा दिन बितादीनI अंतत: ओमन प्राथना करेके बंद कर दीइनI तहाँ एलिय्याह हर दूसर जानवर के मांस ला परमेश्वर के वेदी मा राख दिइसI ओकर बाद, ओहर मनसेमन ले पानी के विशाल बर्तन ला ओ बलिदान पर उड़ेले बर कहिस जब तक की मांस, लकड़ीमन, अउर यहाँ तक की बेदी के आस-पास के भूमि पूरी तरह ले केंचा नी होगिसI

तहाँ एलिय्याह हर प्राथना करिस की, ‘’हे यहोवा, अब्राहम, इसहाक, अउर याकूब के परमेश्वर, हमन ला देखाव कि आप इस्राएल के परमेश्वर हे अउर ए की में आप के नउकर हंI मोला जवाब द जिसन की ओमन जान लिहीं कि आप सच्चा परमेश्वर हI‘’

जल्दी ही, आकाश ले आगि गिरीस अउर ओहर मांस, लकड़ियाँ, चटाने, माट्टी, अउर एहाँ ले कि बेदी के तीर के पानी ला घोले जला दिसI जब मनसेमन ए ला देखीन, ओमन धरती मा गिर पड़ीन अउर बोलीन, ’’यहोवाच परमेश्वर हवे! यहोवाच परमेश्वर हवेI’’

तहाँ एलिय्याह हर कहिस, ‘’बालदेवता के एकठी घोले भविष्यवक्ता बच के नी जान पायें!’’ इकरेबर मनसेमन हर बालदेवता के भविष्यवक्तामन ला पकड़ लीन अउर ओमन ला ओकरा ले अलग ले गीन अउर ओमन ला मार डालिनI

तहाँ एलिय्याह हर अहाब राजा ले कहिस, ‘’तुर्तेच आपन घर ला भाग जा, काबर की बरषा होए बर हेI’’ तुर्तेच बादर करिया हो गिस, अउर भारी बरषा शुरु होगिसI यहोवा ओ सूखा ला खतम करत रिहिसI इमेनले प्रगट हुईस की यहोवा ही सच्चा परमेश्वर हेI

जब एलिय्याह हर अपन काम ला समाप्त कर दिस, तहाँ परमेश्वर हर एलीशा नाम के एक मनसे ला अपन भविष्यवक्ता होयेबर चुनिसI परमेश्वर हर एलीशा के माध्यम ले बनेच चमत्कार करिनI एकठन चमत्कार नामान के संग होईसI ओ एकठी बयेरी के सेना के मुखिया रिहिस, परन्तु ओला चमड़ी के एकठन बुरा रोग होगे रिहिसI नामान हर एलीशा के बारे मा सुने रिहिस, इकरेबर ओ एलीशा के तीर आइस अउर ओकर ले ओला ठीक करेबर विनती करिसI एलीशा हर नामान ला कहिस कि जाके यरदन नदी के पानी मा सात बार डूबकी लगा देI

नामान घुस्सा होगिसI ओ हर एइसन करे खातिर इंकार करदिस, काबर की ओला मुर्खता के काम लागत रिहिसI परन्तु बाद मा ओहर आपन मन बदल लिस अउर जाके यरदन नदी के पानी मा सात बार डूबकी लगाईसI जब आखरी बार ओहर पानी ले बाहर निकलिस त परमेश्वर हर ओला ठीक कर दिसI

परमेश्वर हर इस्राएल के मनसेमन के तीर आने बनेच भविष्यवक्तामन ला भेजिसI ओ सब मनसेमन ले मूर्तिमन के पूजा करे बर बंद करेबर कहिसI इकर अलावा, ओमन ला एक दूसर के संग नियायपूर्वक व्यवहार करना चाही अउर एक दूसर पर दया करेबर रिहिसI ओ भविष्यवक्तामन मनसेमन ला चेतावनी दिस कि ओमन ला बुरे काम मन ला बंद करेके हे अउर इकरे अलावा परमेश्वर के गोइट ला पालन करेबर हेI यदि ओमनसेमन हर एसन नी करिहिं त परमेश्वर हर ओमन ला दोषी मान के ओकर नियाय करिही, अउर ओमन ला दंड दिहीI

अधिकांस समय, ओ मनसेमन परमेश्वर के आज्ञा ला नी मानीन अक्सर ओमन भविष्यवक्तामन के संग बुरा व्यवहार करिन अउर यहाँ तक ले की कभू -कभू ओमन ला मार डालिनI एक बार, ओमन हर यिर्मयाह भविष्यवक्ता ला सुखा चूंआँ मा डाल दीन अउर ओला ओकरा मरे बर छोड़ दिसI ओ कुआँ के नीचे मा चीखला मा धवंस हो गिसI लेकिन तहाँ राजा ला ओकर उपर दया आइस अउर ओहर अपन सैनिकमन ला आदेश दिस कि यिर्मयाह के मरे के पहले ओला चूंआँ ले बाहर खीँच लेंI

भविष्यवक्तामन हर परमेश्वर के ओर ले गोइट करे बर चालु राखिस भले ही मनसेमन हर ओला तुक्ष समझीनI ओमन मनसेमन ला चेतावनी दीइन कि यदि ओमन पश्चताप नी करे त परमेश्वर ओमन ला नाश करदिहीI ओमन हर मनसेमन ला एला घोले स्मरण करवाईस कि परमेश्वर हर ओमन के तीर मसीह ला भेजे के परतिज्ञा करिसेI