20. गुलामी अउर फिरिन

इस्राएल के राज्य अउर यहूदा के राज्य दोनों हर परमेश्वर के विरुद्ध पाप करिनI ओमनह ओ परतिज्ञा ला तोड दीइन जोन परमेश्वर हर ओमन के संग सिनै पहाड़ मा बांधे रिहिसI परमेश्वर हर ओमन ला पश्चताप करेबर अउर फेन ले ओकर पूजा करे बर चेतावनी दे बर आपन भविष्यवक्तामन ला भेजिस, परन्तु ओमन ओकर गोइट ला माने ले इंकार कर दीइसI

अतः परमेश्वर हर ओकर बयेरीमन ला ओमन ला नाश करे मा सक्षम करे के खातिर दोनों राज्य ला दण्डित करिसI अश्शूर एक आने देश रिहिस जोन बनेच बलवान होगे रिहिसI ओमन दुसर देश के प्रति बनेच निर्दई घोले रिहिनI ओमन आके इस्राएल के राज्य ला नाश कर दिनI अश्शुरीमन हर आके इस्राएल के राज्य मा बनेचमन ला मार डालिन, जोन चाहीन ओला लूट लीन, अउर देश के बनेच हिस्सामन ला जरा दीइनI

अश्शुरीमन सब अगुवामन, धनवान मनसेमन ला, अउर एइसन मनसेमन ला जोन बहुमूल्य चीजमन ला बना सकत रिहिन एक साथ जमा करिन अउर ओमन ओमनला अश्शुर देश लेगीनI इस्राएल मा मात्र कुछु गरीब इस्रैलीच बचिनI

फेन अश्शुरी मनसे ओ देश मा रहे बर विदेशीमन ला लेके आइनI ओ विदेशीमन ओ नगरमन ला फेन ले बनाइनI ओमन जोन इस्रैली ओकरा बचे रिहिन ओमन के संग गैर-जातिय शादी कर लीनI इ मनसेमन के कूल सामरी कहलाइनI

यहूदा के राज्य के मनसेमन देखीन कि कइसन परमेश्वर हर ओकरे उपर विश्वास नी करे अउर ओकर गोइटमन ला नी माने के खातिर इस्राएल के राज्य के मनसेमन ला दंडित करिसI परन्तु तब ले घोले ओमन हर कनानीमन के देवतामन के मूर्तिमन के पूजा करिनI परमेश्वर हर ओमन ला चेतावनी दे खातिर भविष्यवक्तामन ला भेजिस, परन्तु ओमन हर सुने बर मना कर दीइनI

अश्शुरीमन के दुआरा इस्राएल राज्य के नाश करे के लगभग 100 बछर के बाद, परमेश्वर हर बेबीलोन के राजा, नबूकदनेस्सर ला यहूदा के राज्य मा हमला करे बर भेजिसI बेबीलोन एक बलवान देश रिहिसI यहूदा के राजा नबूकदनेस्सर के नौकर बने खातिर अउर प्रति बछर ओला बनेच धन दे खातिर सहमत होगिसI

परन्तु कुछु बछर के बाद, यहूदा के राजा हर बेबीलोन के विरुद्ध लड़ाई करिसI अतः बेबीलोनिमन वापिस आके यहूदा के राज्य मा हमला कर दीइनI ओमन यरूशलेम नगर ला कब्ज़ा कर लिन, मंदिर ला नष्ट करदिन, अउर नगर अउर मंदिर के खजाना ला लुट के लेगिनI

लड़ाई करे के खातिर यहूदा के राजा ला दंडित करेबर, नबूकदनेस्सर के सैनिकमन हर राजा के बेटा ला ओकर सामने मार डारिन अउर फेन ओला अंधा कर दिइसI इकरे बाद, ओमन राजा ला ले गिन ताकि ओ बेबीलोन के जेलखाना मा मर जायेI

नबूकदनेस्सर अउर ओकर सेना यहूदा के राज्य के लगभग सब मनसेमन ला बेबीलोन लेगीन, केबल सबले गरीब मनसेमन ला पाछू छोड़ दिस ताकि ओमन खेतमन मा फसल उगाएंI समय के इ काल ला बंधूआई कहेजाथे जेमे परमेश्वर के प्रजा ला परतिज्ञा के देश ले निकल जाय बर मजबूर करे गे रिहिसI

भले ही परमेश्वर हर आपन मनसेमन ला ओमन के पाप के खातिर बंधुआई मा ले जाये के दुआरा सजा दिस, त घोले ओहर ओमन ला या आपन परतिज्ञामन ला नी भुलाए रिहिसI परमेश्वर हर आपन मनसेमन के निगरानी करे ला जारी राखिस अउर आपन भविष्यवक्तामन के दुआरा ओहर गोइठमन ला करतेच रिहिसI ओहर परतिज्ञा करिस कि सत्तर बछर के बाद, ओमन फेर परतिज्ञा के देश ला वापिस लउटीहींI

लगभग सत्तर बछर के पीछू, फारस के राजा कुस्रू हर बेबीलोन ला हरुआ दिस, इकर बर अब बेबीलोन मा साम्राज्य के वजह फारस के साम्राज्य बनेच देशमन मा शासन करत रिहिसI इस्रैली मनसेमन अब यहूदी कहलात रिहिनI ओमन ले बनेचमन हर आपन पूरा जीबन बेबीलोन मा बिता दे रिहीनI केबल बनेच थोड़े बूढा यहूदी मनला यहूदा के देश याद रिहिसI

फारसी मनसे बनेच सामर्थि रिहिन, परन्तु ओमन हर आपन जीते हुए मनसेमन ला दया करिनI फारसी मनसेमन के राजा बने के थोड़े समय पीछू, कुस्रू हर एकठन आदेश दीइस कि कोनो भी यहूदी जो यहूदा ला वापिस जाये बर चाहत रिहिसI ओहर फारस ले निकर के वापिस यहूदा ला जा सकथेI यहाँ तक ले कि ओहर ओमन ला मंदिर ला फेन बनाये बर धन घोले दिसI अतः बंधुआई के सत्तर बछर के बाद, यहूदीमन के एक छोटे झुण्ड यहूदा मा यरुशलेम नगर लउट आइनI

जब ओमन यरूशलेम पहुँचीन तहाँ ओमन मन्दिर ला अउर नगर के चारों ओर के दीवार ला फेन ले बनाईनI फारसी मनसे अब घोले ओमन के उपर शासन करत रिहिन लेकिन एक घा फेन ओमन परतिज्ञा के देश मा रहत रिहिन अउर मंदिर मा आराधना करत रिहिनI