21. परमेश्वर मसीहा के परतिज्ञा करथे

जब परमेश्वर हर संसार के रचना करे रिहिस, ओ जानत रिहिस की ओला बाद मा कोनो दिन मसीहा ला भेजे बर होहीI ओहर आदम अउर हव्वा ले परतिज्ञा करिस कि ओ एसन करिहीI ओहर कहिस कि हव्वा ले एक वंशज जनम लिही जोन सांप के मुड़ी ला कुच्लिहीI निसंदेह ओहर शैतान रिहिसI जो सांप के रूप मा आके हव्वा ला धोखा दे रिहिसI परमेश्वर के अर्थ रिहिस कि मसीह पूरी तरह ले शैतान ला हराहीI

परमेश्वर हर अब्राहम ले परतीज्ञा करे रिहिस की ओकर दुआरा संसार के सब जातिमन आशीष पाहींI परमेश्वर बाद मा कोनो समय मा मसीह ला भेजे खातिर ए परतीज्ञा ला पूरा करिहीI ओ मसीह संसार के हरेक जातिमन ला ओकरमन के पाप ले छुड़ाहीI

परमेश्वर हर मूसा ले परतीज्ञा करे रिहिस कि भविष्य मा ओ मूसा के समान एक आने भविष्यवक्ता ला भेजिहीI ए भविष्यवक्ता मसीह होहीI इ रीति ले, परमेश्वर हर फेन ले परतीज्ञा करिस कि ओ मसीह ला भेजिहीI

परमेश्वर हर राजा दाऊद ले परतीज्ञा करे रिहिस कि ओकर एक वंशज मसीह होहीI ओ राजा होही अउर परमेश्वर के मनसेमन मे सदा बर शासन करिहीI

परमेश्वर हर यिर्मयाह भविष्यवक्ता ले गोइठ करिस अउर कहिस कि एक दिन ओ एक नुआं परतिज्ञा बांधिहीI ओ नुआं परतिज्ञ इस्राएल के संग सिनै पर्वत मा बनाये रिहिस पुराना नियम के जैसन नी होहीI जब मनसेमन के संग ओ अपन नुआ नियम ला बनाही, तो ओहर ओमन ठी अपन ला व्यक्तिगत रूप ले प्रगट करिहींI हर एक झन ओकर ले माया राखिहिI अउर ओकर व्यवस्था ला पालन करे के इच्छा राखीहीI परमेश्वर हर कहिस की इहर ओकर व्यवस्था ला ओमन के हिर्दयमन मा लिखे के जइसन होहीI ओमन ओकर मनसे होहिं, अउर परमेश्वर ओमन के पापमन ला माफ करिहीI ओहर मसीह होही जोन ओमन के संग ओ नवां परतिज्ञा ला बांधिहीI

परमेश्वर के भविष्यवकतामन हर एला घोले कहिन कि मसीह हर एक भविष्यवक्ता, एक याजक अउर एक राजा हो हीI एक भविष्यवक्ता ओ मनसे हे जोन हर परमेश्वर के वचन मनला सुनथे अउर फेन मनसेमन मा परमेश्वर के संदेशमन के घोषणा करथेI जोन ला भेजे के परमेश्वर हर परतीज्ञा करे रिहिस ओहर मसीह एक सिद्ध भविष्यवक्ता होहीI अर्थात ओहर मसीह परमेश्वर के संदेशमन ला अच्छी तरह ले सुनिही, अउर ओमन ओला अच्छी तरह ले समझीही अउर ओहर मनसेमन ला ओ संदेशमन ला अच्छी तरह ले सिखाहीI

इस्रैली याजकमन हर मनसेमन बर परमेश्वर ठी बलिदान चढाये बर चालू राखीनI ए बलिदान मनसेमन के पापमन के खातिर ओमन ला परमेश्वर दुआरा सजा दे के जगह मा चढाए गे रिहिसI याजक मनसेमन बर प्राथना घोले करत रिहिन, परन्तु, ओहर मसीह सिद्ध महायाजक होही जो परमेश्वर ला देबर एक सिद्ध बलि के रूप मा अपन ला चढ़ादिहीI अर्थात, ओहर कभू पाप नी करे, अउर जब ओहर अपन ला बलि होए बर दिही, त पाप बर संसार के कोनो घोले आने बलि आवश्यक नी होहीI

मनसेमन के झुण्डमन के ऊपर राजा अउर प्रधान शासन करथें, अउर कभू-कभू ओमन गल्तिमन घोले कर थेंI राजा दाऊद हर खाली इस्रैलीमन के ऊपर शासन करिस, परन्तु राजा दाऊद के वंशज मसीह सारा संसार मा राज्य करिही, अउर ओ हर सदा बर शासन करिहीI इकर अलावा, ओहर हमेशा नियायपूर्ण रीति ले शासन करिही, अउर सही निर्णयमन ला लिहीI

परमेश्वर के भविष्यवक्तामन हर मसीह के बारे मा बनेच गोइठ ला कहिनI उदाहरण के खातिर, मलाकी हर कहिस मसीह के आये ले आघू एक आने भविष्यवक्ता आहीI ओहर भविष्यवक्ता बनेच महत्वपूर्ण होहीI एकर अलावा, यशायाह भविष्यवक्ता हर लिखिस कि मसीह एक कुँवारी ले जनम लिहीI अउर मीका भविष्यवक्ता हर कहिस कि मसीह बैतहलम नगर मा जनम लिहीI

यशायाह भविष्यवक्ता हर कहिस कि मसीह हर गलील के क्षेत्र मा वास करिहीI जोन मनसेमन बनेच दुःखी हवें मसीह ओमन ला शान्ति दिहीI ओ कैदीमन ला घोले स्वतंत्र करिहीI मसीह रोगीमन ला अउर जोनमन सुनन नी सकें, देखन नी सकें, बोलन नी सकें, या रेंगन नी सकें ओमन ला घोले चंगा करिहीI

यशायाह भविष्यवक्ता ए घोले कहिस कि मनसे मसीह ले नफरत करिहीं अउर ओला स्वीकार करे ले मना कर दिहीI आने भविष्यवक्तामन कहिन कि मसीह के एक साथी ओकर विरुद्ध उठीहीI जकर्याह भविष्यवक्ता हर कहिस कि ओकर ए संगी एसन करे बर दूसरे मनसे ले चांदी के तीस सिक्का लिहीI एकर अलावा, कुछु भविष्यवक्तामन हर कहिन कि मनसे मसीह ला मार डालिहीं, अउर ए की ओमन ओकर कपड़ा बर जुआ खेलिहींI

भविष्यवक्तामन हर एहर घोले कहिन की मसीह कैसन मरिहीI यशायाह भविष्यवाणी करिस की मनसे मसीह मा थुकिहिं, ओकर मजाक उड़ाहीं, अउर ओला पिटीहींI ओमन ओला छेदिहीं अउर ओहर बनेच पीड़ा अउर यातना में मर जाही, जबकि ओहर कुछु घोले गलती नी करे होहीI

भविष्यवक्तामन हर ए घोले बताईन कि मसीह पाप नी करेI ओहर सिद्ध होहीI परन्तु ओहर इकरेबर मरिही काबर परमेश्वर ओला अन्य मनसेमन के पापमन के खातिर दण्डित करिहीI ओकर मरे ले मनसे परमेश्वर के संग मेल करे मा सक्षम होहिंI इकरबर, परमेश्वर के योजना मा मसीह ला मरे के होहीI

भविष्यवक्तामन ए घोले बताईन कि परमेश्वर हर मसीह ला मरे हुओं में ले जीवित करिहीI ए दरसात हे कि ए सब, यीशु की मृत्यु अउर पुनरजीवित नवां परतीज्ञा ला बांधे के परमेश्वर के योजना रिहिस, ताकि ओहर ओ मनसेमन ला बचा सके जोनमन ओकर विरुद्ध पाप करिन हेंI

परमेश्वर हर भविष्यवक्तामन मा मसीह के बारे मा बनेच बात ला प्रकट करिस, परन्तु मसीह ओ भविष्यवक्तामन के कोनो के घोले जीवन काल मा नी आये रिहिसI इ भविष्यवाणिमन के दीये जाये के 400 ले अधिक बछर के बाद, सही समय मा, परमेश्वर हर मसीह ला इ संसार मा भेजिसI