38. यीशु ला धराये जाथे

हर बछर, यहूदी मनसे फसह के तिहार मनात रिहिनI इहर इ बारे मा एक तिहार रिहिस, कि कइसन कई शताब्दियों आघू परमेश्वर हर ओमन के पूर्वजमन ला मिस्र देश के बंधन ले छुड़ाए रिहिसI यीशु द्वरा पहली बार सार्वजनिक रूप ले प्रचार करे अउर शिक्षा दे बर शुरुवात करे के लगभग तीन बछर बाद, यीशु हर अपन चेलामन ला कहिस कि ओहर इ फसह ला ओमन के संग यरूशलेम मा मनाये बर चाहत हे, अउर येहर घोले कि ओला ओठीन मार डाले जाहीI

यीशु के चेलामन ले एक यहूदा नाम के मनसे रिहिसI यहूदा ला प्रेरितमन के धन के झोला राखे के जिम्मेदारी रिहिस, परन्तु अक्सर ओ ओ झोला मे ले पैसा चुरा लेत रिहिसI यीशु अउर चेलामन के यरूशलेम मा पहुंचे के बाद यहूदा यहूदी अगुवामन ठी गिसI ओहर धन के बदले मा अधिकारीमन ला यीशु के पहचान बताये बर ओला ओमन के हाँथ पकडवाए बर प्रस्ताव राखिसI ओहर जानत रिहिस की यहूदी अगुवामन स्वीकार नी करत रिहिन कि यीशुच मसीह रिहिसI ओहर जानत रिहिस कि ओमन ओला मार डारे बर चाहत रिहिनI

महागुरु के कहे ले यहूदी अगुवामन हर यीशु ला ओकर हाँथ मा पकडवाए बर यहूदा ला तीस चांदी के सिक्का दिनI इहर उसनेच परकार ले होईस जईसन कि भविष्यवक्ता हर कहे रिहिस कि होहीI यहूदा मान गिस अउर धन लेके चल दीसI ओहर यीशु ला गिरफ्तार करे बर ओमन के मदत करे बर कोनो मौका के खोज मा रहे लागिसI

यरूशलेम मा, यीशु हर अपन चेलामन के संग फसह के तिहार ला मनाईसI फसह के भोज के बेरा मा, यीशु हर रोटी लेके टोरिसI ओहर कहिस, ‘’इला ल अउर खावI इ हर मोर शरीर ए जोन मैं तुमहर बर दे थोंI इला मोर याद मा करिहI‘’ इ रीती मा, यीशु हर कहिस कि ओहर ओमन बर मर जाही, अर्थात ओहर अपन शरीर ला बलि चढ़ा दिहीI

फेन यीशु हर एकठन दाखरस के कटोरा लिस अउर कहिस, ‘’इला पि लI इहर नई वाचा के मोर लहू हे जोन ला मैं उंडलिहं ताकि परमेश्वर तू मन के पापमन ला क्षमा करिहीI तुमन घोले इ ला करिह जोन कुछु मैं अभी करतहं, ताकि हर बार जब तुमन इला पिह त तुमन मोला याद करिहI’’

तहाँ यीशु हर अपन चेला मन ला कहिस, ‘’तू मन ले एक जन मोला पकड़वाहीI‘’ चेलामन चौंक गिन, अउर पूछेबर लागिन कि कोने इ काम करिहीI यीशु हर कहिस, ‘’मोर पकडवेइया मनसे ओ हे जोन ला मैं इ रोटी के टुकड़ा देथोंI’’ तहाँ ओहर ओ रोटी ला यहूदा ला दिसI

ओ रोटी ला ले के बाद, यहूदा मा शैतान समागिसI यहूदा निकर के यीशु ला गिरफ्तार करे बर यहूदी अगुवामन के मदत करे चल दिसI इ हर रात के समय रिहिसI

भोजन के बाद, यीशु अउर ओकर चेलामन जैतून पहाड़ ला चल दीनI यीशु हर कहिस, ‘’तुमन सब आज रात मोला छोड़ दिहI इहर लिखाए हे, ‘’मैं चरवाहा ला मारिहं अउर सबेच भेड़मन तितर-बितर हो जाहींI”

पतरस हर उत्तर दिस, ‘’भलेच बाकि सब तोला छोड़ दिहीं, में नी छोड़अं!’’ तहाँ यीशु हर पतरस ला कहिस, ‘’शैतान तुमन ला ले बर चाहथे, परन्तु हे पतरस,मैं तोर बर विनती करे हों कि तें विश्वास ले चुक नी जाबेI फेन घोले, आज के रात कूकरी के नरियाये के पहिले तें तीन बार इंकार करबे कि तै मोला जानत घोले नी असI”

पतरस हर तहाँ यीशु ले कहिस, ‘’भलेच मैं मर घोले जाहाँ, मैं कभू घोले तोर इंकार नी करवंI” बाकि सब चेलामन घोले उसनेच कहिनI

तहाँ यीशु अपन चेला मन के संग गतसमनी नाम के जगह मा गिसI यीशु हर अपन चेलामन ले प्राथना करेबर कहिस ताकि शैतान ओकर परीक्षा नी करेI तहाँ यीशु प्राथना करेबर चल दिसI

यीशु हर तीन घा प्राथना करिस, ‘’हे मोर पिता, यदि सम्भव हो तो कृपा करके इ दुःख के कटोरा पिये बर मोला नी देI परन्तु यदि मनसेमन के पाप क्षमा करे जाये बर कोनो अउर रास्ता नी हे, त तोरेच इच्छा पूरी होहीI‘’ यीशु बनेच व्याकुल रिहिस अउर ओकर पसीना लहू के बूँदमन के समान रिहिसI ओला सामर्थ दे बर परमेश्वर हर एक स्वर्गदूत ला भेजिसI

हर बार प्राथना के बाद, यीशु अपन चेलामन के तीर ला वापिस आइस, परन्तु ओमन सूत गे रिहीनI जब यीशु तीसरी बार लौटिस त यीशु हर कहिस, ‘’जाग जाव! मोर पकड़वेईया इठी हेI”

तहाँ यहूदी अगुवामन, सैनिकमन, अउर एकठी बड़ी भीड़ के साथ मा यहूदा आईसI ओमनहर तलुआर अउर लाठीमन ले रिहिनI यहूदा हर यीशु के तीर ला आके ओला कहिस, ‘’हे गुरु, प्रणाम, ’’अउर ओला चुम्मा लिसI ओहर गिरफ्तार करे जाये के मनसे ला यहूदी अगुवामन ला दिखाए बर एसन करे रिहिसI तहाँ यीशु हर कहिस, ‘’हे यहूदा, का तू एकठन चुम्मा ले मोला पकड़वा थस?’’

जब ओ सैनिक यीशु ला पकड़त रिहिन, त पतरस हर अपन तलुआर निकारिस अउर महागुरु के एक सेवक कर कान ला काट दीइसI यीशु हर कहिस, ‘’तलुआर ला दूर कर! मैं अपन पिता ले मोर बचाव करेबर सरगदुत के एक सेना बर विनती कर सकत हंI परन्तु मोला मोर पिता के गोइठ मानेबर हेI’’ तहाँ यीशु हर ओ मनसे के कान ला ठीक कर दीइसI तहाँ सब चेलामन भाग गिनI