25. प्रभु यीशुये रा परखया जाणा

यीशुये रा बपतिस्मा हुणे ते इकदम बाद ई, पवित्रा आत्मा तिसो जंगला च लई गया। यीशु तेथी चाली दिन कने चाली रात था। तिस बगत तिने ब्रत कित्या कने शैताने यीशुये ले आईने पाप करवाणे खातर तिसरी परिक्षा कित्ती।

पैहले, शैताने यीशुये ने बोल्या, “जे तू परमेशरा रा पुत्र आ तां इनां पत्थरां जो रोटी बणाई दे तां बई तू खाई सको!”

पर यीशुये शैताना ने बोल्या, “परमेशरा रे वचना च लिखीरा, ‘जीऊंदे रैहणे खातर माहणुआं जो सिर्फ रोटिया री जरुरत नीं, पर तिनां जो हर तिनां गल्लां जो मन्नणे री जरुरत ई सै जे परमेशर तिनां ने गलाओ!’”

तां शैताने यीशुये जो यरुशलेमा रे मंदरा रे सबते उच्चे सिरे पर लई गया। तिने यीशोये ने गलाया, “जे तू परमेशरा रा पुत्र आ तां येथी ते थल्ले छाल मारी दे, कांह्भई लिखीरा, ‘परमेशरा तिज्जो चकणे खातर अपणे स्वर्गदूतां जो हुक्म देणा भई तेरे पेरां जो पत्थरा ते बी ठोकर नीं लगो।’”

पर यीशुये तेढ़ा नीं कित्या सै जे शैताने तिसो करने खातर बोल्या था। इतरे बजाये, तिनें गलाया, “परमेशर सबीं ने गलावां, ‘तू प्रभु अपणे परमेशरा री परिक्षा देहां करदा।’”

फेरी शैताने यीशुये जो संसारा रे सारे राज्य दस्से। तिने तिसो दस्या भई सै कितने ताकता औले थे कने सै कितने सम्पन्न थे। तिने यीशुये जो बोल्या, “मांह तिज्जो ये सब किछ देणा जे तू गोडे टेकी ने मेरी उपासना करो।”

यीशुये जवाब दित्या, “हे शैतान, मेरे ला ते चली जा! परमेशरा रे वचनां च सै लोकां जो हुक्मा देआं, ‘सिर्फ अपणे प्रभु परमेशरा री आराधना करो। परमेशरा रे रुपा च सिर्फ तिसरा ई आदर करा।’”

यीशु ने शैतान की परीक्षा से हार नहीं मानी, इसलिए शैतान उसके पास से चला गया। तब स्वर्गदूत आकर यीशु की सेवाटहल करने लगे। यीशुये शैताना रे परखणे ते हार नीं मन्नी, इस खातर शैतान तिस ला ते चली गया। तां स्वर्गदूत आई ने यीशुये री सेवा करने लगे।