6. परमेशरे इसहाका खातर इंतजांम कित्या

तजे अब्राहम बोहत बुड्ढा हुईग्या था तां तिसरा पुत्र इसहाक जवान हुईग्या था। इस खातर अब्राहमे अपणे इकी सेवका जो अपणे पुत्र इसहाका खातर अपणे रिश्तेदारां रे देशा ते इक ब्याह जोगी कुड़ी लयौणे जो भेज्या, तेथी जे तिसरे रिश्तेदार रैयां थे।

तेथी जे अब्राहमा रे रिश्तेदार रह्वां थे तिस देशा जो जाणे रिया इक लंबी यात्रा ते बाद परमेशरे तिस सेवका रा मिलणा रिबका ने करवाया। सै अब्राहमा रे भाईये री पोती थी।

रिबका अपणे टबरा जो छड्डी ने तिस सेवका सौगी वापस औणे खातर मन्नी गी। तियां जे से पुज्जे, इसहाका रा तिसाने ब्याह कित्या गया।

बोहती बगता ते बाद अब्राहम मरी गया। तां परमेशरे अब्राहमा रे पुत्र इसहाका जो, अब्राहमा सौगी बन्नी गई वाचा री वजहा ते आशीष दित्ती। तिस वाचा च परमेशरा रा इक वायदा था भई अब्राहमा रे अणगिनत वंशज हुणे। पर इसहाका री जनाना रिबका रे औलाद पैदा नीं हुई।

इसहाके रिबका खातर प्राथना कित्ती कने परमेशरे तिसा जो जुड़वां बच्चेयां सौगी भारथी हुणे जोगा बणाया। तिस बगत सै बच्चे रिबका रे गर्भा च इ थे सै अप्पु चींये लड़ने लगे, इस खातर जो किछ हुये रां था रिबके सै परमेशरा जो दस्सेया।

परमेशरे रिबका ने बोल्या, “तू दो पुत्रां जो जन्म देणा। तिनां री पीढीयां दो लग-लग जातियाँ बणनियां। तिनां इकी दुज्जे ने प्यार ने नीं रैहणा। पर बड्डे पुत्रा ते पैदा हुणे औली जातिया जो छोटे पुत्रा री औणे औलेयां रा हुक्म मनणे पौणा।”

तजे रिबका रे बच्चेयां रा जन्म हुआ, तां बड्डा पुत्र लाल कने बालां औला था कने तिनें तिसरा नांव एसाव रखेया। तां छोटा पुत्र एसावा रिया अड्डिया जो पकड़ी ने जम्मेया कने तिनें तिसरा नौं याकूब रखेया।