10. परमेश्वरे मिस्र बे दस मुश्किला भेजी
परमेश्वरे मूसा होर हारूना वे चेतावनी दीनी कि फिरौना जिदी हुण। जेवा त्या फिरौन सेटा वे नाठे तेबा त्याहे बोलू , "इस्राएला रअ परमेश्वर ऐडा बोला साहा, 'मेरे लोका नाहंणे देया!'" पर फिरौने त्या री नाँई शुणी होर तेऊ इस्राएली लोका आजाद करणे का बजाय त्यावे होर ज्यादा मुशिकल काम करने बे मजबूर करी।
फिरौन त्या लोका नाहंणे वे लागातार नाँई कर्दअ रहू, तेवा परमेश्वरे मिस्र देशा पेंदे दस बखे बड़ी मुश्किला भेजीं। याह मुश्किला सगे, परमेश्वरे फिरौना वे रिहाऊ कि हाऊ ताहका होर मिस्र रे सारे देऊआ का बहू शक्तिशाली साहा।
परमेश्वरे नील नई रा पाणी खुना में बदली, पर फिरौन तेबा भी एस्राएली लोका नाहंणे नाँई दिना।
परमेश्वरे सारे मिस्र वे मढूके भेजी। फिरौने मढूके दूर करणे वे मूसा का बिनती करी। जेबा फिरोने हेरू की सारे मुए , तेबा तेऊ अपना मन होर भी कठोर करू होर इस्रराएली लोका मिस्र का नाहणे नाँई दिना ।
तेउकी परमेश्वरे मिस्र में काटण आली होछी होछी मयाछी भेजी। तेता बाद तेऊ खुना चुशण आली म्याछी भेजी। फिरने मूसा होर हारून शादी होर त्या का बोलू कि यदि त्या तेसा परेशानी रोकले तेवा महा इस्राएली मिस्रा का आजाद करणे। जेबा मूसा प्रार्थना करी तेवा परमेश्वरे मिस्रा का खूना चुशण आली म्याछी री मुसीबत दूर करी। पर फिरौने आपणा मन कठोर करू होर इस्राएली लोका बे नाहंणे नांई दिना।
एता बाद , परमेश्वरे मिस्रि लोका रे सारे धाचीदे जानबर बीमार करी होर त्याहा मरणे दिना। पर फिरौना रा मन तेबा भी कठोर होऊ होर तेयूये इस्राएली लोका नाहणे नाँई दीना ।
तेवा परमेश्वरे मूसा का बोलू फिरौना बे माटे में छार मिलाई करे तेता फिरोना रे सामने ऊडा । जेबा मूसा एडा करू तेवा मिस्रा रे लोका री चामडी में बहू दाहू आल़े दुखणे निखते, पर इस्राएली किछे नाई होऊ। परमेश्वरे फिरौना रा मन कठोर करू, होर फिरौने इस्राएली नाहने नाँई दीना।
एता बाद, परमेश्वरे शरू फेकी होर मिस्रा रे लोका री सारी फसल खराब करी होर जोह कोहे भी बागे निखदअ सह परमेश्वरे मारी पाऊ। फिरौने मूसा होर हारून शादी होर त्या का बोलू, "माई पाप करूदा साहा। तमें इस्राएली लोका मिस्र देशा का नाही सका । " तेउकी मूसा प्रार्थना करी, होर सरगा का शरू पडणा रूकू ।
पर फिरौने तेउकी भी का पाप करू होर आपणा मन कठोर करु। तेऊ इस्राएली लोका नाहणे नाँई दिना।
तेउकी परमेश्वरे मिस्रा में टिड्डिया री मुशिकला भेजी। ययाहे टिड्डिये सह सारी फसला खाई जोह शरु का बची दी थी।
तेउकी परमेश्वरे सारे मिस्र देशा में चीई धयाडी तणी निहारा करू। सह ऐतरा निहारा थी कि मिस्री लोका आपणे घरा का नाई निख्ली सकी। पर जखे इस्राएली लोग रहंधा थी तखे प्रियाश थी।
याह नौ मुश्किला का बाद भी, फिरौने इस्राएली लोका नाहणे नाँई दीना। किबेकी फिरौने परमेश्वरा री गल नाँई शुणी थी तेवा परमेश्वरे एक लास्ट मुश्किल भेजने री स्कीम बनाई । सह फिरौना रे मना बदलली सके ।
निर्गमन अध्याय 5-10 का बाइबल री कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।