11. फसह री जाज

परमेश्वरे मूसा होर हारूना रे जरीहे चेताबनी दीनी की अगर ताए इस्राएली लोका मिस्र देशा का नाँई नाहणे दीना। तेबा महा मिस्रा रे लोका होर जानबरा रे सभी पहिले शोहरू मारी पाऊणे। फिरौने सह शुणीकरे भी परमेश्वरा पेंदे बुशाह नाँई करू होर परमेश्वरा रा हुक्म मनने का नाँई करु।

परमेश्वरे बोलू जोह मणश महा पेंदे बुशाह करलअ महा तेऊर बडअ शोहरु बचाऊण। पर हर परिवार एक शुद्ध घाभु री बलि दीणी आई।

परमेश्वरे इस्राएली लोका का बोलू की तमे गाभु रा लोहू आपणे घरा रे दुआरा सेटा लाआ। तेसी राची गाभु बुझी करे बिना खमीर आली रोटी सगे खाए। होर तेता बाद मिश्रा देशा भी छाडने बे तयार रहे।

इस्राएली लोके सभे साहा तेडा ही करू जेड़ा परमेश्वरे बोलू थी वे आज्ञा दिनी थी। परमेश्वरे इस्राएली लोका बे बोलू आधी राची महा मिस्र देशा वीचा वीच होई करे नाहणा होर मिस्री लोका सभे बड़े शोहरू होर जानबर मारी पाऊणे।

इस्राएली लोका रे हर एक घरा रे दूआरा में खून लाऊ दा थी, तेवा परमेश्वरे त्या घर छाडी। होर त्या घरा रे सभे लोका गाभु रे खुना री बजा का बची थी।

पर मिस्रिये लोके परमेश्वरा पेंदे बुशाह नाँई करु होर परमेश्वरा री आज्ञा भी नाँई मनी थी। तेवा परमेश्वरे मिस्री लोका रे घरा नाश करी। होर मिस्री लोका रे हर एक बडअ शोहरू मारी पाऊ।

परमेश्वरे मिस्री लोका का हर एक परिवार का, फिरोन राजे रे शोहरू तणी सभे बड़े शोहरू मारी पाई। तेबा मिस्रा में सभे बहु सारे लेरी -लेरी करे दुखा मनाऊदे लागे थी।

तेबा तेसी राची, फिरौने मूसा होर हारून शदाई, होर त्या बे बोलू तमे एवरी, "इस्राएली लोका नी करे एबरी मिस्रा का निखला !" मिस्रा रे लोके भी इस्राएली लोका बे बोलू की तमे मिस्रा का निखला।