15. बायदे रअ देश

एबा इस्राएली लोका रा कनान देशा में नाहणे रा बक्त आऊआ थी। तेऊ देशा में यरीहो ना रअ एक नगर थी। तेऊ री सुरक्षा वे तेऊ रे चहु फेरे पाकी दीवार थी। यहोशू यरीहो नगरा रा भेद लऊणे री तणी तखे दुई मणश भेजी। तेऊ नगरा में राहाब ना री एक वेश्या रहदा थी। तेसे या भेदी गजयाई थी, होर तेता बाद तेसे त्या नगरा का बची करे निखलणे में सहायता करी। तेसे एडा तेवा करू किबेकि सह परमेश्वरा में बुशाह करा थी। त्या दुई भेदी राहबे सगा बायदा करू जासु वक्ते इस्राएली लोका यरीहो नगरा नाश करणे तेवा हामे तेरी होर तेरे परिवारा री रक्षा करले।

इस्राएली लोका वे बायदे रे देशा में नाहणे वे यरदन नई पार करणी थी। परमेश्वरे यहोशू का बोलू , "याजका पहिले नाहणे देया। " ज़ेबा याजका यरदन नदी में आपणे कदम डाही तेवा पाणी रा बहणा बंद होऊ,कि इस्राएली लोका शुकी जमीना का होई करे पारा फेरा बे पार नाशी सके।

जेबा त्याहे लोके यरदन नदी पार करी तेवा परमेश्वरे यहोशू का बोलू कि यरीहो में हमला करणे वे तैयार रहा, किबेकि सह बखे मजबूत नगर थी। परमेश्वरे इस्राएली लोका वे बोलू कि याजका होर सैनिका वे छहां धिहाड़ी तणी नगरा री चहु फेरे चक्कर लाउणे बे बोल। तेउकी याजके होर सैनिके एडा ही करू।

परमेश्वरे यह भी बोलू , इस्राएली रे तेऊ नगरा रे चहु फेरे सात बारी चक्कर लाइ। तेबा त्याहे नगरा रे चहु फेरे साती फेरे चक्करा लाऊ बाद, याजके नरशीगे बाजी होर सैनिके जोर -जोरे परमेश्वरा रा जय जयकार करू।

तेवा यरीहो नगरा री चहु तरफा री दिबारा ढूली ! परमेश्वरा रे साबे इस्राएला रे लोके यरीहो नगरा री हर एक चीज नष्ट करी। त्याये केहली राहाब होर तेसके टबर छाडी दिने, किबेकी त्या इस्राएली लोका री सहायता करन आल़े बणी थी। जेवा कनाना में रहणे आल़े होरी लोके शूणू कि इस्राएली लोके यरीहो नगर नष्ट करू तेवा त्या डरी, कि एबा इस्राएली लोका हामा पेंदे भी हमला करना।

परमेश्वरे इस्राएली वे आज्ञा दीनि थी कि तमे कनाना में रहणे आल़ी कासी भी जाति संघे समझोता नाई करे। पर गिबोनियों ना रअ एक कनानी जाति रे एकी मणशे यहोशू का झूठ बोलू कि हामे कनाना का दूर रहणे आल़े लोका साहा। त्याये यहोशू का त्या संघे समझोते करणे री बिनती करी। यहोशू होर होरी इस्राएली अगुवे परमेश्वरा का नाँई पुछु कि त्या कैह करणा। एता छाडी करे , त्याये गिबोनियों संघे समझोता करू।

चीइ दिहाड़ी बाद, इस्राएली लोका बे पता लागा कि गिबोनी लोका कनाना में ही रहंधा थी। त्या बखे रोष आउआ किबेकि गिबोनिये त्या वे धोखा दिना थी। पर त्याये गिबोनी लोका संघे करूदा समझोता बणाई डाहु किबेकि सह समझोता परमेश्वरा सामने करू दा थी। तेवा थोड़े वक्ता बाद , कनाना में रहणे आल़ी एक होरी जाति, एमोरियों रे राजे शुणू कि गिबोनिये इस्राएली संघे समझोता करू दा साहा, तेवा त्याये आपणी- आपणी सेना कठे करी करे बड़ी सेना बनाई होर गिबोना जाति में हमला करू। गिबोनी लोके यहोशु सेटा फयाडा भेजू की सह हमारी सहायता करे।

यह समाचार शूणी करे यहोशू ये इस्राएली री सेना कठे करी होर गिबोनियों सेटा पूजणे वे त्या पूरी राची हांडी। दोती दोती त्याये एमोरियों री सेना हैरान करी होर त्या में हमला करू।

तेसा दिहाड़ी परमेश्वर इस्राएली वे लडू। तेयूये एमोरियों बखे डरयाई होर तेऊ बड़े- बड़े शहरू फेकी करे बहू सारे एमोरी सैनिक मारी पाई।

परमेश्वररे धिहाड़अ भी सरगे एकी जगहा खडअ करू कि इस्राएली वे पूरा वक्त भेटे कि एमोरियों बखे बुरी तरहा हराई। तेसा दिहाड़ी , परमेश्वरे इस्राएली वे एक बड़ी जीत प्राप्त करी।

जेवा परमेश्वरे एमोरीयो री हराई सेना हराई तेबा तेता बाद , कनानी जाति रे बहु सारे लोका इस्राएली लोका पेंदे हमला करने री तणी कठे होई। यहोशू होर इस्राएलीये हमला करी करे त्या रा सबे साह नाश करू।

याह लड़ाई बाद, परमेश्वरे इस्राएला सभी लोका बे कनान देश दीनअ, जासु दीणे रा बायदा परमेश्वरे त्या रे बजुर्गे सगे करू दा थी। तेवा परमेश्वरे इस्राएला रे लोका बे त्या री सारी सीमा में शान्ति दीनी।

जेवा यहोशू बूढ़लअ होऊ तेवा तेऊ इस्राएला रे सभी लोका एकी बारी शादाई। तेवा यहोशूये त्या सभी वे याद दिलाई कि हामे तेसा वाचा रा पालन करणे प्रतिज्ञा करी थी जोह परमेश्वरे त्या संघे सीनै पहाड़ा में बानी थी। त्याये लोके परमेश्वरे संघे बुशाहे संघे रहणे होर तेऊरी व्यवस्था रा पालन करणे रा वादा करु थी।