16. छाडण आले

यहोशू रे मरने बाद, इस्राएली लोके परमेश्वरा री आज्ञा होर नियमा रा पालन नाँई करू,होर बायदे रे देशा में में बची दे कनानी लोका बागे नाँई निकदे। इस्राएली लोके आपणे सचे परमेश्वर, यहोवा छाडी करे कनानी देऊआ री आराधना करनी शुरू करी। इस्राएली लोका सेटा कोहे भी राजा नाँई थी, तेबा जासु जोह ठीक लागा त्याहे सहे करू।

परमेश्वरा री आज्ञा नाँई मनणे री बजा का इस्राएली लोके एक रिवाज शुरू करु जोह कई बारी भीयाका करू। यह रिवाज एउ साबे चलदा रहू कुछ साला बाद इस्राएली लोक परमेश्वरा री आज्ञा नाँई मनदे थी, तेबा परमेश्वरे त्या दुश्मना रे जरीए हराई करे सजा दिंदा थी। याह दुशमण इस्राएली लोका का सबे साह लुटा थी, होर त्यारी जायदात नष्ट करी दिंदा थी, औरहोर त्या में बहु सारे इस्राएली लोका मारी भी पाऊदा थी। तेउकी इस्राएली लोका रे दुशमन कई साला तणी त्या पेंदे अत्याचार करा थी, एता बाद इस्राएली लोका आपणे पापा री माफी मागा थी होर परमेश्वरा का प्रार्थना करा थी की हामा बचा।

हर बार जेबा इस्राएली लोका पापा री माफी मागा थी तेबा परमेश्वर त्या बचाऊदा थी। त्या छडाऊण आल़े रे झरीये एडा करा थी – एडअ मणश जोह इस्राएली लोका रे दुशमणा रे बिरोधा में लड़ा थी होर त्या हराउन्दा थी। तेबा देशा में शांति हुंदा थी होर सह छाडण आलअ रामडे साबे त्या पेंदे राज करा थी। परमेश्वरे त्या लोका बे बचाऊणे री तणी बहु सारे छाडन आल़े भेजी। परमेश्वरे एक नेडा री एक दुशमण जाति, मिद्यानियो बे इजाजत दीनी कि इस्राएली लोका हराए।

मिद्यानी लोके सात साला तणी इस्राएली लोका री फसल चुटी। इस्राएली लोका बहु ज्यादा डरी थी,होर त्या गुफा में गोझा थी की मिद्यानी लोका नाँई लोडी सके। होर अंता में त्याहे परमेश्वर पुकारू की हामा बचा।

गिदोन ना रअ एक इस्राएली मर्द थी। एकसा धयाडी कराणी जागहा में गीहू मांडद लागअ थी एक की मिद्यानी लोका तेता चोरी नाँई सके। यहोबा परमेश्वरा एकी स्वर्गदूते गिदोना सेटा इछी करे तेऊ बे बोलू नेड इछी करे तेऊबे बोलू, “हे शूरवीर, परमेश्वर त्या सगे आसा। ना होर इस्राएली लोका मिद्यानी लोका का बचा।”

गिदोन री पाप री मूर्ति रे सामने बलि चडाऊणे री तणी एक वेदी बनाई थी |सभी का पहिले परमेश्वर रे गिदोन बे तेसा बेदी चोडणे री तणी बोलू | पर गिदोन लोका का डरा थी, एत्की तणी तेऊ राची हुणे रा इन्ताजार करू | तेबा गिदोने तेसा वेदी रे चोडी करे टुकड़े- टुकड़े करी दिने| तेऊ परमेश्वरे री तणी नई वेदी बनाई होर तेता पेंदे परमेश्वरे री तणी बलि चढाई

दोती लोके हेरू की कुणी बेदी चोडी करे टुकड़े-टुकड़े करी दिने, तेबा लोका बहु रोष आऊआ। जेबा त्या पता लागा की यह गिदोने चोडी त्या तेऊ मार्डे तेऊ रे घरा बे नाठे, पर गिदोना रे बापू बोलू, “तमे किबे अपणे देऊआ री रक्षा करने री कोशिशा करदे लागेदे? अगर सह देऊ आसा तेबा तेऊ आपणी रक्षा आपे करने देआ!” तेऊ एडा ही बोलू तेबा लोके गिदोन नाँई मारू।

तेबा इस्राएली लोका लूटने री तणी मिद्यानी लोका भीका आए। त्या एथरे ज्यादा आये की त्या री गिनती भी नाँई करी सकते थी। गिदोने त्या रे बिरोधा में लड़ने री तणी के इस्राएली लोका एकी बारी शादी। गिदोने परमेश्वरा का दुई नशाणी मागी की तेऊ बुशाह होए की परमेश्वर सची तेऊबे इस्राएली लोका बचाऊणे री तणी बोलदअ लागअ साहा साहा।

पहिले निशाणा री तणी, गिदोने भेडा री ऊन जमीना में डाही करे परमेश्वरा का बोलू की दोती ओश सीधी एसा ऊना में पड़े होरी जमीना में नाँई पड़े। परमेश्वरे एडा ही करू। दूजी राची तेऊ परमेश्वरे बोलू की जमीन शागे पर भेडा री ऊन शुकी रहे। परमेश्वरे भी एडा ही करू। या दुई निशाणा री बजा, गिदोने बुशाह करू की परमेश्वर सची में चाहन्दा की माह इस्राएली लोका मिद्यानी लोका का से बचाऊँणे।

तेबा गिदोने सैनिक आपु सेटा शादी होर 32,000 सैनिक आये। पर परमेश्वरे तेऊ बे बोलू याह बहु ज्यादा आसा। तेबा गिदोने 22,000 सैनिक घरा बे वापिस भेजी जोह लड़ने का डरा थी। परमेश्वरे गिदोना का बोलू की याह सैनिक एबा भी बहु ज्यादा आसा। तेबा गिदोने 300 सैनिका छाडी करे बाकी सारे सैनिक घरा बे भेजी।

तेसा राची परमेश्वरे गिदोना बे बोलू, “मिद्यानी लोका रे ताम्बु में नाह होर त्या गला करदे शूण। जेबा तू शूणनल की त्या केह – केह गला करदे लागेदे तेबा तूह त्या पेंदे हमला करने का नाँई डरे।” तेबा तेसी राची, गिदोन उन्दे त्या रे ताम्बु में आओ होर गिदोने एक मिद्यानी सैनिक आपणे दोस्त गला करद शूणु जोह गिदोने सुपने में हेरू थी। तेऊ सैनिका रे दोस्ते बोलू, “एउ सुपने रा मतलब यह आसा की गिदोना री सेना मिद्यानी सेना बे हराई देली!” जेबा गिदोने यह शूणु की तेबा तेऊ परमेश्वरा री स्तुति करी।

तेबा गिदोन अपणे सैनिका सेटा बे वापस आऊओ होर तेऊ हर सैनिका बे एक – एक नरशीगअ, होर एक-एक माटे रे भाडे, होर एक -एक मसलअ दीनअ। त्याहे त्या ताम्बु सेटा जखे मिद्यानी सैनिक सुते दे थी। गिदोना रे 300 सैनिके अपणे मूसाले माटे रे भाडे ढोपी करे डाही थी तेबा मिद्यानी लोका त्या मुशाले रे प्र्याशे नाही हेरी सके।

तब गिदोना रे सैनिके एकी बारी आपणे- आपणे माटे रे भाड़े चोडी होर एक दम आगी रा प्र्याशा चमकू। गिदोना रे सैनिके आपणे -आपणे नरशीगे बाजी होर बोलदे लागे,“यहोवा री तुलार होर गिनोना री तुलार!”

परमेश्वरे मिद्यानी लोका डराई, तेबा त्या एकी दूजे मारदे होर काटते लागे। तेबरी गिदोने बाकी इस्राएली लोका भी त्यारे घरा का शदाई की त्या मिद्यानी लोका रा पीछा करने त्या री सहायता करी सके। त्याहे बहु सारे मिद्यानी लोका खत्म करी होर बाकी जो बची त्या इस्राएल देशा का बागे काहडी दीने। तेसा धयाडी 1,20,000 मिद्यानी लोका मारी पाई। एउ साबे परमेश्वरे इस्राएल देश बचाऊ।

त्या लोका गिदोना आपण राजा बड़ाणा चाह्न्दा थी, पर गिदोने त्या एडा नाँई करने दीना, पर तेऊ त्याका सुने रे गहणे मागी जोह त्याहे मिद्यानी लोका का लुटी दे थी। पर त्याहे लोके गिदोना बे बहु सारा सूना दीना।

तेबा गिदोने तेऊ सुने रा एक बढीया झिकडे रअ जोड़ा बड़ाऊ जेडअ महायाजक बाना थी। पर लोके एक मूर्ति ज़ेही तेतकी आराधना करनी शुरू करी। तेबा भी परमेश्वरे तब परमेश्वरे इस्राएली लोका बे भी को सजा दीनी किबेकी त्याहे मूर्ति री आराधना करी थी। परमेश्वरे त्या हराऊणे बे दुश्मन तयार करी। तेबा तयाहे सहायता मागणे री तणी त्याहे भीआक परमेश्वरा का प्रार्थना करी, होर परमेश्वरे त्याह बचाऊणे री तणी एक छाडण आलअ भेजू।

यह गल कई बारी होई, इस्राएली लोका पाप करा होर परमेश्वर त्या सजा दिन्दा, त्या माफी मागा, परमेश्वर त्या छाडने बे कासु भेजी दिंदा। कई साला तणी परमेश्वरे बहु सारे छाडण आल़े भेजी त्याहे इस्राएली लोका त्या रे दुशमना का बचाई।

तेबा अन्त में, त्याहे लोके दूजे देशा जेहे परमेश्वरा का राजे ज़ेही माग करी।त्या एक एड राजा नए चाह्न्दा थी जोह लामबअ होर ताकता आलअ हो, होर लड़ाई में त्यारी सहायता करी सके। परमेश्वरा त्यारी गला ठीक नाँई लागी, पर तेऊ त्याबे तेडअ ही राजा दीनअ जेडअ त्याहे मागु थी।