19. भविष्यद्वक्ता

परमेश्वर सदा इस्राएली लोका सेटा भविष्यद्वक्ता भेजदअ रहंधा थी। भविष्यद्वक्ता परमेश्वरा का खुशखबरी शूणा थी होर तेउकी तेता लोका बे खोजा थी।

जेवा अहाब इस्राएल देशा रअ राजा थी तेबा तेऊ बकते एलिय्याह भविष्यद्वक्ता थी। अहाब एक बुरअ मनश थी। तेऊ परमेश्वरा री आराधना छाडी करे झूठे देऊ री पूजा करणे री तणी लोका विवश करी थी। तेवा एलिय्याहे अहाब का बोलू कि परमेश्वर त्या लोका वे सजा दिणी लाइदी आसा। तेउये तेऊ का बोलू , " जेबरे तणी हाऊ भी का पाणी हुणे वे नाँई बोललअ तेव्रे तणी इस्राएल देशा में पाणी नाँई हुणा होर नाह ही ओश पडणा।" एसे गल्ले का अहाब एतरअ नाराज रोष आऊआ कि कि तेउये एलिय्याह मारणे रा फैसला करू .।

तेवा परमेश्वरे एलिय्याहा भविष्यवक्ता का बोलू कि सह बूणे नाही कर्रे अहाबा का गोंझी रह । एलिय्याह बूणे तेसा सुबली सेटा नाठअ जखे नाहणे री तणी परमेश्वरे तेऊ बे खोजू थी। हर दोती होर हर ब्याले, चेलू एलिय्याह वे रोटी होर माँस आणदा थी। एउ पुरे वक्ते, अहाब होर तेऊ री सैना एलिय्याह लोडदे रही , पर त्या तेऊ लोदी नाँई सकी।

पाणी नाँई हूणे रे थोड़े वक्ता बाद सह सुबल शूकी। तेवा एलिय्याह नेडा रे ही एकी देशा में नाठअ। तेऊ देशे एक गरीब विधवा बेटड़ी थी जासके एक शोहरू थी। त्या ज़ेह खाना लगभग खत्म होई मुका थी। किबेकि तखे किछे भी अनाज नाई होऊ थी। पर तेउकी भी, तेसे बेटड़ी एलिय्याह री हेर भाल करी,तेवा परमेश्वरे तेसकी होर तेसरे शोहरू री जरूरता पूरी करी , एसा बजा का त्या सेटा पीठे रे भाड़े तेला री कुपी कधी भी खली नाँई होई। तेऊ पुरे अकाला रे बक्त तेसा सेटा खाना थी। एलिय्याह बहु साला तणी तखे रहू।

साढ़े चीई साला बाद, परमेश्वरे एलिय्याहा भविष्यवक्ता का बोलू कितेऊ भीआ का पाणी दीणा। परमेश्वरे एलिय्याह का बोलू तूह इस्राएला रे देशा में नाह होर अहाबा सगे मिल।तेवा एलिय्याह अहाबा सेटा नाठअ । जेवा अहाबे एलिय्याह हेरू तेवा तेऊ बोलू , "अच्छा तूह साहा, मुशकला पाउणे आल़अ !" एलिय्याह भविष्यवक्ता उतर दिना , "मुशकला में पाउणे आल़अ तूह साहा ! ताई यहोवा छाड़ूदअ साहा। तूह सचे परमेश्वरा री आराधना छाडी करे, झूठे बाल देऊआ री पूजा करद लागदअ साहा। एबा ताह इस्राएला देशा रे सारे लोका होर बाला रे भविष्यवक्ता बे कर्मेल ना रे पहाड़ा में आंणणे साहा।"

तेबा आहाब राजे इस्राएल देशा रे सारे लोका कर्मेल पहाड़ा वे कठे करी। एलिय्याह भविष्यवक्ता लोका बे बोलू, “तमा कधू तणी आपणे बचारा सगे समझोता करदे रहणा? आगर परमेश्वर आसा तेबा तेऊरी आराधना !"

तेवा एलिय्याह भविष्यद्वक्ता बाल देऊआ रे भविष्यवक्ता का बोलू, "एकी जानवरा री बलि चढाआ होर तेऊ रा मॉस एकी बेदी पेंदे डाहा, पर आग नाँई लाए। तेता बाद माह जानबरा रा मॉस एकसा अलग बेदी पेंदे डाहणा। तेवा अगर परमेश्वर वेदी में आग फेकलअ तेवा तमा जाणा कि सह सचअ परमेश्वर साहा।" तेवा बाला देऊआ रे भविष्यद्वक्ता एक बलि तैयार करी पर आग नाँई लाई।

तेवा बाला देऊरा रे भविष्यद्वक्ताये आपणे बाल देऊआ का प्रार्थना करी, "हे बाला देऊआ, हमारी शुण!" पूरी धिहाड़ त्याये जोरे -जोरे प्रार्थना करी होर होर अखे तणी कि आपणे आपा वे चाक़ू संघे जख्मी करी, पर बाल देऊए कोई भी उतर नाई दिना, होर तेऊ किछे आग नाई फेकी।

बाला देऊरा रे भविष्यद्वक्ताये बाल देऊआ का प्रार्थना करणे में लगभग पूरी दिहाड़ नाठी। तेउकी त्याये प्रार्थना करणी बंद करी। तेवा एलिय्याहे दूजे बलदा रा माँस वे परमेश्वरा री बेदी में डाहू। तेता बाद, तेउये लोका बोलू की तमे पाणी रे बारहा बड़े-बड़े घडे भांडे तेबरे तणी एउ मासा में पाऊनदे रहा जेबरे तणी मॉस जेबरे तणी मॉस होर झुका,होर बेदी री नेडा री जमीन सिनी नाँई होए।

तेवा एलिय्याह भविष्यवक्ता प्रार्थना करी, "हे यहोवा, अब्राहम, इसहाक, होर याकूब रे परमेश्वर, हामा बे रिहाआ कि तुह इस्राएला रअ परमेश्वर साहा होर हाऊ तेऊअ सेबक साहा। माह बे उतर दे की याहा लोका पता चले की तूह सचअ परमेश्वर साहा।"

तेबरी एकदम, सरगा का आग पड़ी होर तेऊ माँस, जूका, पात्थर,माटा, होर अखे तणी और कि वेदी सेटा रा पाणी भी जालू। जेवा लोके यह हेरू,त्या जमीना पेंदे पड़ी होर बोलू , "यहोवा ही सच परमेश्वर साहा ! सिर्फ तूह ही सच परमेश्वर साहा !"

तेवा एलिय्याह भविष्यवक्ता बोलू, "बाला देऊआ रअ एक भी भविष्यद्वक्ता बची करे नाहणे नाँई नाठअ लोडी !" तेवा लोके बाला देऊरा रे भविष्यद्वक्ता ढाकी होर त्या तखा का अलग नी करे त्या मारी पाई।

तेवा एलिय्याहे भविष्यवक्ता अहाबा रे राजा का बोलू , "छेकअ आपणे घरा वे नाह, किबेकि पाणी बखे जोरा रा इहणे आल़ा साहा। "छेकअ ही बादल घणे होई , होर बहू पाणी होऊ। यहोवा सारा आकाल अकाल खत्म करू। होर लोका हेरू की यहोवा ही सचअ परमेश्वर साहा।

एलिय्याह भविष्यवक्ता रे वक्ता बाद परमेश्वरे एलिशा भविष्यवक्ता चुनी। परमेश्वरे एलिशा रे सामने बड़े चमत्कार करी। जासु में एक चमत्कार नामान ना रे एकी मणशे सगा होऊ। नामान दुश्मना री सेना रअ सरदार थी,पर तेऊ कोढ़ री बीमारी होई थी। नामाने एलीशा रे बारे में शुणूदा थी,तेवा तेऊ एलीशा सेटा नाही करे बिनती करी की तेऊ एसा कोढा री बीमारी का ठीक कर। एलीशा नामाना का बोलू कि नाशी करे यरदन नदी री पाणी में सात बार डुबकी लाये।

यह गल शूणी करे नामान नाराज होऊ। होर तेऊ एडा करणे का नाँई करू,किबेकि तेऊ सह मुर्ख बड़ाऊणे रा लागा। पर बादा में तेऊ आपणा मन बदलू होर नाशी करे यरदना नदी रे पाणी में सात बारी डुबकी लाई। जेबा तेऊ साती डुबकी लाई करे सह पाणी का बागे निखदअ तेवा परमेश्वर तेऊरा कोढ़ ठीक करु।

परमेश्वरे इस्राएला रे लोका सेटा होरा बहू भविष्यद्वक्ता भेजी। तयाहे भविष्यवक्ता लोका का बोलू, की तमे मूर्ति री आराधना बंद करा। एतके बजाए, तमे एकी दूजे संघे रामडा व्यवहार करा,होर एकी दूजे पेंदे दया करा। त्याये भविष्यद्वक्ताए लोका वे चेतावनी दीनी कि त्या बुरे काम करणे बंद करे होर एतके बजाए परमेश्वरा री गल्ला रा पालन करे। होर तेतके बदले परमेश्वरा री आज्ञा रा पालन करे। तेउकी त्याए एडा भी बोलू अगर तमे एडा नाँई करू तेबा परमेश्वरा तमे दोषी ठराई करे थारा इंसाफ करना, होर तमा बे सजा दीणी।

बहू वक्ता तणी, त्याये लोके परमेश्वरा री आज्ञा रा पालन नाँई करु। सदा त्याये भविष्यद्वक्ता संघे बुरा व्यवहार करू त्याहे एखा भविष्यवक्ता मारी पाई। एक बारी, त्याये यिर्मयाह भविष्यद्वक्ता शुके कुएँ में पाऊ होर और सह तखे मरणे बे छाडू। सह कुएँ रे तल्ले में चिचा में फसू। पर बिनयामिन राजे तेऊ में दया आई होर तेऊ आपणे सैनिका वे आदेश दिना कि यिर्मयाह मरणे का पहिले तेऊ कुएँ का बाग़े काहडा।

भविष्यद्वक्ता परमेश्वर री तरफा का लागदार बोलदे रही पर लोके त्या सगे नफरत करी। त्याये लोका वे चेतावनी दीनि कि अगर तमे आपणे पापा नाँई मनले, तेबा परमेश्वरा तमे नाश करने। तयाहे लोका बे परमेश्वरा रा सह बायदा याद कराऊ की मसीह छेकअ ईहणे आलअ साहा।