20. गुलामी होर बायदे रे देशा में बापिस मुड़ी करे ईहणा

इस्राएल होर यहूदा याह दुही राज्य रे लोके परमेश्वरा रे बिरोधा में पाप करू। तयाहे सह बायदा चोडू जोह परमेश्वरे त्या सगे सीने पहाडा में करू दा थी। परमेश्वरे बहु सारे भविष्यवक्ता बे चाताबनी दीणे री तणी त्या सेटा भेजू, की त्या आपणे पापा माने होर भी आक परमेश्वरा री आराधना करनी शुरू करे पर तयाहे भविष्यवक्ता री गला शूणने का नाँई करू।

तेबा परमेश्वरे इस्राएल राज्य होर यहूदा राज्य रे दुई लोका बे सजा दीनी होर त्याहरे दुशमना बे आज्ञा दीनी की तमे दुई राज्य रा नाश करा। अश्शूर राज्य एक शक्तिशाली, होर निर्दयी राज्य थी। तयाहे इछी करे इस्राएल राज्य रा नाश करू। अशुरी लोके इस्राएल राज्य में इछी करे बहु लोका मारी , तयाहे जोह जाहू सह लुटू होर देशा रे कई हिसे आगि सगे जाली पाई।

अशुरी सेना शिक्षा दीण आल़े लोका,सेठ लोका, होर एडे कारीगीर लोका जो कीमती चीजा बडाई सका सबे एकी बारी कठे करी होर त्या अशुर देशा बे नीई। एबा इस्राएल देशा में थोड़े जेहे गरीब इस्राएली लोका बची दे थी।

तेउकी अशुरी लोका इस्राएल राज्य में रहणे री तणी बिदेशी लोका आणी करे आए। त्याहे बदेशी लोके तया नगर भीआक बणाई। जो इस्राएली लोका तखे वची दे थी बिदेशी त्या सगे ब्याह करू एया लोका रे बंशजा सामरी बोला।

यहूदा राज्य रे लोके हेरू की परमेश्वरा री आज्ञा नाँई मनणे का होर तेऊ पेंदे बुशाह नाँई करने का कड़े परमेश्वरे इस्राएल राज्य रे लोका बे सजा दीनी। पर तेता बाद भी त्याहे कनानी देऊआ री आरधना करनी नाँई छाडी। परमेश्वरे तयावे चेतानी दीणे री तणी भविष्यवाणी करन आले भेजी , पर त्याहे भविष्यवक्ता री गला शूणने का नाँई करू।

अशुरी लोका रे जरिए इस्राएल राज्य रा नाश करने का लगभग 100 साला बाद, परमेश्वरे बेबीलोन देशा रे रजा , नबूकदनेसर बे यहूदा राज्य में हमला करने री तणी भेजी। बेलिलोन एक शक्तिशाली देश थी। यहूदा रअ राजा , नबकदनेसर रअ सेबादार बणने री तणी होर हर साल तेऊ बे बहु सारा धन दीणे बे तयार होऊ।

पर कुछ साला बाद, यहूदा रे राजा वेविलोना का धोखा करू। तेबा वेविलोनी रे लोके बापिस इछी करे यहूदा रे राज्य पेंदे हमला करू। तयाहे यरूशलेम शहरा में कब्जा करू, देऊरअ नष्ट करू, होर देऊरे रा खजाना लुटी करे नीऊ।

बेबीलोन देशे सगे धोखा करने री बजा का नबूकदनेस्सर राजे यहूदा रे राजे बे सजा दीनी, होर तेऊरे सैनिके यहूदा राजा रअ पुत्र तेउरे सामने मारी पाऊ होर तेउकी यहूदा रअ राजा काण करू, एता वाद तयाहे सह यहूदा रअ राजा निऊ की सह बेबिलेना रे जेला में मरे।

नबूकदनेस्सर होर तेउरी सेना यहूदा राज्य रे लगभग सारे लोका ढाकी करे बेबीलोन देशा बे नीई, यहूदा राज्य में का त्याए सीधी गरीब लोका छाडी, की त्या तखे खेचा में फसला रा काम करी सके। यह सह बक्त थी जेबा परमेश्वरा रे लोका वायदे रे देशा छाडने बे मजबूर करी थी।

पर परमेश्वरे आपणे लोका बे त्या रे पापा री बजा का सजा दीनी, पर त्यारे गुलाम हुणे बाद भी परमेश्वर आपणे लोका होर आपणे बायदे नाँई बिसरू। परमेश्वरा री नजर हर वक्ते आपणे लोका पेंदे रहंदा थी होर सह आपणे भविष्यवक्ता रे जरीहे त्या सगे गला करद रहू। परमेश्वरे बायदा करू की सतर साला बाद त्या भी आका वायदे रे देशा में ईहणे।

लगभग सत्तर साला बाद, फारसा रे राजा कुशनू बेबीलोन देश हराऊ, तेबा बेलिलोना देशा रे बजाए फारस देशे कई देशा में राज करू। इस्राएली लोका एबा एवा यहूदी बोला थी। तया में का बहु आपणी जिंदगी बेबिलोना में बताई थी। सिर्फ बहु कम यहूदी यहूदा रअ देश याद थी।

फारसी लोका बहु सामर्था आल़े थी , पर त्याहे आपणे जिउंदे वक्ते लोका पेंदे दया करी । फारसी लोका रे राजा बणने रे थोड़े वक्ता वाद, कुशनु राजे राजे एक एक आज्ञा दीनी की दीना की कोहे भी यहूदी जो यहूदा रे राज्य में बापिस इहणा चान्दा, त्या फरसा का निखली करे यहूदा बे वापिस नाही सका। पर तेऊ त्यावे मनिदरा भीआका बणाऊणे बे धन भी दीना गुलामी रे सतर साला वाद थोड़े बहु यहूदी लोका यहूदा राज्य रे यरूशलेम शहरा में बापिस आऊए।

जेबा तया लोका यरुश्लेमा शहरा में पूजे, तेबा तयाहे देऊरे रे होर नगरा रे चहु तरफा री दीवार भीआक बड़ाई। फारसी लोका एवा भी त्याह पेंदे राज करा थी, पर त्या एक बारी भीआका त्या पेंदे राज करा थी पर त्या एकी बारी भीआक बायदे रे देशा में रहंदे लागे थी, होर देऊरे में पूजा करदे लगे थी।