21. परमेश्वर मसीहा भेजणे रा बायदा करा

जेबरे परमेश्वरे संसार बणाऊ थी, तेबा तेऊ पता थी की एकसा धयाडी महा मसीह भेजण आऊओ। परमेश्वरे आदम होर हबा सगे बायदा करू दा थी की महा एडा करना। परमेश्वरे बोलू की हबा का एक बंश जन्म लऊणा जासु सर्पा रअ मुड़ चोडणन। परमेश्वरा रे बोलणे रा मतलब थी की मसीहा पूरी तरहा शैतान हराऊण। किबेकी सह शैतान ही थी जासु सर्पा रे रूपा में इछी करे हबा बे धोखा दीना थी परमेश्वरा रा अर्थ थी।

परमेश्वरे अब्राहमा सगे बायदा करू थी तेरी बजा कअ संसारा री सभी जाति आशीष भेटणी। परमेश्वरे बोलू, एकसा धयाडी महा मसीह संसारा में भेजी करे यह बायदा जरुर पूरा करना। मसीहा संसारा री हर जाति रे लोका त्या रे पापा का छुडाऊणे।

परमेश्वरे मूसा सगे बायदा करू दा थी की ईहणे आल़े वक्ते महा ताह जेहअ एक भविष्यवक्ता भेजण। यह भविष्यवाणी करन आलअ मसीह हुणअ। एउ साबे परमेश्वरे भीआका बायदा करू की महा संसारा में मसीह भेजणं।

परमेश्वरे राजा दाऊदा का बायदा करू थी तेरअ एक वशंज मसीह हुणअ। सह राजा हुणं होर तेऊ परमेश्वरा रे लोका पेंदे सदा राज करना।

परमेश्वरे यिर्मयाहा भविष्यवक्ता सगे गला करी होर बोलू की एकसा धियाड़ी, “महा एक नया वायदा करणा पर यह नया बायदा पूराणे बायदे जेहा नाँई हुणा। जोह इस्राएला रे लोके सगे सीने पहाडा पेंदे करू दा थी। जेबा महा लोके सगा आपणा नया बायदा करणा, तेबा महा त्या पेंदे आपणे आपु बे प्रगट करणा। एकी मणशा माए सगा प्रेम करना, होर मेरी व्यवस्था रा पालन करने री इच्छा करनी। महा आपणी व्यवस्था त्यारे मना में लिखणी। त्या मेरे लोका हुणे, होर महा त्यारे पाप माफ करने। सह मसीह हुणअ जो त्या लोके सगा नया वायदा करेगा।

परमेश्वरा रे भविष्यवाणी करन आल़े यह बी बोलू की मसीह एक भविष्यवाणी करन आलअ हुणं। एक भविष्यवाणी करन आल मन्श जोह परमेश्वरा रे बचना शूणदा, होर तेउकी परमेश्वरा रे लोका सिखाऊन्दा। परमेश्वरे जासु भेजणे रा बायदा करू दा थी सह सिद्ध भविष्यवक्ता मसीह हुणअ। मसीहा परमेश्वरा रअ वचन रामडे चारे शूणाऊदा थी, होर समझणे होर तेउकी वचन रामडे साबे परमेश्वरा रे लोका बे सिखाऊणे।

इस्राइली याजके लोका री तणी परमेश्वरा जेह बलिदान चढ़ाऊणा जारी डाहु।की परमेश्वर त्या बे त्या री पापा री सजा नाँई दे। याजके लोका री तणी प्रार्थना भी करी। पर मसीह सिद्ध याजक हुणअ जोह एउ संसारा रे लोका रे पाप आपु पेंदे लई करे, परमेश्वरा वे आपणी बलि चढ़ाऊणी मतलब मसीह कधी भी पाप नाँई करद, होर जेबरे सह आपणी बलि चढाऊलअ,तेबा संसारा री कोहे भी दूजी जरूरी नाँई हुणी।

राजा सह हुंदा जो लोका पेंदे राज करा होर लोका रा इंसाफ करा, होर केबरे-केबरे त्या पाप भी करा। राजा दाऊदे सिर्फ इस्राएली लोका पेंदे राज करू, पर राजा दाऊदा रा बंश मसीह पुरे संसारा में सदा बे राज करना। तेऊ हमेशा सचाई सगा राज करणा, होर सही फैसला करणा।

परमेश्वरा रे भविष्यवाणी करन आल़े मसीहा का ईहणे का पहिले बहु सारी भविष्यवाणी करी। मलाकी भविष्यवक्ता भविष्यवाणी करी की मसीहा का ईहणे का पहिले एक महान भविष्यवक्ता ईहण। सह भविष्यवक्ता ज्यादा खास हुणअ। यशायाह भविष्यवक्ता ने भविष्यवाणी करी, की एक मसीह कुआरी शोहरी का जन्म लऊणा। होर मिका भविष्यवक्ता भविष्यवाणी करी की मसीह बैतल्मा में जन्म लऊणा।

यशायाह भविष्यवाणी करन आल़े बोलू मसीहा गलीला रे जिले में रहणा। जो लोका बहु ज्यादा दुखी आसा तयाबे मसीहा शान्ति दीणी। मसीहा कैदी लोका भी स्वतंत्र करने। मसीहा बीमार, होर आंधे, गूंगे, टऊणे, लेगडे सभे लोका ठीक करणे।

यशायाह भविष्यवाणी करन आल़े यह भी बोलू की लोका मसीहा का नफरत करना होर तेऊ मनणे का नाँई करना। होरी भविष्यवाणी करन आल़े बोलू की मसीहा रे एकी सगी तेऊबे धोखा दीणा। जकर्याह भविष्यवाणी करन आल़े बोलू मसीहा ढाकण आल़े बे तेउरे सगी लोका का चांदी रे दस सिक्के मागणे। एता बाद एखे भविष्यवाणी करन आल़े बोलू, की लोका मसीह मारी पाऊण, होर तेउरे झिकड़े री तणी पर्ची पाई करे तास खेलणे।

भविष्यवाणी करन आल़े यह भी खोजू की मसीह केडह मरणं।यशायाह भविष्यवाणी करी की लोका मसीहा पेंदे थूकणा, होर तेऊरा मजाक उड़ाऊणा, होर सह त्याह चिकणं। त्या तेउरे हाथे होर जागहां छेद करने, होर तेउरी मऊत ज्यादा दाहू आली हुणी, जो की तेऊ किछे भी पाप नाँई करी दे हुणे।

भविष्यवाणी करन आल़े यह खोजू की मसीहा कोहे भी पाप नाँई करने। सह सिद्ध हुणं। पर सह लोका रे पापा री तणी मारण। तेउरे मरने का लोका परमेश्वरे जाणनअ। तेबा परमेश्वर चाहन्दा की मसीह मरे।

भविष्यवाणी करन आल़े यह भी खोजू की परमेश्वर मसीह मुएदे में का जिउंद करन। मसीहा री मऊत होर तेउरे जिउंदे हुणा यह खोजा की यह रीहाऊदा की यह सब नई बाचा री बानणे री परमेश्वरा री योजना थी, की सह त्या लोका बचाई सके जासुये तेऊ रे बिरोधा में पाप करू दा आसा।

परमेश्वरे भविष्यवाणी करन आल़े पेंदे बहु सारी गला खोजी, पर मसीह तया भविष्यवाणी करन आल़े में का कासी री जिंदगी में नाँई आऊओ थी। याहा भविष्यवाणी करने रे चऊ शअ साला बाद ठीक वक्ता में परमेश्वरा मसीह एउ संसारा मसीह एउ संसारा में भेजणं।