24. यूहन्ना यीशु वे पतिस्मा दीना

एलीशिबा होर जकर्याह रअ शोहरू यूहन्ना, बड़अ होई करे एक भविष्यद्वक्ता बणू। सह जंगले रहंधा थी , होर टीडीया होर शेहत खाए करा थी, होर ऊंटा रे शरयाला रे बणी रे झीकडे बाना थी।

बहु लोका यूहन्ना री गल्ला शूणने री तणी जंगला वे आउये। यहुना त्या लोका बे खोजू, की आपणे पापा मानी करे परमेश्वरा का माफी मागे, किबेकी स्वर्गा रा राज्य नेड आसा!"

जेवा लोके यूहन्ना रा संदेश शुणू, तेवा त्या में बहूये आपणे पापा मनी करे परमेश्वरा का माफी मागी, होर यूहन्ना त्याबे पाणी में बपतिस्मा दीना। यहुना भाले बहु सारे धर्म गरु भी आए, पर तयाहे आपणे पाप नाँई मनी, होर ना परमेश्वरा का माफी मागी।

यूहन्ना धर्म गुरु का बोलू, "हे सर्पा जेहे जहरीले लोको ! आपणे पापा माना होर आपणे व्यवहारा बदला। एबा गलअ एडी आसा की परमेश्वर हर एकी मणशा बे जोह आपणे पाप नाँई मनले, त्याबे सजा दीणे बे बिलकुल तयार आसा ठीक तेडे ही जेडी कोई डाली रामबड फल नाँई दीणे बाद आगि में जाली पाउंदा।’’ यहुना सह वचन पुरअ करू जोह यशायाह भविष्यद्वक्ता री किताबा में लिखू दअ आसा, “की हेर महा छेकअ तमा सेटा आपण शुभ समाचार दीण आल़े बे भेजणअ जासु तेरी तणी लोका तयार करने।"

एखे धर्मगुरु यूहन्ना का पुछु कैह तूह मसीह साहा। यूहन्ना उतर दिना, " हाऊ मसीह नाई साहा, पर सह माह बाद इह्न्दअ लागअ साहा। सह एचडअ महान साहा कि हाऊ तेउरे बूटा रे तस्मे खोलणे रे लायक भी नाई साहा।"

दूजे धिहाड़े, यीशु यरदना नई सेटा बपतिस्मा लउणे री तणी यूहन्ना सेटा वे आउआ। जेवा यूहन्ना यीशु हेरू, तेवा तेऊ बोलू, "हेरा ! परमेश्वरा रअ गाभु आसा जासु संसारा रे सारे पाप आपु पेंदे चुआकणे।"

यूहन्ना यह बोली करे यीशु रोकदअ लागअ, " महा तेरे हाथा का बपतिस्मा दीणे री जरूरत आसा, होर तूह महा का बपतिस्मा लऊन्द आऊ।" पर यीशुये बोलु, "ताइये माह वे बपतिस्मा दिना लोडी, किबेकि महा एउ साबे परमेश्वरा री इच्छा पूरी करनी। ’’ तेबा यूहन्ना यीशु बे बपतिस्मा दीना,पर यीशु कोहे भी पाप नाँई करी थी।

बपतिस्मा लऊणे का बाद , जेवा यीशु पाणी का बागे निकदअ, तेबा परमेश्वरा रा आत्मा कबूतरा रे रूपा में प्रगट होऊ, होर यीशु पेंदे रुकू। तेऊ वक्ते परमेश्वरे स्वर्गा का बोलू, तू मेरअ प्यारअ शोहरू आसा होर हाऊ ताहक बखे खुश आसा। "

परमेश्वरे यूहन्ना का बोलू थी , "की जासु पेंदे तूह पवित्र आत्मा उतरते होर बेश्ते हेरे, सहे परमेश्वरा रअ पुत्र मसीह आसा, पुत्र होर परमेश्वर एक आसा, पर जेबा यहुना यीशु बे बपतिस्मा दीना, तेबा तेऊ पिता परमेश्वरा बे पुत्रा सगे गला करदअ शूणु, तेऊ पुत्र होर परमेश्वर हेरू, जो की यीशु आसा , होर तेऊ पवित्र आत्मा यीशु पेंदे बेश्ती हेरी।