26. यीशु आपणी सेवा करनी शुरु करी

जेबा शैतान यीशु री परीक्षा लई मऊक तेता बाद यीशु, बापिस गलीला जिले बे आऊओ। यह सहे जागहा आसा जखे यीशु रहंधा थी। यीशु पवित्र आत्मा सगे भरूदअ थी। होर तेऊ जागहा- जागहा नाही करे लोका बे शिक्षा दीनी। सभी लोके यीशु रे बारे में रामडी गला बोली।

यीशु नासरत शहरा बे आओ, यह सह शहर आसा जखे तेऊ आपण वचपन बिताऊ थी। सब्ता री धिहाड़ी , यीशु आराधना रे घरे आऊओ,तेबा तखले लोके तेऊबे यशायाह भविष्यवक्ता री कताब पढने बे दीनी। काणे रे घरा बे नाठअ। अगुवे सह यशायाह भविष्यद्वक्ता रे संदेशा री एक कताब दीनी। तेबा यीशु कताब खोली करे तेत्कअ एक वचन पढ़ी करे लोका बे शूणाऊ।

तेबा यीशुये यह वचन पढ़ी करे शूणाऊ, “कि महा पेंदे परमेश्वरा रा आत्मा आसा तेबाकी तेऊ हाऊ कंकाला बे सुसमाचार सुणाऊणे बे चुनुद साहा। परमेश्वरे हाऊ तेबा भेजू की कैदी आजाद करे, होर आंधे लोका त्या री आछी ठीक करने रा प्रचार करू, होर दबी रे लोका रा छुटकारा देये यह सह वक्त आसा जेबा परमेश्वर हामा पेंदे दया करे, होर तेऊ हमारी सहायता करणी।"

तेउकी यीशु बैठअ। सब्हे लोक तेऊ बड़े ध्याने संघे हेरदे लागेदे थी। त्या पता थी कि पवित्रशास्त्र रअ जोह वचन तेऊ एवरे पढू थी ,सह मसीहा रे बारे में थी। यीशुये बोलू, "जोह वचन माई एवरे थारी तणी पढ़ी , आज सह वचन थारे सामने पुरे होई।" सब्हे लोका हैरान होई त्याहे बोलू, " कैह यह यूसुफा रअ शोहरू नांई साहा?"

तेवा यीशुये बोलू, "यह सच साहा कि एकी भविष्यद्वक्ता रा आपणे नगरा में आदर कधी नाँई हुंदा। जेबा एलिय्याह भविष्यद्वक्ता रे वक्ता में साडे चीई साला तणी पाणी नाँई होऊ, होर पाणी नाँई हुणे री बजा का सारे देशा में अकाल पडू, इस्राएला में बहु विधवा थीं,तेऊ वक्ते इस्राएल देशा में बहु सारी बिधबा थी, पर परमेश्वरे एलिय्याह कासी भी बिधबा सेटा नाँई भेजू, परमेश्वरे सह सिदोन देशा री एक बिधबा सेटा भेजू।"

यीशुये यह भी बोलू, “कि एलिशा भविष्यद्वक्ता रे वक्ता में, इस्राएल देशा में बहु लोका कोढ़ा री बीमारी आल़े रोगी थी। पर एलीशा त्या में कोहे भी ठीक नाँई करी। तेउये अकेल इस्राएला रे शत्रु रअ सेनापति नामान ठीक करू।" पर जोह लोका यीशु शूणदे लागेदे थी त्या यहूदी थी। तेवा त्याये यीशु एडा बोलदे शूणू, तेवा त्या तेऊ पेंदे रोष आउआ।

नासरता रे लोके यीशु ढाकु होर सह आराधना रे घरे घशीटी करे बागे नीऊ। त्या यीशु जानी का मारणा चाह्न्दा थी, तेबा त्याहे सह एकी ढगा बे नीऊ, होर त्या लोका यीशु ढगा का उन्दे शोटणा चाहंदा थी। पर यीशु भीड़ा का निखदअ होर नासरत शहर छाडी करे ठुरु।

तेउकी यीशु गलीला रे इलाके में नाठअ, होर बहु सारे लोका तेऊ पीछे आऊए। त्याहे आपु सगे बहु बीमार लोका भी आणी, त्याह बीमार लोका में एखा लोका बिक्लांग थी, एखा लोका लेगडे थी, होर एखा लोका काले थी, यीशुये त्या सभे बीमार लोका ठीक करी।

एता का छाडी करे, बहु सारे एडे लोका यीशु सेटा वे आणी जासु में दुष्टात्मा थीं। यीशुये दुष्टात्मा त्या का बागे निखलणे री आज्ञा दीनी। तेबा दुष्टात्मा त्या लोका में का बागे नीकदी होर जोरे- जोरे यीशु का बोल्दी लागी, “तूह परमेश्वरा रअ शोहरू आसा!"एता हेरी करे रे सभे लोका हैरान होई, होर त्याये परमेश्वरा री स्तुति करी।

तेउकी यीशुये खास बारहा चेले चुनी जासु वे तेउये आपणे प्रेरिता रा ना दीना। त्याये खास चेले तेऊ संघे यात्रा करी होर तेऊ का शिक्षा प्राप्त करी।