27. दयालु सामरी मणशा री कहाणी

एकसा धियाड़ी जेबा यीशु लोका बे शिक्षा दीनदअ लागअ थी, एक व्यवस्था जाणने आलअ एक गुरु यीशु री परीक्षा लऊन्द आऊओ, होर बोलदअ लागअ, “हे उतम गुरु, सदा री जिंदगी पाऊणे बे महा केह करणा ? यीशु जबाब दीना, “ परमेश्वरा री ब्यवस्था में केह लिखू दा, तूह तेता केहडे समझा?"

तेऊ गुरु बोलू, "परमेश्वरा री व्यवस्था में यह लिखू दा साहा की आपणे पुरे मना सगे, आपणे पुरे प्राण, आपणे पुरे सामर्थ, होर सारी बुधि सगे प्रेम डाह। होर आपणे गराई सगे आपु जेहा प्रेम डाह।" यीशुये उतर दीना, "ताए एकदम ठीक बोलू ! अगर तूह एडा करलअ, तेबा ताह अनन्त जिंदगी भेटणी।"

पर गुरुये आपणे आपु बे धर्मी हुणे री इच्छा का यीशु का पुछु, “की मेरअ गराई कूहण ?"

यह गल शूणी करे यीशु तेऊ गुरु बे एक कहाणी शूणाई की एकसा बारी एक मणश यरूशलेम शहरा का यरीहो नगरा बे नाहन्द लागअ थी।"

तेबा बाता सह एखे गुंडे सह हेरू होर तेऊ पेंदे हमला करू। तयाहे सह बहु चीकू, होर तेऊरा सभे साहा लुटू होर सह आधअ मुअदअ छाडी करे आपु ठुरी।

तेता बाद एडा होऊ की, तेसी बाता का एक यहूदी याजक नाहन्दअ लागअ थी। तेऊ याजके सह मनश बाता में जख्मी पडूदअ हेरू। होर तेऊ तेऊरी किछे भी सहायता नाँई करी, होर सह पूरी तरहा नाँई हेरी करे दूजी बाता हांडदअ लागअ।

एता बाद कुछ वक्त बीतणे वाद,एक लेवी मणश तेसी बाता आऊओ जोह मंदिरे काम करा थी। तेऊ भी तेऊ री किच्छे सहायता नाँई करी होर सह भी तेऊ नाँई भाली करे दूजी बाता हांडदअ लागअ।

एतावाद जो होर मणश तेसा बाता आऊओ सह एक सामरी मणश थी।तेऊ सामरी मणशे तेसा बाता एक जख्मी मणश पडूदअ हेरू। तेऊ हेरू की यह यहूदी आसा, पर तेऊ तेउकी भी तेऊ पेंदे दया करी। सह सामरी मणश तेऊ जख्मी सेटा नाठअ होर तेऊरे जखमा में पाटी बानी।

तेऊकी सह सामरी मणश तेऊ जख्मी मणशा बे आपणे गाधे में बशयाली करे, एकी सराय में नीऊ। जखे तेऊ तेउरी देख रेख करी।

दूजी धयाडी,तेऊ सामरी मणशा बे आपणी यात्रा करना जरूरी थी। तेऊ सयाये रे मालका बे धख खर्चा दीना। होर तेऊबे बोलू, "एउ जख्मी मणशा री हेर भाल करे। अगर होरी डबे री जरूरत पडली तेबा तूह आपणे डबे खर्च करे, हाऊ बापसी पेंदे तेरे सभी डबे बापिस देलअ।"

तेउकी यीशु तेऊ गुरु का पुछु, “ताह केह लागा? याहा चीई में कुण तेऊ जख्मी रअ गराई होऊ ? “गुरु उतर दीना, सहे जूणी जख्मी मणशा पेंदे दया करी।” यीशु तेऊबे बोलू , “ नाह तूह भी एडा कर।"