29. निर्दयी नोकरा री कहाणी

एकसा धियाड़ी पतरसये यीशु का पुछु, "हे गुरु, जेबा मेरअ भाई महाबे पाप करे तेबा महा सह आपण भाई केतरी बारी माफ करू लोडी? कह सात बारी तणी?" यीशु बोलू, "सात बारी नाँई, पर स्तर वारी!" एता सगे यीशु रा मतलब आसा की हामा एकी दूजे सदा बे क्षमा करी लोडी।तेबा यीशु यह कहाणी खोजी।

यीशु बोलू, "परमेश्वरा रा राज्य तेऊ राजा जेहा साहा जासुये आपणे नोकरा का ईसाब किताब लऊणा चाहु। जेबा सह हिसाबा कताबा लऊन्द लागअ, तेबा एक सेबक तेऊ सेटा बे आणु, जोह पाज हजार चांदी रे सीके रअ कर्जदार थी।"

पर सह नोकर आपणे कर्जा नाँई देई सकू,तेबा राजा बोलू, "एउरा कर्ज मागणे री तणी एउ होर एउरे परिवार नोकरा रे रूपा में बेचा।"

सह नोकर राजा रे चरणे पडू होर बोलू, 'महा पेंदे दया कर, महा तेरा सारा कर्ज दीणा। राजा तेऊ नोकरा पेंदे दया करी, तेबा राजा तेऊ नोकरा रे सारे कर्ज माफ करी होर तेऊ नाहणे दीना।"

पर जेबा सह नोकर राजा सेटा का बागे नाठअ, तेबा तेऊ एक तेऊर सघी भेटअ जासु जेह शाठ हजार रूपयी रा कर्ज थी। तेऊ नोकरे आपण सह नोकर ढाकु होर बोलू, 'जोह मेरा कर्जा ताह दीणे बे साहा तेऊ सारे एबरी दे!

तेऊ नोकरा रे सगी उटे पड़ी करे तेऊ नोकरा बे बोलू, “महा पेंदे दया कर, महा तेरा सारा कर्ज दीणा।' पर तेऊ नोकरे नाँई शुणू होर सह आपण सगी नोकर जेला में पाऊ, जेबरे तणी सह तेऊरा कर्जा नाँई देई सकू।

जोह कुछ तेऊ नोकरे आपणे सघी सगे करू सह होरी नोकरे हेरू, होर यह हेरी करे दूजे नोकर बहु परेशान होई, त्या राजा सेटा नाही करे तेऊ सेवका रे बारे में, सभ कुछ खोजू।

राजा सह नोकर आपु सेटा बे होर तेऊ बे बोलू, 'हे दुष्ट नोकर! माए तेरा कर्ज तेबा माफ करू थी, किबेकी ताए महाक प्रार्थना करी थी। होर ताह भी आपणे नोकरा रा कर्ज माफ करू लोडी थी।” राजे तेऊ नोकरा पेंदे एथरा रोष आउआ राजे सह नोकर तेबरे तणी जेला में बंद करू जेबरे तणी राजे रा सारा कर्ज नाँई देई सके।

तेबा यीशु बोलू, "स्वर्गा में मेरअ बापू परमेश्वर भी तमा सभी सगा एडा करना अगर तमे भी आपणे भाई दिला का माफ नाँई करले।"